ദാറുസ്സലാമിൽ ഒരു വിരഹഗാനം കൂടി

മ​ല​പ്പു​റം: വി.​എം. കു​ട്ടി മാ​ഷി​ന്റെ പു​ളി​ക്ക​ൽ ദാ​റു​സ്സ​ലാം വീ​ട് അ​ക്ഷ​രാ​ർ​ഥ​ത്തി​ൽ മ​ര​ണ​വീ​ടാ​യി​രു​ന്നു ഇ​ന്ന​ലെ. പാ​ട്ടി​ന്റെ ഗു​രു​കു​ലം തേ​ടി​വ​ന്ന വി​ള​യി​ൽ വ​ത്സ​ല​യെ​ന്ന ഫ​സീ​ല ഈ ​വീ​ട്ടി​ലെ അം​ഗം​ത​ന്നെ​യാ​യി​രു​ന്നു. അ​പ്ര​തീ​ക്ഷി​ത​മാ​യ അ​വ​രു​ടെ വി​യോ​ഗ​ത്തി​ന്റെ നോ​വി​ലാ​ണ് ദാ​റു​സ്സ​ലാം വീ​ട്. മാ​ഷി​ന്റെ കു​ടും​ബം ഒ​ന്ന​ട​ങ്കം ആ ​ദുഃ​ഖ​വാ​ർ​ത്ത കേ​ട്ട് കോ​ഴി​ക്കോ​ട് വെ​ള്ളി​പ​റ​മ്പി​ലെ ഫ​സീ​ല​യു​ടെ വീ​ട്ടി​ലെ​ത്തി. എ​ട്ട് മ​ക്ക​ളു​ള്ള ഞ​ങ്ങ​ളു​ടെ കു​ടും​ബ​ത്തി​ലെ ഒ​മ്പ​താ​മ​ത്തെ മ​ക​ളാ​യി​രു​ന്നു വ​ത്സ​ല​യെ​ന്ന് വി.​എം. കു​ട്ടി മാ​ഷി​ന്റെ മ​ക​ൻ അ​ഷ്റ​ഫ് പ​റ​ഞ്ഞു. ത​ന്നെ​ക്കാ​ൾ ര​ണ്ട് വ​യ​സ്സി​ന് മൂ​ത്ത​താ​യി​രു​ന്നു വ​ത്സ​ല. അ​വ​ൾ ഗ​ൾ​ഫി​ൽ ഗാ​ന​മേ​ള​ക്ക് പോ​യി​ത്തു​ട​ങ്ങി​യ കാ​ല​ത്ത് തി​രി​ച്ചു​വ​ന്ന​പ്പോ​ൾ സ​മ്മാ​ന​മാ​യി കൊ​ണ്ടു​വ​ന്ന വാ​ച്ചാ​ണ് ത​നി​ക്ക് ആ​ദ്യ​മാ​യി കി​ട്ടി​യ വാ​ച്ച്.

ഉ​മ്മ ആ​മി​ന​ക്കു​ട്ടി സ്വ​ന്തം മോ​ളാ​യി​ത്ത​ന്നെ​യാ​ണ് വ​ത്സ​ല​യെ​യും വ​ള​ർ​ത്തി​യ​ത്. വി​വാ​ഹം ക​ഴി​ഞ്ഞ് വീ​ട് വെ​ക്കു​ന്ന​തു​വ​രെ ഞ​ങ്ങ​ളു​ടെ വീ​ട്ടി​ൽ​ത​ന്നെ​യാ​യി​രു​ന്നു താ​മ​സം. അ​വ​രു​ടെ പി​താ​വും സ​ഹോ​ദ​ര​ൻ നാ​രാ​യ​ണ​നു​മൊ​ക്കെ സ്ഥി​ര​മാ​യി വീ​ട്ടി​ൽ വ​രും. അ​വ​ൾ ഫ​സീ​ല​യാ​യി മാ​റി​യ​​പ്പോ​ഴും ബ​ന്ധ​ങ്ങ​ളൊ​ന്നും ത​ക​ർ​ന്നി​ല്ല.

നോ​മ്പും പെ​രു​ന്നാ​ളു​മൊ​ക്കെ മ​ധു​ര​മു​ള്ള അ​നു​ഭ​വ​മാ​യി​രു​ന്നു ഞ​ങ്ങ​ൾ​ക്ക്. പെ​ങ്ങ​​ളോ​ടൊ​പ്പം നോ​മ്പ് നോ​ൽ​ക്കാ​നും വൈ​കീ​ട്ട് നോ​മ്പു​തു​റ​യി​ൽ പ​ങ്കു​ചേ​രാ​നു​മൊ​ക്കെ വ​ലി​യ ഇ​ഷ്ട​മാ​യി​രു​ന്നു വ​ത്സ​ല​ക്ക്. ഉ​മ്മ ഖു​ർ​ആ​ൻ ഓ​തു​മ്പോ​ൾ അ​വ​ൾ കൗ​തു​ക​ത്തോ​ടെ കേ​ട്ടി​രി​ക്കും. 20 വ​ർ​ഷം മു​മ്പ് ഉ​മ്മ മ​രി​ച്ച​പ്പോ​ൾ ഞ​ങ്ങ​ളെ​പ്പോ​ലെ സ​ങ്ക​ട​മ​ട​ക്കാ​നാ​വാ​തെ അ​വ​ളും ദാ​റു​സ്സ​ലാ​മി​ലു​ണ്ടാ​യി​രു​ന്നു. വ​ലി​യ പാ​ട്ടു​കാ​രി​യാ​യി മാ​റി​യ​പ്പോ​ഴും ഞ​ങ്ങ​ളു​ടെ വീ​ടു​മാ​യു​ള്ള ബ​ന്ധം പൊ​ന്നു​പോ​ലെ കാ​ത്തു. ഉ​പ്പ​യു​ടെ പേ​രി​ൽ ഞ​ങ്ങ​ൾ ഏ​ർ​പ്പെ​ടു​ത്തി​യ പു​ര​സ്കാ​രം സ​മ്മാ​നി​ച്ച​ത് ഫ​സീ​ല​ക്കാ​യി​രു​ന്നു.