വാളയാർ പീഡനക്കേസിൽ കോടതി വിട്ടയച്ച പ്രതിക്ക് മർദ്ദനം

പാലക്കാട്​: വാളയാർ പീഡനക്കേസിൽ കോടതി വിട്ടയച്ച പ്രതിക്ക് ആൾക്കൂട്ട മർദനം. പീഡനത്തിന്​ ഇരയായി ദുരൂഹ സാഹചര്യത്തിൽ മരിച്ച സഹോദരിമാരിൽ മൂത്തകുട്ടിയെ പീഡിപ്പിച്ച കേസിൽ നാലാം പ്രതിയായിരുന്ന എം. മധു എന്ന കുട്ടി മധുവിനാണ് മർദനമേറ്റത്.

ശനിയാഴ്​ച രാവിലെ അട്ടപ്പള്ളത്താണ്​ സംഭവം. വാക്കുതർ​ക്കത്തെ തുടർന്ന്​ ഒരുസംഘമാളുകൾ മർദിക്കുകയായിരുന്നു. മുഖത്തും ദേഹമാസകലവും പരിക്കേറ്റ മധുവിനെ വാളയാർ പൊലീസാണ്​ ജില്ല ആശുപത്രിയിൽ പ്രവേശിപ്പിച്ചത്​. പരിക്കുകൾ ഗുരുതരമല്ലെന്ന്​ ഡോക്​ടർമാർ പറഞ്ഞു.

തെലങ്കാനയിൽ പീഡനക്കേസ്​ പ്രതികൾ പൊലീസ്​ വെടിയേറ്റു മരിച്ചതിന്​ പിന്നാലെയാണ്​ വാളയാർ കേസിൽ വിട്ടയക്കപ്പെട്ട പ്രതിക്കുനേരെ ​​ആൾക്കൂട്ട മർദനമുണ്ടായത്​. ഇയാൾക്ക്​ നാട്ടുകാരിൽ ചിലരിൽനിന്ന്​ ഭീഷണിയുണ്ടായിരുന്നതായി പറയപ്പെടുന്നു. വാക്കുതർക്കത്തിനൊടുവിൽ ചിലർ സംഘം​േചർന്ന്​ മർദിക്കുകയായിരുന്നുവെന്ന്​ മധു പൊലീസിന്​ മൊഴി നൽകി. അക്രമികളിൽ ചിലരെ പൊലീസ്​ കസ്​റ്റഡിയിലെടുത്തതായി സൂചനയുണ്ട്​.

വാളയാറില്‍ പീഡനത്തിന്​ ഇരയായ സഹോദരിമാരിൽ 11 വയസ്സും ആറുമാസവുമുള്ള മൂത്ത കുട്ടിയെ 2017 ജനുവരി 13നും ഒമ്പതുവയസ്സുകാരിയെ 2017 മാർച്ച്​ നാലിനുമാണ്​ തൂങ്ങിമരിച്ച നിലയിൽ കണ്ടെത്തിയത്​. ​പ്രതികളുടെ പീഡനം സഹിക്കവയ്യാതെയാണ്​ കുട്ടികൾ ആത്മഹത്യ ചെയ്​തതെന്നാണ്​ കേസ്​.

കുട്ടി മധു ഉള്‍പ്പെടെ നാല്​ പ്രതികളെയാണ്​ പാലക്കാട് ഫസ്​റ്റ്​ അഡീഷനൽ സെഷൻസ്​ കോടതി (പോക്‌സോ) വെറുതെവിട്ടത്​. ഇതിനെതിരെ വന്‍ ജനകീയ പ്രതിഷേധമുയർന്നു. പ്രോസിക്യൂഷ​​​െൻറയും അന്വേഷണ ഉദ്യോഗസ്ഥരുടെയും വീഴ്​ച മൂലമാ​ണ്​ പ്രതികൾ ശിക്ഷിക്കപ്പെടാതിരുന്നതെന്നാണ്​​ ആക്ഷേപം.

ജനകീയ സമ്മർദം ശക്​തമായതോടെ​ സംസ്ഥാന സർക്കാർ പ്രോസിക്യൂഷനെയും പൊലീസിനെയും തള്ളിപറയുകയും പ്രതികളെ വിട്ടയച്ചതി​നെതിരെ ഹൈകോടതിയിൽ അപ്പീൽ നൽകുകയും ചെയ്​തു. സി.ബി.​െഎ അ​ന്വേഷണം ആവശ്യപ്പെട്ട്​ കുട്ടികളുടെ അമ്മയുടെ ഹരജികളും ഹൈകോടതി പരിഗണനയിലാണ്​. ഇത്​ രണ്ടും കോടതി അടുത്തദിവസം പരിഗണിക്കും.