ഈ തെരഞ്ഞെടുപ്പിൽ ഒരു പ്രസക്തിയുമില്ലാത്ത മുഖ്യമന്ത്രി പിണറായി വിജയൻ -​ വി.ടി. ബൽറാം

ചങ്ങരംകുളം: ഇന്ത്യയിൽ സി.പി.എമ്മിന്​ ഒരു രാഷ്​ട്രീയപ്രസക്തിയും അവശേഷിക്കുന്നില്ലെന്നതി​​​െൻറ തെളിവാണ്‌ തെ രഞ്ഞെടുപ്പ്‌ പൂർത്തിയാകുന്നതിനു മുൻപുള്ള മുഖ്യമന്ത്രി പിണറായി വിജയ​​​െൻറ വിദേശയാത്രയെന്ന് വി.ടി. ബൽറാം എം.എൽ .എ. രാജ്യത്തെ സി.പി.എമ്മി​​​െൻറ ഏക മുഖ്യമന്ത്രിക്ക്‌ മറ്റൊരു സംസ്ഥാനത്തും പ്രചാരണച്ചുമതല പോലുമില്ലെന്നത്‌ കൗതുകകരമാണ്​.

സി.പി.എം നേതാവും മുൻ ബ്ലോക്ക്‌ പഞ്ചായത്ത്‌ അംഗവുമായിരുന്ന അലിമോൻ നരണിപ്പുഴക്ക്‌ കോൺഗ്രസ്​ അംഗത്വം നൽകുന്ന സ്വീകരണ യോഗം ഉദ്​ഘാടനം ചെയ്യുകയായിരുന്നു അദ്ദേഹം. നന്നംമുക്ക്‌ മണ്ഡലം കോൺഗ്രസ്​ പ്രസിഡൻറ്​ നാഹിർ ആലുങ്ങൽ അധ്യക്ഷത വഹിച്ചു. ഡി.സി.സി പ്രസിഡൻറ്​ വി.വി. പ്രകാശ്‌ അംഗത്വ വിതരണം നടത്തി. പി.ടി. അജയ്‌ മോഹൻ, വി.എ. കരീം, അഡ്വ. സിദ്ദിഖ്‌ പന്താവൂർ, ഷംസു കല്ലാട്ടേൽ, വി. മുഹമ്മദ്‌ നവാസ്‌, കെ. മുരളീധരൻ, കാരയിൽ അപ്പു, ഫാരിസ്‌ നരണിപ്പുഴ, ദാസൻ എടമന എന്നിവർ സംസാരിച്ചു.