ചെങ്ങറ കോളനിയിൽ അതിക്രമം, ഓട്ടോറിക്ഷ കത്തിച്ചു; നീതി തേടി കലക്ടറേറ്റ് പടിക്കൽ സമരം

നടുവിൽ (കണ്ണൂർ): ഒടുവള്ളിതട്ടിലുള്ള ചെങ്ങറ കോളനിയിൽ സി.പി.എം നേതൃത്വത്തിൽ അതിക്രമം നടത്തുന്നതായി ​കോളനിവാസികളുടെ പരാതി. എട്ടുവർഷത്തോളം സമരം ചെയ്​ത്​ നേടിയ ഭൂമിയിൽ സൗര്യ ജീവിതം നയിക്കാൻ അനുവദിക്കണമെന്നാവശ്യപ്പെട്ട് കണ്ണൂർ കലക്ടറേറ്റ് പടിക്കൽ ഉപവാസസമരം ആരംഭിച്ചിരിക്കുകയാണ് പത്തോളം കുടുംബങ്ങൾ.

ഇതിനിടെ, സമരത്തിൽ പങ്കെടുക്കുന്ന കോളനിവാസിയായ വെൽഫെയർ പാർട്ടി പ്രവർത്തകൻ കൃഷ്ണൻകുട്ടിയുടെ ഓട്ടോറിക്ഷ വെള്ളിയാഴ്ച രാത്രി അക്രമികൾ അഗ്നിക്കിരയാക്കി. നേരത്തെ കോളനിയിൽ വിഷയം അന്വേഷിക്കാനെത്തിയ വെൽഫെയർ പാർട്ടിയുടെ രണ്ട് ജില്ലാ നേതാക്കളെ സി.പി.എം പ്രവർത്തകർ മർദിക്കുകയും ചെയ്തിരുന്നു.

പത്തോളം കുടുംബങ്ങൾ ആണ് ചെങ്ങറ കോളനിയിൽ താമസിക്കുന്നത്. കോളനി കേന്ദ്രീകരിച്ച് വ്യാജ വാറ്റും വിൽപനയും നടക്കുന്നത് മൂലം സന്ധ്യകഴിഞ്ഞാൽ സാമൂഹ്യവിരുദ്ധരുടെ താവളമാണ് പ്ര​േദശം. ലോക് ഡൗൺ കാലയളവിൽ ഇത് വർധിച്ചതോടെ പരാതിയുമായി ചെങ്ങറ കോളനിവാസികൾ പൊലീസിനെയും എക്സൈസിനയും സമീപിച്ചതാണ് സാമൂഹവിരുദ്ധർ കോളനി വാസികൾക്ക് എതിരെ തിരിയാൻ കാരണം. സി.പി.എമ്മിലെ ഒരു വിഭാഗം ഇവർക്ക്​ പിന്തുണ നൽകുന്നതായും കോളനിവാസികൾ ആരോപിക്കുന്നു. പാർട്ടി സമ്മർദം കാരണം പൊലീസ് നടപടി സ്വീകരിക്കുന്നില്ലെന്നും ഇവർ പറയുന്നു.

ചെങ്ങറ കോളനിയിൽ തന്നെ താമസിക്കുന്ന സി.പി.എം അനുഭാവിയുടെ വീട് കേന്ദ്രീകരിച്ചാണ് വ്യാജ വാറ്റ് നടക്കുന്നതത്രെ. എക്സൈസ് സംഘം റെയ്ഡ് നടത്തി വ്യാജവാറ്റും ഉപകരണങ്ങളും കണ്ടെത്തിയെങ്കിലും ആരെയും പിടികൂടിയിരുന്നില്ല. വ്യാജവാറ്റിനെതിരെ പരാതി നൽകിയ കോളനിയിലെ വിജയനെ കഴിഞ്ഞയാഴ്ച ഒരുസംഘം മർദിച്ചു. വിജയൻ തളിപ്പറമ്പ് പൊലീസിൽ പരാതി നൽകിയെങ്കിലും യാതൊരു നടപടിയും സ്വീകരിച്ചില്ല.

തുടർന്ന് കഴിഞ്ഞ മാസം 30ന് കോളനിവാസികളായ ഒമ്പതോളം പേർ ജില്ല കലക്ടർക്കും ജില്ലാ പൊലീസ് മേധാവിക്കും നേരിട്ട് പരാതി നൽകി. തിരികെ കോളനിയിലേക്ക് ഒറ്റക്ക്​ പോകാൻ ഭയമുണ്ടെന്ന് കോളനിവാസികൾ അറിയിച്ചതിനെ തുടർന്ന് കൂടെപോയി തിരികെ വരു​േമ്പാഴാണ്​ വെൽഫെയർ പാർട്ടി ജില്ല സെക്രട്ടറി കെ.പി. മുനീർ, നിയോജക മണ്ഡലം വൈസ് പ്രസിഡന്‍റ്​ സി.എച്ച്. മൂസാൻ ഹാജി എന്നിവരെ മർദിച്ചത്. തുടർന്നാണ് സംരക്ഷണം ആവശ്യപ്പെട്ട് കോളനിവാസികൾ വെള്ളിയാഴ്ച രാവിലെ മുതൽ കലക്ടറേറ്റ് പടിക്കൽ അനിശ്​ചിതകാല ഉപവാസ സമരം ആരംഭിച്ചത്.

സി.​പി.​എം പ്രാ​ദേ​ശി​ക പ്ര​വ​ർ​ത്ത​ക​രി​ൽ നി​ന്നാ​ണ്​ ഭീ​ഷ​ണി​യും അ​ക്ര​മ​വും ഉ​ണ്ടാ​കു​ന്ന​തെ​ന്ന്​ കോ​ള​നി​വാ​സി​ക​ൾ വാ​ർ​ത്ത സ​മ്മേ​ള​ന​ത്തി​ൽ പ​റ​ഞ്ഞു. സി.​പി.​എം പ്രാ​ദേ​ശി​ക നേ​തൃ​ത്വ​ത്തി​െൻറ ഒ​ത്താ​ശ​യോ​ടെ​യാ​ണ്​ അ​ക്ര​മം തു​ട​രു​ന്ന​ത്. 12 വ​ർ​ഷ​മാ​യി ഇ​വി​ടെ താ​മ​സ​മാ​ക്കി​യ 10ൽ ​എ​ട്ട്​ കു​ടും​ബ​ങ്ങ​ളാ​ണ്​ ജീ​വ​ഭ​യ​ത്താ​ൽ ച​കി​ത​രാ​യി ക​ഴി​യു​ന്ന​ത്. നി​ര​വ​ധി​ത​വ​ണ വി​വി​ധ​ങ്ങ​ളാ​യ പീ​ഡ​ന​മു​റ​ക​ളി​ലൂ​ടെ മാ​ന​സി​ക​മാ​യും ശാ​രീ​രി​ക​മാ​യും ഉ​പ​ദ്ര​വ​മേ​റ്റ്​ ക​ഴി​യു​ക​യാ​ണ്. പു​രു​ഷ​ന്മാ​രെ നി​ര​ന്ത​രം ആ​ക്ര​മി​ക്കു​ന്നു. സ്​​ത്രീ​ക​ൾ​ക്കു​നേ​രെ അ​സ​ഭ്യ​വ​ർ​ഷ​വും നി​ത്യ സം​ഭ​വ​മാ​യി മാ​റി. കൂ​ലി​വേ​ല ചെ​യ്​​ത്​ ഉ​പ​ജീ​വ​നം ക​ണ്ടെ​ത്തു​ന്ന കോ​ള​നി​വാ​സി​ക​ൾ​ക്ക്​​ സ്വൈ​ര ജീ​വി​തം ഉ​റ​പ്പു​വ​രു​ത്താ​ൻ ജി​ല്ല ക​ല​ക്​​ട​റും ജി​ല്ല പൊ​ലീ​സ്​ മേ​ധാ​വി​യും അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു. അ​ക്ര​മി​ക​ൾ​ക്കെ​തി​രെ പ​ല​ത​വ​ണ ത​ളി​പ്പ​റ​മ്പ്​ പൊ​ലീ​സി​ൽ പ​രാ​തി ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​കു​ന്നി​ല്ല. ​ പ്ര​തി​ക​ൾ​ക്ക്​ പൊ​ലീ​സ് ഒ​ത്താ​ശ ചെ​യ്യു​ക​യാ​ണ്. അ​ടു​ത്ത​കാ​ല​ത്താ​യി ഇ​വ​ർ കോ​ള​നി​യി​ലെ ഒ​രു​കു​ടം​ബ​ത്തെ ഉ​പ​യോ​ഗി​ച്ച്​ വ്യാ​പ​ക​മാ​യി വ്യാ​ജ​വാ​റ്റ്​ ന​ട​ത്തി​വ​രു​ക​യാ​ണ്.

എ​ക്​​സൈ​സ്​ സം​ഘം റെ​യ്​​ഡ്​ ന​ട​ത്തി​യെ​ങ്കി​ലും തു​ട​ർ ന​ട​പ​ടി​യു​ണ്ടാ​യി​ട്ടി​ല്ല. ഇ​തു​കാ​ര​ണം ഇ​പ്പോ​ഴും വ്യാ​ജ​വാ​റ്റ്​ നി​ർ​ബാ​ധം തു​ട​രു​ക​യാ​ണ്. കോ​ള​നി​യി​ലേ​ക്ക്​ മ​ട​ങ്ങി​ച്ചെ​ന്നാ​ൽ ജീ​വ​ന്​ ഭീ​ഷ​ണി ഉ​ണ്ടാ​കു​ന്ന സാ​ഹ​ച​ര്യ​ത്തി​ൽ, ഇൗ ​മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്ക്​ അ​റു​തി​വ​രു​ത്തു​ന്ന​തി​ന്​ കോ​ള​നി പ​രി​സ​ര​ത്ത്​ മു​ഴു​സ​മ​യ പൊ​ലീ​സ്​ പോ​സ്​​റ്റ്​ സ്​​ഥാ​പി​ക്കു​ക, ഗു​ണ്ടാ​വി​ള​യാ​ട്ടം ന​ട​ത്തു​ന്ന​വ​ർ​ക്കെ​തി​രെ കേ​സെ​ടു​ത്ത്​ നി​യ​മ ന​ട​പ​ടി​ക​ൾ ക​ർ​ശ​ന​മാ​ക്കു​ക എ​ന്നീ ആ​വ​ശ്യ​ങ്ങ​ളു​ന്ന​യി​ച്ചാ​ണ്​ ചെ​ങ്ങ​റ കോ​ള​നി​വാ​സി​ക​ൾ ക​ല​ക്​​ട​റേ​റ്റി​നു മു​ന്നി​ൽ സ​ത്യ​ഗ്ര​ഹം തു​ട​ങ്ങി​യ​ത്.

അതേസമയം, വിഷയത്തിൽ പാർട്ടിക്ക്​ യാതൊരു പങ്കുമില്ലെന്നും രാഷ്ട്രീയ മുതലെടുപ്പിനുള്ള നീക്കമാണ് നടക്കുന്നതെന്നും സി.പി.എം പറഞ്ഞു. പുറത്തുനിന്ന് ആളുകൾ എത്തിയതിനെ ചൊല്ലിയുള്ള തർക്കവും കലഹവും ആണ് കോളനിയിൽ നടന്നത്. സംഭവത്തിൽ നിഷ്പക്ഷ അന്വേഷണം നടത്തി നിജസ്ഥിതി പുറത്തു കൊണ്ടുവരണം. വിഷയം ഏറ്റെടുക്കാനോ സംരക്ഷിക്കുവാനോ സി.പി.എം തയ്യാറാകില്ലെന്നും ഏരിയ കമ്മിറ്റി അംഗം രവീന്ദ്രൻ 'മാധ്യമ'ത്തോട് പറഞ്ഞു