എന്തിനാണ് സാധാരണക്കാരോട് ഇത്ര ക്രൂരത? ക്വാറൻറീന്​ പണം ഈടാക്കുന്നതിനെതിരെ വി.ടി. ബൽറാം

കോഴിക്കോട്​: വിദേശത്തുനിന്ന്​ വരുന്നവർക്കുള്ള ക്വാറൻറീന്​ സൗകര്യത്തിന്​ പണം ഈടാക്കാനുള്ള സംസ്​ഥാന സർക്കാറി​​െൻറ തീരുമാനത്തിനെതിരെ വി.ടി. ബൽറാം എം.എൽ.എ രംഗത്ത്​. എന്തിനാണ് സാധാരണക്കാരോട് ഇത്ര ക്രൂരതയെന്ന്​ അദ്ദേഹം ഫേസ്​ബുക്കിൽ ചോദിക്കുന്നു.

ഫേസ്​ബുക്ക്​ പോസ്​റ്റി​​െൻറ പൂർണരൂപം:

ലോക കേരളസഭക്ക് വന്ന പ്രവാസി മുതലാളിമാർക്ക് ഫൈവ് സ്റ്റാർ ഹോട്ടലിൽ താമസവും ഒരു ദിവസത്തെ ഭക്ഷണത്തിന് മാത്രം 4,850 രൂപ ചെലവഴിക്കുന്നതുമൊക്കെ അനാവശ്യ ധൂർത്തല്ലേ, പൊതുപണത്തി​​െൻറ വിനിയോഗത്തിൽ അൽപ്പം മിതത്വം ആയിക്കൂടെ എന്ന് ചോദിച്ചപ്പോൾ അതി​​െൻറ പേരിൽ വലിയ സൈബർ ആക്രമണമായിരുന്നു ഞങ്ങളൊക്കെ നേരിടേണ്ടി വന്നത്.

എന്നാൽ ഇന്നിതാ പ്രവാസ ലോകത്തു നിന്ന് കഷ്​ടപ്പാട് സഹിച്ച് നിൽക്കക്കള്ളിയില്ലാതെ എങ്ങനെയെങ്കിലും സ്വന്തം നാട്ടിൽ കൂടണയാൻ എത്തുന്ന സാധാരണ മലയാളികൾക്ക് ക്വാറൻറീൻ സൗകര്യം നൽകാൻ അഞ്ച് പൈസ ചെലവഴിക്കുകയില്ല എന്ന് അതേ പിണറായി വിജയൻ സർക്കാർ പ്രഖ്യാപിച്ചിരിക്കുന്നു. എന്തിനാണ് സാധാരണക്കാരോട് ഇത്ര ക്രൂരത?

#കയ്യിൽ_റിയാലുമായി_വാടാ_മക്കളേ