'മുഖ്യമന്ത്രിയുടെ ദുബൈ സന്ദർശനം കേരളത്തിന് ഗുണമാവട്ടെ'; ആശംസയുമായി വി.ടി ബൽറാം

കോഴിക്കോട്: മുഖ്യമന്ത്രി പിണറായി വിജയന്‍റെ ദുബൈ സന്ദർശനത്തിന് ആശംസ നേർന്ന് കെ.പി.സി.സി ഉപാധ്യക്ഷൻ വി.ടി ബൽറാം. ദുബൈയിൽ ചെലവഴിക്കുന്ന മൂന്ന് അധിക ദിവസം കേരള സംസ്ഥാനത്തിന് ഗുണപരമായി ഭവിക്കട്ടെ എന്നാശംസിക്കുന്നുവെന്ന് ബൽറാം ഫേസ്ബുക്കിൽ കുറിച്ചു.

നോർവെ, ബ്രിട്ടൻ സന്ദർശനത്തിന്​ ശേഷം ബുധനാഴ്ചയാണ്​ മുഖ്യമന്ത്രി പിണറായി വിജയൻ ദുബൈയിലെത്തുന്നത്​. ഇതോടെ മുഖ്യമന്ത്രി നാട്ടിലെത്തുന്നത്​ വൈകും.

12ന്​ നാട്ടിലെത്തുമെന്നാണ്​ നേരത്തെ അറിയിച്ചിരുന്നത്​. മൂന്ന്​ ദിവസം യു.എ.ഇയിലുണ്ടാകും. സ്വകാര്യ സന്ദർശനമാണെന്നും15ന്​ കേരളത്തിൽ മടങ്ങിയെത്തുമെന്നുമാണ് ലഭിക്കുന്ന വിവരം.