വിഴിഞ്ഞം തു​റ​മു​ഖ നി​ർ​മാ​ണം; അതൃപ്തി, പ്രതിഷേധം; പള്ളികളിൽ സർക്കുലർ

തി​രു​വ​ന​ന്ത​പു​രം: വി​ഴി​ഞ്ഞം സ​മ​രം ഒ​ത്തു​തീ​ർ​പ്പാ​യെ​ങ്കി​ലും അ​തൃ​പ്തി പ​ര​സ്യ​മാ​ക്കി ല​ത്തീ​ൻ അ​തി​രൂ​പ​ത. ഉ​ന്ന​യി​ച്ച ഏ​ഴ് ആ​വ​ശ്യ​ങ്ങ​ളി​ൽ ഏ​റ്റ​വും പ്ര​ധാ​ന​മാ​യ തു​റ​മു​ഖ നി​ർ​മാ​ണം നി​ർ​ത്തി​​വെ​ച്ച്​ പ​ഠ​നം ന​ട​ത്ത​​ണ​മെ​ന്ന​തും പ​ഠ​ന​സ​മി​തി​യി​ൽ സ​മ​ര​സ​മി​തി നി​ർ​ദേ​ശി​ക്കു​ന്ന വി​ദ​ഗ്​​ധ​രെ​ക്കൂ​ടി ഉ​ൾ​പ്പെ​ടു​ത്ത​ണ​മെ​ന്ന​തും അം​ഗീ​ക​രി​ക്കാ​ത്ത സ​ർ​ക്കാ​ർ നി​ല​പാ​ട്​ പ്ര​തി​ഷേ​ധാ​ർ​ഹ​മാ​ണെ​ന്ന്​ ഞാ​യ​റാ​ഴ്ച പ​ള്ളി​ക​ളി​ൽ വാ​യി​ച്ച സ​ർ​ക്കു​ല​റി​ൽ പ​റ​യു​ന്നു. മ​റ്റ്​ ആ​വ​ശ്യ​ങ്ങ​ൾ ഭാ​ഗി​ക​മാ​യാ​ണ്​ അം​ഗീ​ക​രി​ച്ച​ത്. ഇ​ത്​ തൃ​പ്തി​ക​ര​മ​ല്ലെ​ന്നും സ​ഭ വ്യ​ക്ത​മാ​ക്കി.

ആ​വേ​ശ​പൂ​ർ​വം തു​ട​ർ​ന്ന അ​തി​ജീ​വ​ന​സ​മ​രം നി​ർ​ത്തി​വെ​ച്ച​തി​നോ​ട്​ സ​മ്മി​ശ്ര പ്ര​തി​ക​ര​ണ​മാ​ണു​ണ്ടാ​യ​ത്. ഇ​തി​നെ അ​തി​ജീ​വി​ക്കാ​നു​ള്ള സ​മ്മ​ർ​ദ​ത്തി​ന്​ ഭാ​വി​യി​ലും ന​മ്മ​ൾ സ​ന്ന​ദ്ധ​രാ​ക​ണം. ദീ​ർ​ഘ സ​മ​ര​ത്തി​ന് ഒ​ന്നി​ച്ചു​നി​ൽ​ക്കാ​നും ത​ള​രാ​തെ മു​ന്നോ​ട്ടു​പോ​കാ​നും സാ​ധി​ച്ച​ത്​ വ​ലി​യ നേ​ട്ട​മാ​ണ്. സ​ർ​ക്കാ​ർ ന​ൽ​കി​യ ഉ​റ​പ്പു​ക​ൾ യ​ഥാ​സ​മ​യം ന​ട​പ്പാ​ക്കാ​ൻ ഇ​ട​പെ​ട​ൽ തു​ട​ർ​ന്നും ഉ​ണ്ടാ​കും. ക്യാ​മ്പു​ക​ളി​ൽ ക​ഴി​യു​ന്ന​വ​രെ പു​ന​ര​ധി​വ​സി​പ്പി​ക്കു​ന്ന​തി​ന്​ വാ​ട​ക വീ​ട് ക​ണ്ടെ​ത്താ​ൻ സ​ഹാ​യം ആ​വ​ശ്യ​മാ​ണ്. സ​ർ​ക്കാ​ർ ന​ൽ​കു​ന്ന 5500 രൂ​പ വാ​ട​ക​ത്തു​ക അ​പ​ര്യാ​പ്ത​മാ​ണെ​ന്ന് മ​ന​സ്സി​ലാ​ക്കി ആ​വ​ശ്യ​മാ​യ കു​ടും​ബ​ങ്ങ​ൾ​ക്ക് സാ​മ്പ​ത്തി​ക സ​ഹാ​യം ന​ൽ​കാ​നും എ​ല്ലാ​വ​രും സ​ഹ​ക​രി​ക്ക​ണ​മെ​ന്നും പ​റ​യു​ന്ന സ​ർ​ക്കു​ല​ർ സ​മ​രം പി​ൻ​വ​ലി​ക്കാ​നു​ള്ള സാ​ഹ​ച​ര്യ​ങ്ങ​ളും വി​ശ​ദീ​ക​രി​ക്കു​ന്നു.

അ​തി​നി​ടെ, വി​ഴി​ഞ്ഞം തു​റ​മു​ഖ​ത്ത് നി​ർ​മാ​ണ​പ്ര​വ​ർ​ത്ത​ന​ങ്ങ​ൾ പു​ന​രാ​രം​ഭി​ച്ചു. ഇ​തി​ന്​ കൂ​ടു​ത​ൽ ബാ​ർ​ജു​ക​ളും ക്രെ​യി​നു​ക​ളും എ​ത്തി​ക്കും. മു​ക്കോ​ല​യി​ൽ എ​ത്തി​ച്ച കൂ​റ്റ​ൻ ക്രെ​യി​നു​ക​ൾ, എ​സ്ക​ലേ​റ്റ​റു​ക​ൾ എ​ന്നി​വ​യു​ടെ ഭാ​ഗ​ങ്ങ​ൾ തി​ങ്ക​ളാ​ഴ്ച​യോ​ടെ തു​റ​മു​ഖ​ത്ത് കൊ​ണ്ടു​വ​ന്ന് കൂ​ട്ടി​യോ​ജി​പ്പി​ച്ച് സ​ജ്ജീ​ക​രി​ക്കും. കൊ​ല്ല​ത്ത്​ എ​ത്തി​ച്ച ശാ​ന്തി​സാ​ഗ​ർ 10 എ​ന്ന ഡ്ര​ഡ്​​ജ​ർ അ​ടു​ത്ത​യാ​ഴ്ച​യോ​ടെ വി​ഴി​ഞ്ഞ​ത്ത് എ​ത്തും.

ബെ​ർ​ത്തി​നും ക​ര​ക്കും മ​ധ്യേ​യു​ള്ള ക​ട​ൽ നി​ക​ത്തു​ന്ന​തി​നാ​ണ് ഡ്ര​ഡ്​​ജി​ങ്. തു​റ​മു​ഖ​ത്തേ​ക്ക് കൂ​ടു​ത​ൽ ലോ​റി​ക​ളി​ലാ​യി ക​രി​ങ്ക​ല്ലും എ​ത്തു​ന്നു​ണ്ട്​. പ്ര​തി​ദി​നം 126 ലോ​ഡ് ക​ല്ലാ​ണ് എ​ത്തു​ന്ന​ത്. ആ​ദ്യ ഘ​ട്ട​ത്തി​ൽ 7000 മെ​ട്രി​ക് ട​ൺ ക​ല്ലു​ക​ൾ നി​ക്ഷേ​പി​ക്കാ​നാ​ണ് ല​ക്ഷ്യ​മി​ടു​ന്ന​ത്. നി​ർ​മാ​ണം പൂ​ർ​ണ​തോ​തി​ൽ ആ​കു​മ്പോ​ൾ നി​ക്ഷേ​പം ദി​വ​സം 10,000 ട​ൺ ആ​യി ഉ​യ​ർ​ത്തും. 400 മീ​റ്റ​ർ ബെ​ർ​ത്ത്​ എ​ട്ടു​മാ​സ​ത്തി​നു​ള്ളി​ൽ പൂ​ർ​ത്തി​യാ​ക്കാ​നാ​ണ്​ തീ​രു​മാ​നം.