വി.ഡി. സതീശൻ എം.എൽ.എക്കെതിരെ അന്വേഷണത്തിന്​ അനുമതി തേടി വിജിലൻസ്​

തിരുവനന്തപുരം: കോൺഗ്രസ്​ നേതാവും എം.എൽ.എയുമായ വി.ഡി. സതീശനെതിരെ അന്വേഷണത്തിന്​ വിജിലൻസ്​ സ്​പീക്കറുടെ അനുമതി തേടി. പുനർജ്ജനി പദ്ധതിക്ക്​ വിദേശ സഹായം തേടിയതിലാണ്​ അന്വേഷണം.

യു.ഡി.എഫ്​ നേതാക്കൾക്കെതി​രായ വിവിധ കേസുകളിൽ ​ സംസ്​ഥാന സർക്കാർ അന്വേഷണ നടപടികൾ തുടങ്ങിയിട്ടുണ്ട്​. ഇബ്രാഹീം കുഞ്ഞ്​, കെ.എം ഷാജി, എം.സി ഖമറുദ്ദീൻ എന്നിവർക്കെതിരായ കേസുകളിൽ നടപടി തുടങ്ങി. എം.കെ. രാഘവൻ എം.പി, വി.ഡി. സതീശൻ എം.എൽ.എ എന്നിവർക്കെതിരെ വിജിലൻസ്​ അന്വേഷണ അനുമതി തേടിയിട്ടുണ്ട്​. ബാർകോഴകേസിൽ പ്രതിപക്ഷ നേതാവ്​ രമേശ്​ ചെന്നിത്തലയടക്കമുള്ളവർക്കെതിരെയും അന്വേഷണത്തിനുള്ള നടപടികൾ സംസ്​ഥാന സർക്കാർ തുടങ്ങിയിട്ടുണ്ട്​.