വിഴിഞ്ഞം തുറമുഖം ട്രയൽ റണ്‍ അടുത്തമാസം

തി​രു​വ​ന​ന്ത​പു​രം: നി​ർ​മാ​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന വി​ഴി​ഞ്ഞം തു​റ​മു​ഖ​ത്ത്​ മേ​യി​ൽ ട്ര​യ​ൽ റ​ൺ ന​ട​ത്തും. ഇ​തി​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ അ​ദാ​നി ഗ്രൂ​പ്​ തീ​രു​മാ​നി​ച്ചു. ബാ​ർ​ജി​ൽ 30 ക​ണ്ടെ​യ്ന​റു​ക​ൾ എ​ത്തി​ച്ചാ​കും തു​റ​മു​ഖ പ്ര​വ​ർ​ത്ത​ന​ക്ഷ​മ​ത പ​രി​ശോ​ധി​ക്കു​ക. വാ​ണി​ജ്യാ​ടി​സ്ഥാ​ന​ത്തി​ൽ സെ​പ്റ്റം​ബ​റോ​ടെ തു​റ​മു​ഖം പ്ര​വ​ർ​ത്ത​ന​സ​ജ്ജ​മാ​ക്കു​ക​യാ​ണ്​ ല​ക്ഷ്യം.

ഡി​സം​ബ​റി​ൽ ക​പ്പ​ലെ​ത്തി​ക്കു​മെ​ന്നാ​യി​രു​ന്നു അ​ദാ​നി ഗ്രൂ​പ് സ​ർ​ക്കാ​റി​ന് നേ​ര​ത്തേ ന​ൽ​കി​യ ഉ​റ​പ്പ്. എ​ന്നാ​ൽ, സെ​പ്​​റ്റം​ബ​റി​ൽ ​ഓ​ണ​ത്തോ​ട​നു​ബ​ന്ധി​ച്ച്​ തു​റ​മു​ഖ​ത്തി​ന്‍റെ ആ​ദ്യ​ഘ​ട്ടം പ്ര​വ​ർ​ത്ത​ന സ​ജ്ജ​മാ​ക്കാ​നാ​വു​ന്ന​വി​ധ​മാ​ണ്​ നി​ർ​മാ​ണ ജോ​ലി​ക​ൾ ക്ര​മീ​ക​രി​ച്ചി​ട്ടു​ള്ള​ത്. തു​റ​മു​ഖ മേ​ഖ​ല​യി​ൽ ക്രെ​യി​നു​ക​ൾ സ്ഥാ​പി​ക്കു​ന്ന പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യി​വ​രു​ന്നു. ഒ​ക്ടോ​ബ​റി​ൽ ആ​ദ്യ ഘ​ട്ട​മാ​യി 15 ക്രെ​യി​നു​ക​ളെ​ത്തി​ച്ചി​രു​ന്നു. 17 ക്രെ​യി​നു​ക​ൾ കൂ​ടി ചൈ​ന​യി​ൽ​നി​ന്ന് ഉ​ട​നെ​ത്തും. മൂ​ന്ന് ക​പ്പ​ലു​ക​ളി​ലാ​യി ഏ​പ്രി​ൽ നാ​ല്, 17, 23 തീ​യ​തി​ക​ളി​ലാ​യാ​ണ് ഇ​വ വി​ഴി​ഞ്ഞ​ത്ത്​ എ​ത്തു​ക. 14 കാ​ന്റി​ലി​വ​ർ റെ​യി​ൽ​മൗ​ണ്ട‍ഡ് ​ഗാ​ൻ​ട്രി ക്രെ​യി​നു​ക​ളും നാ​ല് ഷി​പ് ടു ​ഷോ​ർ ക്രെ​യി​നു​ക​ളു​മാ​ണ് ഉ​ട​ൻ സ്ഥാ​പി​ക്കു​ന്ന​ത്. ആ​ദ്യ ക​പ്പ​ലി​ൽ ആ​റ് കാ​ന്റി​ലി​വ​ർ റെ​യി​ൽ​മൗ​ണ്ട‍ഡ് ​ഗാ​ൻ​ട്രി ക്രെ​യി​നു​ക​ളു​ണ്ടാ​കും. ര​ണ്ടാം ക​പ്പ​ലി​ൽ ര​ണ്ട് ഷി​പ് ടു ​ഷോ​ർ ക്രെ​യി​നും നാ​ല് കാ​ന്റി​ലി​വ​ർ റെ​യി​ൽ​മൗ​ണ്ട‍ഡ് ​ഗാ​ൻ​ട്രി ക്രെ​യി​നു​ക​ളും മൂ​ന്നാം ക​പ്പ​ലി​ൽ ര​ണ്ട് ഷി​പ് ടു ​ഷോ​ർ ക്രെ​യി​നും മൂ​ന്ന് കാ​ന്റി​ലി​വ​ർ റെ​യി​ൽ​മൗ​ണ്ട‍ഡ് ​ഗാ​ൻ​ട്രി ക്രെ​യി​നു​ക​ളു​മാ​ണ്​ ഉ​ണ്ടാ​വു​ക.

ഒ​ക്ടോ​ബ​റി​ൽ ക്രെ​യി​നു​മാ​യി ആ​ദ്യ ക​പ്പ​ലെ​ത്തി​യ​തു മു​ത​ൽ തു​റ​മു​ഖ നി​ർ​മാ​ണം വേ​ഗ​ത്തി​ലാ​ണ്. 2960 മീ​റ്റ​ർ ബ്രേ​ക്ക് വാ​ട്ട​റി​ന്‍റെ നി​ർ​മാ​ണം ക​ഴി​ഞ്ഞു. 800 മീ​റ്റി​ർ ബെ​ർ​ത്തി​ൽ 600 മീ​റ്റ​ർ പൂ​ർ​ത്തി​യാ​യി. വി​ഴി​ഞ്ഞ​ത്തു​നി​ന്ന് പ്ര​വ​ർ​ത്ത​നം തു​ട​ങ്ങാ​ൻ പ്ര​മു​ഖ രാ​ജ്യാ​ന്ത​ര ഷി​പ്പി​ങ്​ ക​മ്പ​നി​ക​ളു​മാ​യു​ള്ള ച​ർ​ച്ച ന​ട​ന്നു​വ​രു​ക​യാ​ണ്. തു​റ​മു​ഖ​ത്തി​ന്‍റെ ര​ണ്ടും മൂ​ന്നും ഘ​ട്ട​ങ്ങ​ളു​ടെ നി​ർ​മാ​ണ പ്ര​വ​ർ​ത്ത​നം 2028 ൽ ​പൂ​ർ​ത്തി​യാ​ക്കു​മെ​ന്നാ​ണ്​ അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.

തു​റ​മു​ഖ​ത്തെ ദേ​ശീ​യ​പാ​ത​യു​മാ​യി ബ​ന്ധി​പ്പി​ക്കു​ന്ന റോ​ഡി​നാ​യി 34 സെൻറ് സ്ഥ​ലം കൂ​ടി ഏ​റ്റെ​ടു​ക്കാ​നു​ണ്ട്.