കൈക്കൂലി ഇടപാടിന്​ വാക്കി ടോക്കി: മോട്ടോർ വാഹന വകുപ്പ് ഉദ്യോഗസ്ഥർക്ക് സസ്പെൻഷൻ

പാലക്കാട്: വാളയാർ ചെക്ക് പോസ്​റ്റിലെ വിജിലൻസ് പരിശോധനയിൽ വാക്കി ടോക്കി കണ്ടെത്തിയ സംഭവത്തിൽ നാല് മോട്ടോർ വാഹന വകുപ്പ് ഉദ്യോഗസ്ഥർക്ക് സസ്പെൻഷൻ. കൈക്കൂലിപ്പണം കൈമാറ്റം ചെയ്യാൻ സർവിസ് ചട്ടം ലംഘിച്ച് വാക്കി ടോക്കി ഉപയോഗിച്ചതായാണ് വിജിലൻസ് കണ്ടെത്തിയത്.

എം.വി.ഐ ബിജുകുമാർ, എ.എം.വി.ഐമാരായ അരുൺകുമാർ, ഫിറോസ്​ ബിൻ ഇസ്മയിൽ, ഷബീറലി എന്നിവർക്കെതിരെയാണ്​ നടപടി. അതിർത്തി ചെക്ക്​​പോസ്​റ്റുകളിൽ കൈക്കൂലി വ്യാപകമാണെന്ന്​ പരാതിയുയർന്നിരുന്നതിനെത്തുടർന്ന്​ വിജിലൻസ് നടത്തിയ പരിശോധനയിലാണ്​ വാക്കി ടോക്കി കണ്ടെത്തിയത്.

പരിശോധന സംഘത്തി​െൻറ വിവരം കൈമാറാനാണ്​ നിയമ വിരുദ്ധമായി ഇത്​ ഉപയോഗിച്ചത്. വിജിലൻസ് ഡിവൈ.എസ്.പി ഷംസുദ്ദീ​െൻറ നേതൃത്വത്തിലായിരുന്നു വിജിലൻസ്​ പരിശോധന.