ജനകീയ സമരങ്ങളെ അടിച്ചമർത്തുന്നത്​ ഇടത്​ നയമല്ല- വി.എസ്​

തിരുവനന്തപുരം: ജനകീയ സമരങ്ങളെ പൊലീസിനെ ഉപയോഗിച്ച്​ അടിച്ചമർത്തുന്നത്​ ശരിയല്ലെന്ന്​ ഭരണപരിഷ്​കാര കമീഷൻ ചെയർമാൻ വി.എസ്​ അച്യുതാനന്ദൻ. ഇത്​ ഇടത്​ സർക്കാറിന്​ ചേർന്ന നയമല്ല . വിഴിഞ്ഞം ഉൾപ്പടെയുള്ള സ്ഥലങ്ങളിലെ പ്രശ്​നങ്ങൾ സർക്കാർ പരിഹരിക്കണമെന്നും വി.എസ്​ ആവശ്യപ്പെട്ടു.

ബുധനാഴ്​ച ഗെയിൽ വിരുദ്ധ സമരക്കാർക്കെതിരെ പൊലീസ്​ ക്രൂരമർദനം നടത്തിയതിന്​ പിന്നാലെയാണ്​ വി.എസി​​​െൻറ പ്രസ്​താവന. പൊലീസ്​ നടത്തിയ ലാത്തിചാർജിൽ 50 ഒാളം പേർക്ക്​ പരിക്കേറ്റിരുന്നു. സംഭവങ്ങളെ തുടർന്ന്​ 21 പേർക്കെതിരെ പൊതുമുതൽ നശിപ്പിച്ച കുറ്റത്തിന്​ പൊലീസ്​ കേസെടുത്തിരുന്നു. അക്രമത്തിൽ രണ്ട്​ കെ.എസ്​.ആർ.ടി.സി ബസ്സുകൾ ഉൾപ്പടെയുള്ള വാഹനങ്ങളും തകർത്തിരുന്നു. ​​

കേന്ദ്രസർക്കാർ നയങ്ങളേയും വി.എസ്​ വിമർശിച്ചു. നോട്ട്​ നിരോധനം മൂലമുള്ള പ്രശ്​നങ്ങൾ തീരാൻ 50 ദിവസം കാത്തിരിക്കണമെന്നും ഇല്ലെങ്കിൽ തന്നെ പരസ്യമായി തൂക്കിക്കൊന്നോളൂ എന്നുമായിരുന്നു മോദി പറഞ്ഞത്​. എന്നിട്ട്​ പ്രശ്​നങ്ങൾ ശരിയായോ? മോദിയുടെയും അംബാനിയു​െടയും അദാനിയുടെയും കാര്യങ്ങൾ മാത്രം ശരിയായി. 

നോട്ട്​ നിരോധനം മൂലം തീവ്രവാദം ഇല്ലാതായോ? ആയെങ്കിൽ കശ്​മീരിലെ തീവ്രവാദികൾ തോക്കുപേക്ഷിച്ച്​ കാവിയുടുത്ത്​ ഹിമാലയത്തിൽ പോയേനെയെന്നും മോദിയുടെത്​ ബഡായി പറച്ചിൽ മാത്രമാണെന്നും വി.എസ്​ പരിഹസിച്ചു​.