വി.എസ്​ ശിവകുമാറി​െൻറ വീട്ടിൽ വിജിലൻസ്​ റെയ്​ഡ്​

തിരുവനന്തപുരം: അനധികൃത സ്വത്ത് സമ്പാദന കേസില്‍ വി.എസ് ശിവകുമാർ എം.എൽ.എയുടെ വീട്ടിൽ വിജിലൻസ് റെയ്ഡ്. പരിശേ ാധനയിൽ കണ്ടെത്തിയ വിവരങ്ങളുടെ അടിസ്​ഥാനത്തിൽ അദ്ദേഹത്തെ ദിവസങ്ങൾക്കുള്ളിൽ ചോദ്യം ചെയ്യും. പ്രതിസ്​ഥാനത്ത ുള്ള മറ്റു മൂന്നുപേരുടെ വീടുകളിലും റെയ്ഡ് നടന്നു. വരും ദിവസങ്ങളിലും പരിശോധന തുടരുമെന്നാണു വിവരം.

ശാസ്​ത മംഗലത്തിന്​ സമീപം ശിവകുമാറി​​െൻറ ശ്രീരംഗം വീട്ടിൽ രാവിലെ എട്ടരയോടെ ആരംഭിച്ച റെയ്​ഡ്​ രാത്രി വൈകുംവരെ നീണ്ടു. ബാങ്ക് നിക്ഷേപങ്ങൾ, ആധാരങ്ങൾ, സ്വർണം തുടങ്ങിയവയുടെ വിവരങ്ങളാണ് വിജിലൻസ് പ്രത്യേക സെൽ എസ്.പി. വി.എസ്. അജിയുടെ നേതൃത്വത്തിൽ പരിശോധിച്ചത്​.

അനധികൃത സ്വത്ത് കേസില്‍ ശിവകുമാറിനെ ഒന്നാം പ്രതിയാക്കി വിജിലന്‍സ് കഴിഞ്ഞ ദിവസം കോടതിയിൽ എഫ്​.​െഎ.ആർ സമർപ്പിച്ചിരുന്നു. പേഴ്സനൽ സ്​റ്റാഫ്​ എം രാജേന്ദ്രന്‍, ഡ്രൈവർ ഷൈജുഹരന്‍, സുഹൃത്ത്​ അഡ്വ. എന്‍.എസ് ഹരികുമാര്‍ എന്നിവരാണു എഫ്​.​െഎ.ആറിലുള്ള മറ്റുള്ളവർ. മന്ത്രിയായിരിക്കെ ബിനാമി പേരിൽ ശിവകുമാർ സ്വത്ത്​ സമ്പാദിച്ചെന്ന്​ എഫ്​.​െഎ.ആറിൽ വ്യക്​തമാക്കിയ വിജിലൻസ്​ വ്യക്​തമായ തെളിവ്​ ലഭിച്ചിട്ടില്ലെന്നും വിശദ പരിശോധന വേണമെന്നും വ്യക്​തമാക്കിയിരുന്നു.

ശിവകുമാറുമായി ബന്​ധമുള്ള പ്രതിപ്പട്ടികയിൽ ഇതുവരെ ഇടംപിടിക്കാത്ത ചിലരും വിജിലൻസ്​ നിരീക്ഷണത്തിലാണ്​. ഇവരിൽ ചിലർ വാങ്ങിയ ഫ്ലാറ്റുകളുടേയും കെട്ടിടങ്ങളുടേയും വിശദാംശങ്ങൾ​ പരിശോധിച്ച്​ വരികയാണ്​. അതിന്​ പുറമെയാണ്​ പ്രതിപ്പട്ടികയിലുള്ളവരുടെ സാമ്പത്തിക ഇടപാടുകൾ ഉൾപ്പെടെ പരിശോധിക്കുന്നത്​. പരിശോധനയിൽ പല നിർണായക വിവരങ്ങളും ലഭിച്ചതായാണ്​ വിവരം.