വാളയാർ: വീഴ്ച പറ്റിയോയെന്ന് വിധി പരിശോധിച്ച ശേഷം പ്രതികരിക്കാം -ഡി.ജി.പി

തിരുവനന്തപുരം: വാളയാറിൽ പീഡനത്തിനിരയായ പെൺകുട്ടികളുടെ ദുരൂഹമരണത്തിൽ പൊലീസിന് വീഴ്ച പറ്റിയോ എന്ന കാര്യത്തി ൽ കോടതി വിധി പരിശോധിച്ച ശേഷം പ്രതികരിക്കാമെന്ന് ഡി.ജി.പി ലോകനാഥ് ബെഹ്റ. വളരെ ഗൗരവമേറിയ കേസാണിതിതെന്നും അദ്ദേഹം പറഞ്ഞു.

ഉദ്യോഗസ്ഥര്‍ക്ക് നേരെ അച്ചടക്ക നടപടിയെടുക്കുന്നത് ഉൾപ്പടെയുള്ള കാര്യം വിധി പരിശോധിച്ച ശേഷമേ തീരുമാനിക്കൂ.

വാളയാര്‍ കേസ് ഗുരുതരവും വൈകാരികവുമായ സംഭവമാണെന്ന കാര്യത്തില്‍ സംശയമില്ലെന്നും അദ്ദേഹം പറഞ്ഞു.

അട്ടപ്പാടിയിൽ മാവോയിസ്റ്റുകൾ കൊല്ലപ്പെട്ട സംഭവത്തിൽ സുപ്രീംകോടതി നിര്‍ദേശപ്രകാരം ക്രൈംബ്രാഞ്ച് അന്വേഷണത്തിനോ സര്‍ക്കാര്‍ നിര്‍ദേശപ്രകാരം ജുഡീഷ്യല്‍ അന്വേഷണത്തിനോ ആണ് സാധ്യതയെന്ന് അദ്ദേഹം പറഞ്ഞു. ഇക്കാര്യത്തിൽ കൂടുതൽ പ്രതികരിക്കാൻ ഡി.ജി.പി തയാറായില്ല.