നടി ആക്രമിക്കപ്പെട്ട സംഭവം: 'വി.ഐ.പി'യെ തിരിച്ചറിഞ്ഞെന്ന് സൂചന

കൊ​ച്ചി: ന​ടി​യെ ആ​ക്ര​മി​ച്ച് പ​ക​ർ​ത്തി​യ ദൃ​ശ്യ​ങ്ങ​ൾ ന​ട​ൻ ദി​ലീ​പി​ന് കൈ​മാ​റി​യെ​ന്ന് ബാ​ല​ച​ന്ദ്ര​കു​മാ​ർ ആ​രോ​പി​ക്കു​ന്ന വി.​ഐ.​പി​യെ തി​രി​ച്ച​റി​ഞ്ഞ​താ​യി സൂ​ച​ന. കോ​ട്ട​യം സ്വ​ദേ​ശി​യാ​യ പ്ര​വാ​സി വ്യ​വ​സാ​യി​യെ കേ​ന്ദ്രീ​ക​രി​ച്ചു​ള്ള സൂ​ച​ന​ക​ളാ​ണ് പു​റ​ത്തു​വ​ന്ന​ത്. ഇ​ദ്ദേ​ഹ​ത്തി​ന്‍റെ ശ​ബ്ദ സാ​മ്പി​ളും പൊ​ലീ​സി​ന്‍റെ കൈ​വ​ശ​മു​ള്ള ശ​ബ്ദ സ​ന്ദേ​ശ​വും താ​ര​ത​മ്യം​ചെ​യ്ത് പ​രി​ശോ​ധി​ക്കു​ന്ന​തി​ലൂ​ടെ മാ​ത്ര​മേ ആ​ളെ ഉ​റ​പ്പി​ക്കാ​ൻ ക​ഴി​യൂ. പൊ​ലീ​സ് സം​ശ​യി​ക്കു​ന്ന​യാ​ളെ ചോ​ദ്യം​ചെ​യ്യാ​നും സാ​ധ്യ​ത​യു​ണ്ട്.

അ​ന്വേ​ഷ​ണ ഉ​ദ്യോ​ഗ​സ്ഥ​രെ അ​പാ​യ​പ്പെ​ടു​ത്താ​ൻ ഗൂ​ഢാ​ലോ​ച​ന ന​ട​ത്തി​യെ​ന്ന ആ​രോ​പ​ണ​മു​യ​ർ​ന്ന ഇ​യാ​ളെ വി.​ഐ.​പി​യെ​ന്ന് വി​ശേ​ഷി​പ്പി​ച്ചാ​ണ് ആ​റാം പ്ര​തി​യാ​ക്കി എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത​ത്. സൂ​ച​ന​ക​ളു​ടെ അ​ടി​സ്ഥാ​ന​ത്തി​ൽ ക്രൈം​ബ്രാ​ഞ്ച് സം​ഘം ബാ​ല​ച​ന്ദ്ര​കു​മാ​റി​നെ രാ​ഷ്ട്രീ​യ, വ്യ​വ​സാ​യ രം​ഗ​ത്തു​ള്ള ആ​റു​പേ​രു​ടെ ചി​ത്ര​ങ്ങ​ൾ കാ​ണി​ച്ചു. അ​തി​ൽ ഒ​രു ചി​ത്രം​ക​ണ്ട് സം​ശ​യം തോ​ന്നി​യ ബാ​ല​ച​ന്ദ്ര​കു​മാ​ർ വി​വ​രം അ​ന്വേ​ഷ​ണ ഉ​ദ്യോ​ഗ​സ്ഥ​രോ​ട് പ​റ​ഞ്ഞു.

താ​ൻ ദി​ലീ​പി​ന്‍റെ വീ​ട്ടി​ലു​ണ്ടാ​യി​രു​ന്ന സ​മ​യ​ത്ത് 'ഇ​ക്കാ' എ​ന്ന് ദി​ലീ​പും കാ​വ്യ​യും വി​ശേ​ഷി​പ്പി​ക്കു​ന്ന ഒ​രാ​ൾ എ​ത്തു​ക​യും പെ​ൻ​ഡ്രൈ​വ് കൈ​മാ​റു​ക​യും ചെ​യ്​​തെ​ന്നാ​ണ് ബാ​ല​ച​ന്ദ്ര​കു​മാ​റി​ന്‍റെ മൊ​ഴി. ത​നി​ക്ക് പ​രി​ച​യ​മി​ല്ലാ​ത്ത ഇ​യാ​ൾ സി​നി​മ​ക്കാ​ര​ന​ല്ലെ​ന്ന് വ്യ​ക്ത​മാ​ണ്. അ​യാ​ൾ കൈ​മാ​റി​യ പെ​ൻ​ഡ്രൈ​വ് ലാ​പ്ടോ​പ്പി​ൽ ഘ​ടി​പ്പി​ച്ച​ശേ​ഷം ന​ടി​യെ പ​ൾ​സ​ർ സു​നി ആ​ക്ര​മി​ക്കു​ന്ന ക്രൂ​ര​കൃ​ത്യം കാ​ണാ​ൻ ദി​ലീ​പ് ത​ന്നെ ക്ഷ​ണി​ച്ചു. വി.​ഐ.​പി​യെ പോ​ലെ​യാ​യി​രു​ന്നു അ​യാ​ളു​ടെ പെ​രു​മാ​റ്റം. ആ​കെ അ​ന്നൊ​രു ത​വ​ണ മാ​ത്ര​മേ അ​യാ​ളെ താ​ൻ ക​ണ്ടി​ട്ടു​ള്ളൂ.

ബി​സി​ന​സി​നെ​ക്കു​റി​ച്ചും സാ​മ്പ​ത്തി​ക ഇ​ട​പാ​ടു​ക​ളെ​ക്കു​റി​ച്ചും അ​യാ​ൾ സം​സാ​രി​ക്കു​ന്ന​ത് കേ​ട്ടി​രു​ന്നു. ഇ​ത്ര​യും ബ​ന്ധ​ങ്ങ​ളു​ള്ള ഒ​രാ​ളെ​ന്ന നി​ല​യി​ലാ​ണ് താ​ൻ വി.​ഐ.​പി​യെ​ന്ന് വി​ശേ​ഷി​പ്പി​ച്ച​ത്. ഹോ​ട്ട​ലു​ക​ളോ ട്രാ​വ​ല്‍ ഏ​ജ​ന്‍സി​യോ ന​ട​ത്തു​ന്ന​യാ​ളാ​ണെ​ന്നാ​ണ് ഫോ​ണി​ല്‍ സം​സാ​രി​ക്കു​ന്ന​ത് കേ​ട്ട​പ്പോ​ൾ മ​ന​സ്സി​ലാ​ക്കാ​നാ​യ​ത്. ബു​ക്കി​ങ്ങി​നെ​ക്കു​റി​ച്ചും ടി​ക്ക​റ്റ് കാ​ന്‍സ​ല്‍ ചെ​യ്യു​ന്ന​തി​നെ​ക്കു​റി​ച്ചു​മൊ​ക്കെ​യാ​യി​രു​ന്നു അ​യാ​ളു​ടെ സം​സാ​രം. തൊ​ട്ട​ടു​ത്ത ദി​വ​സം​ത​ന്നെ അ​ദ്ദേ​ഹ​ത്തി​നു​ള്ള വി​മാ​ന​യാ​ത്ര​യെ​ക്കു​റി​ച്ചും പ​റ​യു​ന്ന​ത് കേ​ട്ടി​രു​​ന്നെ​ന്നും ബാ​ല​ച​ന്ദ്ര​കു​മാ​ർ വെ​ളി​പ്പെ​ടു​ത്തി​യി​രു​ന്നു.