പൊയിലൂരിൽ മദ്​റസ അധ്യാപകർക്കുനേരെ അക്രമം; പിന്നിൽ ആർ.എസ്​.എസ്​ സംഘമെന്ന്​ ആരോപണം

പാ​നൂ​ർ: പൊ​യി​ലൂ​രി​ൽ മ​ദ്​​റ​സ അ​ധ്യാ​പ​ക​ർ​ക്കു​നേ​രെ ക​ല്ലേ​റ് ന​ട​ത്തു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്ത​താ​യി പ​രാ​തി. കൊ​ള​വ​ല്ലൂ​ർ പൊ​ലീ​സി​ൽ പ​രാ​തി ന​ൽ​കി. പൊ​യി​ലൂ​ർ ത​അ​ലീ​മു സ്വി​ബ്​​യാ​ൻ മ​ദ്​​റ​സ​യി​ലെ അ​ധ്യാ​പ​ക​രാ​യ കോ​ഴി​ക്കോ​ട് കൊ​ടു​വ​ള്ളി​യി​ലെ ജു​റൈ​ജ് റ​ഹ്മാ​നി, കൊ​ണ്ടോ​ട്ടി​യി​ലെ ഷ​ബീ​ർ ഹു​ദ​വി, ഹാ​മി​ദ് കോ​യ എ​ന്നി​വ​ർ​ക്ക് നേ​രെ​യാ​ണ് ക​ല്ലേ​റു​ണ്ടാ​യ​ത്.

ബു​ധ​നാ​ഴ്ച രാ​ത്രി ഒ​മ്പ​തി​നാ​ണ്​ സം​ഭ​വം. മ​ദ്​​റ​സ​യി​ൽ​നി​ന്ന്​ ഭ​ക്ഷ​ണം ക​ഴി​ക്കാ​ൻ പോ​യ​താ​യി​രു​ന്നു മൂ​വ​രും. ആ​ർ.​എ​സ്.​എ​സ്​ പ്ര​വ​ർ​ത്ത​ക​രാ​ണ് അ​ക്ര​മ​ത്തി​ന് പി​ന്നി​ലെ​ന്ന് മു​സ്​​ലിം ലീ​ഗ് നേ​തൃ​ത്വം കു​റ്റ​പ്പെ​ടു​ത്തി. പൊ​ലീ​സ് ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് നി​യോ​ജ​ക മ​ണ്ഡ​ലം ജ​ന​റ​ൽ സെ​ക്ര​ട്ട​റി പി.​കെ. ഷാ​ഹു​ൽ ഹ​മീ​ദ് ആ​വ​ശ്യ​പ്പെ​ട്ടു.

സി.പി.എം പാനൂര്‍ ഏരിയ സെക്രട്ടറി കെ ഇ കുഞ്ഞബ്ദുള്ള, പൊയിലൂര്‍ ലോക്കല്‍ സെക്രട്ടറി വി എം ചന്ദ്രന്‍, ഏരിയ കമ്മിററിയംഗം എ രാഘവന്‍, ഇന്ത്യന്‍ നാഷണല്‍ ലീഗ് കുത്തുപറമ്പ് മണ്ഡലം ജനറല്‍ സെക്രട്ടറി കെ പി യൂസഫ്, വൈസ് പ്രസിഡന്റ് മൊയ്തു പത്തായത്തില്‍, മുസ്​ലിം ലീഗ് മണ്ഡലം സെക്രട്ടറി പി കെ ഷാഹുല്‍ ഹമീദ് എന്നിവര്‍ മദ്​റസയിലെത്തി അധ്യാപകരെ സന്ദര്‍ശിച്ചു. മേഖലയില്‍ വര്‍ഗീയ കലാപമുണ്ടാക്കി രാഷ്ട്രീയ ലാഭമുണ്ടാക്കുക എന്ന ലക്ഷ്യത്തോടെ ആര്‍എസ്എസ് - ബിജെപി നടത്തുന്ന ഇത്തരം അക്രമങ്ങള്‍ക്കെതിരെ പൊതുജനങ്ങള്‍ ഒന്നിച്ചു അണിനിരക്കണമെന്ന് സി.പി.എം പൊയിലൂര്‍ ലോക്കല്‍ കമ്മിറ്റി അഭ്യര്‍ത്ഥിച്ചു.

ഉ​സ്താ​ദു​മാ​ർ​ക്കു​നേ​രെ ഉ​ണ്ടാ​യ ആ​ക്ര​മ​ണ​ങ്ങ​ളി​ൽ പൊ​യി​ലൂ​ർ മ​ണ്ഡ​ലം കോ​ൺ​ഗ്ര​സ് ക​മ്മി​റ്റി പ്ര​തി​ഷേ​ധി​ച്ചു. നാ​ടി​െൻറ സ​മാ​ധാ​നം ത​ക​ർ​ക്കാ​ൻ ശ്ര​മി​ക്കു​ന്ന​വ​രെ നി​യ​മ​ത്തി​നു​മു​ന്നി​ൽ കൊ​ണ്ടു​വ​ര​ണ​മെ​ന്ന് യോ​ഗം ആ​വ​ശ്യ​പ്പെ​ട്ടു. പ്ര​സി​ഡ​ൻ​റ്​ വി. ​വി​പി​ൻ അ​ധ്യ​ക്ഷ​ത വ​ഹി​ച്ചു.

സം​ഭ​വ​ത്തി​ൽ ആ​ർ.​എ​സ്.​എ​സി​നോ സം​ഘ്​​പ​രി​വാ​ർ സം​ഘ​ട​ന​ക​ൾ​ക്കോ പ​ങ്കി​ല്ലെ​ന്ന് ബി.​ജെ.​പി ജി​ല്ല സെ​ക്ര​ട്ട​റി വി.​പി. സു​രേ​ന്ദ്ര​ൻ പ​റ​ഞ്ഞു. അ​ക്ര​മം കാ​ണി​ച്ച​ത് പാ​ർ​ട്ടി​യി​ൽ​നി​ന്ന്​ പു​റ​ത്തു​പോ​യ​വ​രാ​ണ്. പൊ​ലീ​സ് കൃ​ത്യ​മാ​യ അ​ന്വേ​ഷ​ണം ന​ട​ത്തി പ്ര​തി​ക​ളെ പി​ടി​കൂ​ട​ണ​മെ​ന്നും ആ​വ​ശ്യ​പ്പെ​ട്ടു.