മണിയുടെ ഭാഷ​യെ ശക്​തമായി എതിർക്കുന്നു –വി.എസ്​

ഇടുക്കി: വൈദ്യുതി മന്ത്രി എം.എം മണിയുടെ ഭാഷയെ ശക്തമായി എതിർക്കുന്നതായി സി.പി.എം മുതിന്ന  നേതാവ് വി.എസ് അച്യുതാനന്ദൻ. സ്ത്രീകളെ അപമാനിക്കുന്നത് കമ്യൂണിസ്റ്റ് നിലപാടല്ലെന്നും കൈയ്യേറ്റത്തെ ന്യായീകരിക്കുന്നത് തെറ്റാണെന്നും വി.എസ് മാധ്യമ പ്രവർത്തകരോട് പറഞ്ഞു.

അടിമാലി ഇരുപതേക്കറിലെ പരിപാടിയിൽ നടത്തിയ പ്രസംഗത്തിലാണ് മണി മോശം പരാമർശം നടത്തിയത്.  മൂന്നാറിൽ പെമ്പിളൈ ഒരുമൈയുടെ നേതൃത്വത്തിൽ സ്ത്രീ തൊഴിലാളികൾ നടത്തിയ സമരത്തിനിടെ കുടിയും സകല വൃത്തികേടുകളും നടന്നതായാണ് മണി പറഞ്ഞത്.