എ.കെ ബാലന്‍ എനിക്കെതിരെ പറയുമെന്ന് കരുതുന്നില്ല -എ. വിജയരാഘവന്‍

തൃശൂർ: ആലത്തൂരിലെ യു.ഡി.എഫ് സ്ഥാനാർഥി രമ്യ ഹരിദാസിനെതിരായ പരാമർശം ഇടത് സ്ഥാനാർഥി പി.കെ. ബിജുവിന്‍റെ വിജയത്തെ ബ ാധിച്ചിട്ടുണ്ടാകാമെന്ന മന്ത്രി എ.കെ. ബാല​​​െൻറ പ്രസ്താവന ഇടതുമുന്നണി കൺവീനർ എ. വിജയരാഘവൻ തള്ളി. ബാലൻ തനിക്കെതിരെ അങ്ങനെ പറയുമെന്ന് കരുതുന്നില്ലെന്ന് വിജയരാഘവൻ തൃശൂരിൽ മാധ്യമങ്ങളോട് പറഞ്ഞു.

താൻ നടത്തിയത് രാഷ്​ട്രീയ പരാമർശമാണെന്ന്​ അദ്ദേഹം ആവർത്തിച്ചു. മുസ്​ലിം ലീഗ് നേതാക്കളെ കണ്ടതിലെ രാഷ്​ട്രീയ വിമർശനമാണ് നടത്തിയത്. വ്യക്തിപരമായ പരാമർശം നടത്തിയിട്ടില്ല. താൻ പറഞ്ഞതിനെ മാധ്യമങ്ങൾ ഇടതുമുന്നണിക്കെതിരാക്കി മാറ്റുകയായിരുന്നു. എൽ.ഡി.എഫിന് സംഭവിച്ചത് അപ്രതീക്ഷിത പരാജയമാണെന്നും മുഖ്യമന്ത്രി ശൈലി മാറ്റേണ്ട ആവശ്യമില്ലെന്നും വിജയരാഘവൻ പറഞ്ഞു.