കെ.​എം. ഷാ​ജി​ക്കെ​തി​രെ തെ​ര​ഞ്ഞെ​ടു​പ്പ് ക​മീ​ഷ​ന് വി​ജി​ല​ൻ​സ് റി​പ്പോ​ർ​ട്ട് ന​ൽ​കി

കോ​ഴി​ക്കോ​ട്: ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​ഴീ​ക്കോ​ട് മ​ണ്ഡ​ല​ത്തി​ൽ മ​ത്സ​രി​ച്ച മു​സ്​​ലിം ലീ​ഗ്‌ സം​സ്ഥാ​ന സെ​ക്ര​ട്ട​റി കെ.​എം. ഷാ​ജി തെ​ര​ഞ്ഞെ​ടു​പ്പ് ച​ട്ട​ലം​ഘ​നം ന​ട​ത്തി​യെ​ന്ന് വി​ജി​ല​ൻ​സ് ആ​ൻ​ഡ് ആ​ന്റി ക​റ​പ്ഷ​ൻ ബ്യൂ​റോ തെ​ര​ഞ്ഞെ​ടു​പ്പ് ക​മീ​ഷ​ന് റി​​പ്പോ​ർ​ട്ട് സ​മ​ർ​പ്പി​ച്ചു. 2021 ഏ​പ്രി​ലി​ൽ ഷാ​ജി​യു​ടെ അ​ഴീ​ക്കോ​ട്ടെ വീ​ട്ടി​ൽ​നി​ന്ന് 47.3 ല​ക്ഷം രൂ​പ വി​ജി​ല​ൻ​സ് ക​ണ്ടെ​ടു​ത്തി​രു​ന്നു. പ​ണം ലീ​ഗ് മ​ണ്ഡ​ലം ക​മ്മി​റ്റി​ക​ളി​ൽ നി​ന്ന​ട​ക്കം പി​രി​ച്ചെ​ടു​ത്ത​താ​ണെ​ന്നും തി​രി​ച്ചു​കി​ട്ട​ണ​മെ​ന്നും ആ​വ​ശ്യ​പ്പെ​ട്ട് ഷാ​ജി ന​ൽ​കി​യ അ​പേ​ക്ഷ ക​ഴി​ഞ്ഞ വെ​ള്ളി​യാ​ഴ്ച കോ​ഴി​ക്കോ​ട് വി​ജി​ല​ൻ​സ് പ്ര​ത്യേ​ക കോ​ട​തി ത​ള്ളു​ക​യും ചെ​യ്തു.

പാ​ർ​ട്ടി​യു​ടെ ബൂ​ത്ത് ക​മ്മി​റ്റി​ക​ളി​ൽ​നി​ന്നു കി​ട്ടി​യ തെ​ര​ഞ്ഞെ​ടു​പ്പ് ഫ​ണ്ടാ​ണ് പി​ടി​കൂ​ടി​യ​തെ​ന്ന​ത​ട​ക്ക​മു​ള്ള ഷാ​ജി​യു​ടെ വാ​ദ​ത്തി​ൽ വൈ​രു​ധ്യ​മു​ണ്ടെ​ന്ന പ്രോ​സി​ക്യൂ​ഷ​ൻ വാ​ദം കോ​ട​തി അം​ഗീ​ക​രി​ക്കു​ക​യാ​യി​രു​ന്നു. പി​ടി​കൂ​ടി​യ പ​ണം ഷാ​ജി തെ​ര​ഞ്ഞെ​ടു​പ്പ് ക​മീ​ഷ​ന് ന​ൽ​കി​യ ക​ണ​ക്കു​ക​ളി​ൽ​പെ​ടു​ന്നി​ല്ലെ​ന്ന കാ​ര്യ​മ​ട​ക്കം ക​ണ്ടെ​ത്തി​യാ​ണ് കോ​ട​തി ഹ​ര​ജി ത​ള്ളി​യ​ത്.

തെ​ര​ഞ്ഞെ​ടു​പ്പി​ൽ സം​ഭാ​വ​ന സ്വീ​ക​രി​ക്കാ​നു​ള്ള ച​ട്ട​ങ്ങ​ൾ ഷാ​ജി ലം​ഘി​ച്ചെ​ന്ന് ക​ണ്ടെ​ത്തി​യ​താ​യി വി​ജി​ല​ൻ​സ് റി​​പ്പോ​ർ​ട്ടി​ലു​ള്ള​താ​യാ​ണ് വി​വ​രം. 10,000 രൂ​പ​യി​ല​ധി​ക​മു​ള്ള സം​ഭാ​വ​ന​ക​ൾ സ്ഥാ​നാ​ർ​ഥി ചെ​ക്കാ​യോ ഡ്രാ​ഫ്റ്റാ​യോ അ​ക്കൗ​ണ്ട് വ​ഴി​യോ സ്വീ​ക​രി​ക്ക​ണ​മെ​ന്നാ​ണ് ച​ട്ടം. എ​ന്നാ​ൽ, ഷാ​ജി ഹാ​ജ​രാ​ക്കി​യ രേ​ഖ​ക​ളി​ൽ 15,000 രൂ​പ​യും 20,000 രൂ​പ​യു​മൊ​ക്കെ ര​സീ​ത് ന​ൽ​കി സ്വീ​ക​രി​ച്ച​താ​യി കാ​ണു​ന്നു. ദി​വ​സേ​ന​യു​ള്ള ക​ണ​ക്കു​ക​ളു​ടെ പു​സ്ത​ക​ത്തി​ൽ തെ​ര​ഞ്ഞെ​ടു​പ്പി​ന് മൂ​ന്നു ദി​വ​സം മു​മ്പ് 2021 ഏ​പ്രി​ൽ മൂ​ന്നു​വ​രെ 30,000 രൂ​പ മാ​ത്ര​മേ ര​സീ​ത് വ​ഴി കി​ട്ടി​യി​ട്ടു​ള്ളൂ​വെ​ന്ന് വ്യ​ക്ത​മാ​ണെ​ന്നും വി​ജി​ല​ൻ​സ് പ​റ​യു​ന്നു.

ഷാ​ജി ഹാ​ജ​രാ​ക്കി​യ ര​സീ​തു​ക​ളി​ൽ മി​ക്ക​തും 2021 ഏ​പ്രി​ൽ നാ​ല്, അ​ഞ്ച്, ഏ​ഴ്, എ​ട്ട് എ​ന്നീ തീ​യ​തി​ക​ളി​ലാ​ണെ​ന്നാ​ണ് പ​റ​യു​ന്ന​ത്. എ​ന്നാ​ൽ, ഇ​വ​യൊ​ന്നും ദി​വ​സേ​ന​യു​ള്ള ക​ണ​ക്കി​ലോ കാ​ഷ് ര​ജി​സ്റ്റ​റി​ലോ ചേ​ർ​ത്തി​ട്ടി​ല്ല. തെ​ര​ഞ്ഞെ​ടു​പ്പ് ച​ട്ട​പ്ര​കാ​രം സ്ഥാ​നാ​ർ​ഥി​ക്ക് തെ​ര​ഞ്ഞെ​ടു​പ്പി​നാ​യി പ്ര​ത്യേ​ക അ​ക്കൗ​ണ്ട് വേ​ണം. ഷാ​ജി അ​ഴീ​ക്കോ​ട് സ​ർ​വി​സ് സ​ഹ​ക​ര​ണ ബാ​ങ്കി​ൽ തു​ട​ങ്ങി​യ അ​ക്കൗ​ണ്ടി​ൽ അ​ദ്ദേ​ഹം പ​ണ​മാ​യി സ്വീ​ക​രി​ച്ചെ​ന്ന് അ​വ​കാ​ശ​പ്പെ​ടു​ന്ന തു​ക​യു​ടെ ക​ണ​ക്കൊ​ന്നും വ​ന്ന​താ​യും കാ​ണു​ന്നി​ല്ല.

ഷാ​ജി​യു​ടെ ദി​വ​സേ​ന​യു​ള്ള പ​ണ​മി​ട​പാ​ടു​ക​ളു​ടെ ക​ണ​ക്ക് പി​ടി​ച്ചെ​ടു​ത്ത​തി​നെ​പ്പ​റ്റി നേ​ര​ത്തേ തെ​ര​ഞ്ഞെ​ടു​പ്പ് ക​മീ​ഷ​ൻ വി​ജി​ല​ൻ​സി​നോ​ട് വി​ശ​ദീ​ക​ര​ണം ചോ​ദി​ച്ചി​രു​ന്നു. ഈ ​വി​ശ​ദീ​ക​ര​ണ​ത്തി​ന്റെ ഭാ​ഗ​മാ​യി കൂ​ടി​യാ​ണ് വി​ജി​ല​ൻ​സി​ന്റെ പു​തി​യ റി​പ്പോ​ർ​ട്ട്. ഷാ​ജി​യി​ൽ​നി​ന്ന് പി​ടി​ച്ചെ​ടു​ത്ത 47.3 ല​ക്ഷം രൂ​പ സ​ർ​ക്കാ​റി​ലേ​ക്ക് ക​ണ്ടു​കെ​ട്ടാ​ൻ കോ​ഴി​ക്കോ​ട് വി​ജി​ല​ൻ​സ് ഡി​വൈ.​എ​സ്.​പി​യെ ചു​മ​ത​ല​പ്പെ​ടു​ത്തി ക​ഴി​ഞ്ഞ ദി​വ​സം സ​ർ​ക്കാ​ർ ഉ​ത്ത​ര​വും പു​റ​പ്പെ​ടു​വി​ച്ചി​രു​ന്നു.