വി.എസ്​. അച്യുതാനന്ദൻ കോവിഡ്​ വാക്​സിൻ രണ്ടാംഡോസ്​ സ്വീകരിച്ചു

തിരുവനന്തപുരം: മുൻ മുഖ്യമന്ത്രിയും മുതിർന്ന സി.പി.എം നേതാവുമായ വി.എസ്​. അച്യുതാനന്ദൻ കോവിഡ്​ വാക്​സിന്‍റെ രണ്ടാംഡോസ്​ സ്വീകരിച്ചു. തിരുവനന്തപുരം ജനറൽ ആശുപത്രിയിലെത്തിയാണ്​ വാക്​സിൻ സ്വീകരിച്ചത്​.

വാക്​സിന്‍റെ രണ്ടാം ഡോസ്​ സ്വീകരിച്ച വിവരം അദ്ദേഹം ഫേസ്​ബുക്കിലൂടെ പങ്ക​ുവെക്കുകയായിരുന്നു. മഹാമാരിയുടെ രണ്ടാംതരംഗം ശക്തി പ്രാപിക്കുകയാണ്​. കരുതലും അച്ചടക്കവും അനിവാര്യമാണ്​. കോവിഡ്​ നിയന്ത്രണങ്ങൾ കർശനമായി പാലിച്ച്​ ഈ ഘട്ടവും അതിജീവിക്കാമെന്ന്​ അദ്ദേഹം ഫേസ്​ബുക്കിൽ കുറിച്ചു.