യു.ഡി.എഫ്​ ഉന്നതാധികാര സമിതിയിൽ നിന്ന്​ വി.എം സുധീരൻ രാജി വെച്ചു

തിരുവനന്തപുരം: യു.ഡി.എഫ്​ ഉന്നതാധികാര സമിതിയിൽ നിന്ന്​ വി.എം സുധീരൻ രാജിവെച്ചു. ഇ-മെയിൽ വഴിയാണ്​ നേതൃത്വത്തിന്​ രാജിക്കത്ത്​ നൽകിയത്​. യു.ഡി.എഫ്​ യോഗത്തിലേക്കില്ലെന്നും ഉന്നതാധികാര സമിതയിൽ നിന്ന്​ രാജിവെക്കുകയാണെന്നും ആണ്​ ഇ- മെയിൽ സന്ദേശത്തിൽ പറയുന്നത്​. 

കോൺഗ്രസി​​​​െൻറ രാജ്യസഭാ സീറ്റ്​ കേരള കോൺഗ്രസ്​ എം.പി ജോസ്​.കെ മാണിക്ക്​ നൽകിയ വിഷയത്തിൽ സംസ്​ഥാന നേതൃത്വത്തിനെതിരെ സുധീരൻ പരസ്യമായ വിമർശനം ഉന്നയിച്ചിരുന്നു. ഇത്​ വിവാദമായതോടെ പാർട്ടിയിൽ പരസ്യ പ്രതികരണം വിലക്കുകയും ചെയ്​തിരുന്നു. എന്നാൽ കെ.പി.സി.സിക്കെതിരെയും കോൺഗ്രസ്​ നേതൃത്വത്തി​െനതിരെയും പരസ്യമായി വിമർശനം ഉന്നയിച്ചതിനു പിറകെ​ സുധീരൻ രാജിവെക്കുകയായിരുന്നു.

രാജ്യസഭാ സീറ്റ്​ വിഷയത്തിൽ അണികൾക്കിടയിൽ ശക്​തമായ പ്രതിഷേധമുണ്ട​ായെന്നും അത്​ പരിഹരിക്കാൻ നേതൃത്വം നടപടികളൊന്നും സ്വീകരിച്ചില്ലെന്നും വിമർശിച്ച ശേഷമാണ്​ സുധീരൻ രാജിവെച്ചത്​.  എന്നാൽ രാജിവെക്കാനിടയായ സാഹചര്യം കത്തിൽ സൂചിപ്പിച്ചിട്ടില്ല. 

ഇ-മെയിലി​​െൻറ ഉള്ളടക്കം പറയുന്നില്ല; തിരുവനന്തപുരത്തെത്തി പ്രതികരിക്കും -സുധീരൻ
തൃശൂർ: താൻ യു.ഡി.എഫ്​ കൺവീനർക്കും പ്രതിപക്ഷ നേതാവിനും അയച്ച ഇ-മെയിലിെല ഉള്ളടക്കം വെളിപ്പെടുത്തുന്നില്ലെന്ന്​ വി.എം. സുധീരൻ. യു.ഡി.എഫ് ഉന്നതാധികാര സമിതിയിൽ നിന്നും രാജിവെച്ചത് സംബന്ധിച്ച് തൃശൂരിൽ മാധ്യമ പ്രവർത്ത​കരോട്​ പ്രതികരിക്കുകയായിരുന്നു അദ്ദേഹം.

തിരുവനന്തപുരത്ത് എത്തിയ ശേഷം ഇക്കാര്യങ്ങളിൽ പരസ്യമായി പ്രതികരിക്കുമെന്ന്​ സുധീരൻ വ്യക്തമാക്കി. സഹോദരിയുടെ മരണാനന്തര ചടങ്ങുകൾക്കായാണ്​ അദ്ദേഹം തൃശൂരിൽ എത്തിയത്​.