ഇടഞ്ഞ ആനകൾ കൂട്ടാനകളെ കുത്തുന്നവർ, എന്നിട്ടും...

ഗു​രു​വാ​യൂ​ര്‍: കൊ​യി​ലാ​ണ്ടി മ​ണ​ക്കു​ള​ങ്ങ​ര ക്ഷേ​ത്രോ​ത്സ​വ​ത്തി​നി​ടെ ഇ​ട​ഞ്ഞോ​ടി​യ കൊ​മ്പ​ന്‍ പീ​താം​ബ​ര​നും ഗോ​കു​ലും നേ​ര​​ത്തേ​യും കൂ​ട്ടാ​ന​ക​ളെ കു​ത്തി​യ ച​രി​ത്ര​മു​ള്ള ആ​ന​ക​ള്‍. ആ​ന​ത്താ​വ​ള​ത്തി​ലെ ഗ​ജ മു​ത്ത​ശ്ശി ന​ന്ദി​നി​യെ​വ​രെ കു​ത്തി​യ ആ​ന​യാ​ണ് പീ​താം​ബ​ര​ന്‍. 2012 മേ​യ് 21നാ​ണ് ന​ന്ദി​നി​യെ കു​ത്തി​യ​ത്.

2015ല്‍ ​ആ​ന​യോ​ട്ട​ത്തി​ന് അ​ണി​നി​ര​ത്തി​യ​പ്പോ​ള്‍ കു​ടി​വെ​ള്ള ടാ​ങ്ക​ര്‍ കു​ത്തി​മ​റി​ച്ച് ഇ​ട​ഞ്ഞോ​ടി​യ ച​രി​ത്ര​വും പീ​താം​ബ​ര​നു​ണ്ട്. ടാ​ങ്ക​റി​ന്റെ ഡ്രൈ​വ​ർ ക​ണ്ണ​ന്‍ അ​ന്ന് ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. ആ​ന​യോ​ട്ട​ത്തി​നാ​യി മ​ഞ്ജു​ളാ​ല്‍ പ​രി​സ​ര​ത്ത് ആ​ന​ക​ളെ അ​ണി​നി​ര​ത്തി​യ​പ്പോ​ഴാ​യി​രു​ന്നു ഇ​ട​ഞ്ഞോ​ട്ടം. ആ​ന​യോ​ട്ടം കാ​ണാ​ന്‍ നി​ല്‍ക്കു​ന്ന​വ​രു​ടെ ഭാ​ഗ​ത്തേ​ക്ക് ഓ​ടാ​തെ കി​ഴ​ക്കോ​ട്ട് ഓ​ടി​യ​തി​നാ​ല്‍ വ​ൻ ദു​ര​ന്ത​മാ​ണ് ഒ​ഴി​വാ​യ​ത്. മൂ​ന്ന് കി​ലോ​മീ​റ്റ​ര്‍ അ​പ്പു​റ​ത്ത് കോ​ട്ട​പ്പ​ടി​യി​ലാ​ണ് അ​ന്ന് ആ​ന​യെ ത​ള​ച്ച​ത്. 2016 ജൂ​ണി​ല്‍ മ​ദ​പ്പാ​ടി​ല്‍നി​ല്‍ക്കേ ച​ങ്ങ​ല പൊ​ട്ടി​ക്കാ​ന്‍ ശ്ര​മി​ച്ച് മ​യ​ക്കു​വെ​ടി വെ​ച്ച് നി​യ​ന്ത്ര​ണ​ത്തി​ലാ​ക്കി​യ​തും ച​രി​ത്രം.

ആ​ന​യോ​ട്ട​ത്തി​ല്‍ പ​ല ത​വ​ണ ജേ​താ​വാ​യ ഗോ​കു​ലി​നും ഒ​പ്പ​മു​ള്ള ആ​ന​യെ കു​ത്തു​ന്ന ദു​ശ്ശീ​ല​മു​ണ്ട്. 2011ല്‍ ​ഗു​രു​വാ​യൂ​ര്‍ ക്ഷേ​ത്ര​ത്തി​ല്‍ എ​ഴു​ന്ന​ള്ളി​പ്പി​നി​ടെ കു​ട്ടി​ശ​ങ്ക​ര​നെ​ന്ന കൊ​മ്പ​നെ ഗോ​കു​ല്‍ കു​ത്തി​മ​റി​ച്ചി​ട്ടി​രു​ന്നു. നാ​കേ​രി​മ​ന കേ​ശ​വ​നും ഇ​വ​ന്റെ കൊ​മ്പി​ന്റെ മൂ​ര്‍ച്ച​യ​റി​ഞ്ഞി​ട്ടു​ണ്ട്. 2009ല്‍ ​തെ​ക്കേ​ന​ട ശീ​വേ​ലി പ​റ​മ്പി​ലെ തെ​ങ്ങു വീ​ണ് ഗോ​കു​ലി​ന്റെ കൊ​മ്പി​ന് ഇ​ള​ക്കം ത​ട്ടി​യി​രു​ന്നു. പി​ന്നീ​ട് ആ ​കൊ​മ്പ് കൊ​ഴി​ഞ്ഞു. ഫൈ​ബ​ര്‍ കൊ​മ്പ് ഘ​ടി​പ്പി​ച്ചാ​ണ് ഇ​പ്പോ​ള്‍ എ​ഴു​ന്ന​ള്ളി​പ്പു​ക​ള്‍ക്ക് പോ​കു​ന്ന​ത്. ഗു​രു​വാ​യൂ​ര്‍ ദേ​വ​സ്വ​ത്തി​ന്റേ​താ​ണ് ര​ണ്ട് ആ​ന​ക​ളും.

കൊല്ലപ്പെട്ട മൂന്നുപേർക്ക് നാട് വിട നൽകി

കോ​ഴി​ക്കോ​ട്: കൊ​യി​ലാ​ണ്ടി കു​റു​വ​ങ്ങാ​ട് മ​ണ​ക്കു​ള​ങ്ങ​ര ഭ​ഗ​വ​തി ക്ഷേ​ത്ര​ത്തി​ൽ ആ​ന​യി​ട​ഞ്ഞ് മ​രി​ച്ച മൂന്നുപേർക്കും നാട് വിട നൽകി. അ​പ​ക​ട​ത്തി​ൽ മ​രി​ച്ച കു​റു​വ​ങ്ങാ​ട് സ്വ​ദേ​ശി​ക​ളാ​യ തൈ​ക്ക​ണ്ടി അ​മ്മു​അ​മ്മ (79), അ​യ​ൽ​വാ​സി ലീ​ല (62), ഊ​ര​ള്ളൂ​ർ കാ​ര​യാ​ട്ട് രാ​ജ​ൻ (64) എ​ന്നി​വ​രു​ടെ മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്റ്റു​മോ​ർ​ട്ട​ത്തി​ന് ശേ​ഷം വെ​ള്ളി​യാ​ഴ്ച ഉ​ച്ച​ക്ക് ഒ​ന്നോ​ടെ കു​റു​വ​ങ്ങാ​ട് മാ​വി​ൻ​ചു​വ​ട്ടി​ൽ പൊ​തു​ദ​ർ​ശ​ന​ത്തി​നു​വെ​ച്ച​പ്പോ​ൾ നാ​ട് ഒ​ഴു​കി​യെ​ത്തി. ക്ഷേ​ത്ര​പ​രി​സ​രം വെ​ള്ളി​യാ​ഴ്ച ശോ​ക​മൂ​ക​മാ​യി​രു​ന്നു. ജ​ന​പ്ര​തി​നി​ധി​ക​ളും നാ​ട്ടു​കാ​രും ഉ​യ​ർ​ന്ന ഉ​ദ്യോ​ഗ​സ്ഥ​രും പൊ​ലീ​സും സ്ഥ​ല​ത്തെ​ത്തി.

ആനയിടഞ്ഞ സം​ഭ​വ​ത്തി​ൽ വ​നം​വ​കു​പ്പ് അ​ന്വേ​ഷ​ണ റി​പ്പോ​ർ​ട്ട് ന​ൽ​കി. വ​നം ക​ൺ​സ​ർ​വേ​റ്റ​ർ (സാ​മൂ​ഹി​ക വ​ന​വ​ത്ക​ര​ണം) ആ​ർ. കീ​ർ​ത്തി​യാ​ണ് മ​ന്ത്രി എ.​കെ. ശ​ശീ​ന്ദ്ര​ന് റി​പ്പോ​ർ​ട്ട് ന​ൽ​കി​യ​ത്. നാ​ട്ടാ​ന പ​രി​പാ​ല​ന ച​ട്ട​ങ്ങ​ൾ ലം​ഘി​ച്ച​ത് ശ്ര​ദ്ധ​യി​ൽ​പെ​ട്ട​താ​യും ക്ഷേ​ത്ര​ത്തി​ൽ ആ​ന​യെ എ​ഴു​ന്ന​ള്ളി​ക്കു​ന്ന​തി​നു​ള്ള അ​നു​മ​തി റ​ദ്ദാ​ക്കാ​ൻ ന​ട​പ​ടി​യെ​ടു​ത്ത​താ​യും റി​​പ്പോ​ർ​ട്ടി​ലു​ണ്ട്.

ആ​ന​ക്ക് ഇ​ട​ച്ച​ങ്ങ​ല​യി​ടാ​തി​രു​ന്ന​തും തൊ​ട്ട​ടു​ത്ത് പ​ട​ക്കം പൊ​ട്ടി​ച്ച​തു​മാ​ണ് അ​പ​ക​ട​കാ​ര​ണം. ഈ ​കു​റ്റ​ത്തി​ന് വ​നം വ​കു​പ്പ് കേ​സെ​ടു​ത്തി​ട്ടു​ണ്ട്. സം​ഭ​വ​ത്തി​ൽ അ​ടി​യ​ന്ത​ര റി​പ്പോ​ർ​ട്ട് ന​ൽ​കാ​ൻ ജി​ല്ല ക​ല​ക്ട​റോ​ടും ഉ​ത്ത​ര​മേ​ഖ​ല ചീ​ഫ് വ​നം ക​ൺ​സ​ർ​വേ​റ്റ​റോ​ടും വ​നം​മ​ന്ത്രി ആ​വ​ശ്യ​പ്പെ​ട്ടി​രു​ന്നു. റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ തു​ട​ർ​ന​ട​പ​ടി സ്വീ​ക​രി​ക്കു​മെ​ന്ന് മ​ന്ത്രി അ​റി​യി​ച്ചു.

കൊ​യി​ലാ​ണ്ടി പൊ​ലീ​സും സം​ഭ​വ​ത്തി​ൽ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. ഉ​ട​ൻ കു​റ്റ​പ​ത്രം സ​മ​ർ​പ്പി​ക്കു​മെ​ന്ന് കൊ​യി​ലാ​ണ്ടി സി.​ഐ ശ്രീ​ലാ​ൽ ച​ന്ദ്ര​ശേ​ഖ​ര​ൻ അ​റി​യി​ച്ചു. വ​ട​ക​ര ഡി​വൈ.​എ​സ്.​പി​യും റൂ​റ​ൽ പൊ​ലീ​സ് സു​പ്ര​ണ്ടും അ​ന്വേ​ഷ​ണം ഏ​കോ​പി​പ്പി​ക്കും.

ഇടപെട്ട്​ ഹൈകോടതി

കൊ​ച്ചി: കൊ​യി​ലാ​ണ്ടി​യി​ൽ ക്ഷേ​ത്രോ​ത്സ​വ​ത്തി​നി​ടെ ആ​ന​യി​ട​ഞ്ഞു​ണ്ടാ​യ അ​പ​ക​ട​ത്തി​ൽ മൂ​ന്നു​പേ​ർ മ​രി​ച്ച സം​ഭ​വ​ത്തി​ൽ ​ഹൈ​കോ​ട​തി ഇ​ട​പെ​ട​ൽ. കു​റു​വ​ങ്ങാ​ട് മ​ണ​ക്കു​ള​ങ്ങ​ര ഭ​ഗ​വ​തി ക്ഷേ​ത്രോ​ത്സ​വ​ത്തി​നി​ടെ​യു​ണ്ടാ​യ സം​ഭ​വം സം​ബ​ന്ധി​ച്ച വി​ശ​ദീ​ക​ര​ണ​ത്തി​ന്​ ആ​ന​ക​ളു​മാ​യി ബ​ന്ധ​പ്പെ​ട്ട ര​ജി​സ്റ്റ​റു​ക​ള​ട​ക്കം ഗു​രു​വാ​യൂ​ർ ദേ​വ​സ്വം ഡെ​പ്യൂ​ട്ടി അ​ഡ്മി​നി​സ്ട്രേ​റ്റ​ർ തി​ങ്ക​ളാ​ഴ്​​ച നേ​രി​ട്ട്​ ഹാ​ജ​രാ​ക​ണ​മെ​ന്ന്​ ജ​സ്റ്റി​സ് അ​നി​ൽ കെ. ​ന​രേ​ന്ദ്ര​ൻ, ജ​സ്റ്റി​സ് എ​സ്. മു​ര​ളീ​കൃ​ഷ്ണ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് നി​ർ​ദേ​ശം ന​ൽ​കി. വ​നം​വ​കു​പ്പ്, ഗു​രു​വാ​യൂ​ർ ദേ​വ​സ്വം എ​ന്നി​വ​രു​ടെ വി​ശ​ദീ​ക​ര​ണ​വും തേ​ടി.

ഇ​ട​ഞ്ഞ പീ​താം​ബ​ര​ൻ, ഗോ​കു​ൽ എ​ന്നി​വ​യു​ടെ​യ​ട​ക്കം ആ​ന​ക​ളു​ടെ ഭ​ക്ഷ​ണം, ട്രാ​ൻ​സ്പോ​ർ​ട്ടേ​ഷ​ൻ അ​ട​ക്ക​മു​ള്ള ര​ജി​സ്റ്റ​റു​ക​ൾ ഹാ​ജ​രാ​ക്കാ​നാ​ണ്​ ലൈ​വ് സ്റ്റോ​ക്ക് ഡെ​പ്യൂ​ട്ടി അ​ഡ്മി​നി​സ്ട്രേ​റ്റ​ർ​ക്ക്​ നി​ർ​ദേ​ശം ന​ൽ​കി​യ​ത്. ദൂ​ര​സ്ഥ​ല​ങ്ങ​ളി​ലേ​ക്ക് ആ​ന​ക​ളെ കൊ​ണ്ടു​പോ​കാ​ൻ അ​നു​മ​തി ന​ൽ​കി​യ​ത്​ എ​ന്ത്​ അ​ടി​സ്ഥാ​ന​ത്തി​ലാ​ണെ​ന്ന്​ കോ​ട​തി ​ആ​രാ​ഞ്ഞു.

ഗു​രു​വാ​യൂ​ർ ദേ​വ​സ്വ​ത്തി​ന് കീ​ഴി​ലെ പു​ന്ന​ത്തൂ​ർ ആ​ന​ക്കോ​ട്ട വൃ​ത്തി​യാ​യി സൂ​ക്ഷി​ക്കാ​നും ആ​ന​ക​ൾ​ക്ക്​ മി​ക​ച്ച പ​രി​ച​ര​ണം ഉ​റ​പ്പു​വ​രു​ത്താ​നും ഉ​ത്ത​ര​വി​ട​ണ​മെ​ന്ന​ട​ക്കം ആ​വ​ശ്യ​പ്പെ​ട്ട്​ ഏ​ഷ്യ​ൻ എ​ലി​ഫ​ന്‍റ്​ സൊ​സൈ​റ്റി പ്ര​സി​ഡ​ന്‍റ്​ സം​ഗീ​ത അ​യ്യ​ർ ന​ൽ​കി​യ ഹ​ര​ജി​യാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്.