മാലിന്യസംസ്കരണം: ശാശ്വതപരിഹാരമകലെ; ന​ട​പ്പാ​ക്കി​യ ബ​ദ​ൽ​മാ​ർ​ഗ​ങ്ങ​ളെ​ല്ലാം പ​രാ​ജ​യം

തി​രു​വ​ന​ന്ത​പു​രം: ‘മാ​ലി​ന്യ​മു​ക്തം ന​വ​കേ​ര​ളം’ പ്ര​ഖ്യാ​പ​ന​വു​മാ​യി സ​ർ​ക്കാ​ർ മു​ന്നോ​ട്ടു​പോ​കു​ന്ന​ത്​ സം​സ്ഥാ​ന​ത്ത്​ കാ​ര്യ​ക്ഷ​മ​മാ​യ ഒ​രു മാ​ലി​ന്യ​സം​സ്ക​ര​ണ സം​വി​ധാ​ന​വു​മി​ല്ലാ​തെ. വ​ൻ​കി​ട​ക്കാ​രെ മാ​റ്റി​നി​ർ​ത്തി​യാ​ൽ സാ​ധാ​ര​ണ​ക്കാ​ർ​ക്ക്​ ഏ​റ്റ​വും വ​ലി​യ പ്ര​തി​സ​ന്ധി ജൈ​വ​മാ​ലി​ന്യ സം​സ്ക​ര​ണ​മാ​ണ്. ഹ​രി​ത​ക​ർ​മ സേ​ന​വ​ഴി പ്ലാ​സ്റ്റി​ക്​ അ​ട​ക്കം അ​ജൈ​വ​മാ​ലി​ന്യ സം​സ്ക​ര​ണം ന​ട​ക്കു​ന്നു​ണ്ടെ​ങ്കി​ലും ജൈ​വ​മാ​ലി​ന്യ സം​സ്ക​ര​ണ​ത്തി​ന്​ ബ​ദ​ൽ​വ​ഴി​ക​ളി​ല്ലാ​തെ ജ​നം​പൊ​റു​തി​മു​ട്ടു​ക​യ​ണ്.

മാ​ലി​ന്യ​സം​സ്ക​ര​ണം ത​ദ്ദേ​ശ​സ്ഥാ​പ​ന​ങ്ങ​ളു​ടെ മു​ഖ്യ​വി​ഷ​യ​മെ​ന്നി​രി​ക്കെ കു​റെ വ​ർ​ഷ​ങ്ങ​ളാ​യി എ​ല്ലാം ജ​ന​ത്തി​നു​മേ​ൽ അ​ടി​ച്ചേ​ൽ​പി​ച്ച്​ സം​വി​ധാ​ന​ങ്ങ​ൾ ക​ണ്ണ​ട​യ്​​ക്കു​ക​യാ​ണ്. കാ​ര്യ​ക്ഷ​മ​മാ​യ മാ​ലി​ന്യ സം​സ്ക​ര​ണ സം​വി​ധാ​ന​ങ്ങ​ൾ സം​സ്ഥാ​ന​ത്ത്​ പ​ല ജി​ല്ല​ക​ളി​ലും ഉ​ണ്ടാ​യി​രു​ന്ന​ത്​ കാ​ലോ​ചി​ത​മാ​യി ​പ​രി​ഷ്ക​രി​ക്കാ​ത്ത​തി​നാ​ൽ അ​തെ​ല്ലം ജ​ന​രോ​ഷ​ത്തി​ൽ മു​ങ്ങി അ​ട​ച്ചു​പൂ​ട്ടി.

കേ​ന്ദ്രീ​കൃ​ത മാ​ലി​ന്യ സം​സ്ക​ര​ണ കേ​ന്ദ്ര​ങ്ങ​ൾ അ​ട​ച്ചു​പൂ​ട്ടി​യ​തോ​ടെ ത​ദ്ദേ​ശ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ കൊ​ണ്ടു​വ​ന്ന ഉ​റ​വി​ട​മാ​ലി​ന്യ സം​സ്ക​ര​ണ പ​ദ്ധ​തി​ക​ല്ലൊം പ​രാ​ജ​യ​വു​മാ​യി. അ​തു​വ​ഴി ഒ​ഴു​കി​യ കോ​ടി​ക​ൾ​ക്കും ക​ണ​ക്കി​ല്ല. ഒ​ടു​വി​ൽ സ​ർ​ക്കാ​ർ സം​വി​ധാ​ന​ങ്ങ​ൾ കൈ​യൊ​ഴി​യു​ക​യാ​ണ്. നി​ര​ത്തു​ക​ളി​ൽ മാ​ലി​ന്യം നി​റ​യു​ന്ന​തി​ന്​ ഇ​തൊ​രു പ്ര​ധാ​ന​കാ​ര​ണ​മാ​ണ്. ജ​ല​സ്രോ​ത​സ്സു​ക​ള്‍ മ​ലി​ന​മാ​യി പ​ക​ര്‍ച്ച​വ്യാ​ധി​ക​ളു​ണ്ടാ​ക്കു​ക​യാ​ണ്. എ​ല്ലാ പ​ക​ര്‍ച്ച​വ്യാ​ധി​ക​ളും ഉ​ണ്ടാ​കു​ന്ന സം​സ്ഥാ​നം എ​ന്ന മോ​ശം പേ​രി​ന് കാ​ര​ണ​വും മാ​ലി​ന്യ​നി​ര്‍മാ​ര്‍ജ​നം ഇ​ല്ലാ​ത്ത​താ​ണെ​ന്ന ആ​ക്ഷേ​പ​വും ശ​ക്ത​മാ​ണ്.

2020ല്‍ ​സ​ര്‍ക്കാ​ര്‍ നി​രോ​ധി​ച്ച പ്ലാ​സ്റ്റി​ക്​ ഉ​ല്‍പ​ന്ന​ങ്ങ​ളെ​ല്ലാം മാ​ര്‍ക്ക​റ്റി​ലു​ണ്ട്​ എ​ന്ന​ത്​ മ​റ്റൊ​രു യാ​ഥാ​ർ​ഥ്യ​മാ​ണ്. 2017ല്‍ ​സ​ര്‍ക്കാ​ര്‍ ഒ​രു​നി​ക്ഷേ​പ പ​ദ്ധ​തി എ​ന്ന നി​ല​യി​ൽ ‘വേ​സ്റ്റ്​ ടു ​എ​ന​ർ​ജി’ പ്ലാ​ന്റു​ക​ള്‍ സ്ഥാ​പി​ക്കാ​ന്‍ തീ​രു​മാ​നി​ച്ചി​രു​ന്നു. ഏ​ഴ് ന​ഗ​ര​ങ്ങ​ളി​ല്‍ വേ​സ്റ്റ്​ ടു ​എ​ന​ർ​ജി പ്ലാ​ന്റു​ക​ളി​ല്‍നി​ന്ന്​ അ​ഞ്ച്​ മെ​ഗാ​വാ​ട്ട് ഊ​ര്‍ജം ഉ​ല്‍പാ​ദി​പ്പി​ക്കാ​നും തീ​രു​മാ​നി​ച്ചി​രു​ന്നു. തി​രു​വ​ന​ന്ത​പു​രം, കൊ​ല്ലം, തൃ​ശൂ​ര്‍, പാ​ല​ക്കാ​ട്, കോ​ഴി​ക്കോ​ട്, ക​ണ്ണൂ​ര്‍, മ​ല​പ്പു​റം ജി​ല്ല​ക​ളി​ലാ​ണ് പ്ലാ​ന്റു​ക​ള്‍ സ്ഥാ​പി​ക്കാ​ന്‍ തീ​രു​മാ​നി​ച്ച​ത്. ഏ​ഴു​വ​ര്‍ഷം ക​ഴി​ഞ്ഞി​ട്ടും ന​ട​പ്പാ​ക്കാ​നാ​യി​ല്ല.

പ​ല ത​ദ്ദേ​ശ സ്ഥാ​പ​ന​ങ്ങ​ള്‍ക്കും ഏ​ത് മോ​ഡ​ലാ​ണ് സ്വീ​ക​രി​ക്കേ​ണ്ട​തെ​ന്ന ആ​ശ​യ​ക്കു​ഴ​പ്പ​മു​ണ്ട്. സ​ര്‍ക്കാ​ര്‍ മു​ന്‍കൈ എ​ടു​ത്ത് മൂ​ന്നോ നാ​ലോ പ​ഞ്ചാ​യ​ത്ത​ു​ക​ളു​ടെ ക്ല​സ്റ്റ​ര്‍ രൂ​പ​വ​ത്​​ക​രി​ച്ച് കേ​ര​ള​ത്തി​ന് സ്വീ​ക​രി​ക്കാ​ന്‍ പ​റ്റു​ന്ന മോ​ഡ​ലു​ക​ള്‍ കാ​ട്ടി​ക്കൊ​ടു​ക്ക​ണ​മെ​ന്ന്​​ പ്ര​തി​പ​ക്ഷം ആ​വ​ശ്യ​പ്പെ​ടു​ന്നു. ന​ഗ​ര​ങ്ങ​ളെ​യും പ​ട്ട​ണ​ങ്ങ​ളെ​യും ഗ്രാ​മ​ങ്ങ​ളെ​യും ഉ​ദ്ദേ​ശി​ച്ചു​ള്ള മൂ​ന്ന് മോ​ഡ​ലു​ക​ള്‍ സ​ര്‍ക്കാ​ര്‍ മു​ന്നോ​ട്ടു​വെ​ച്ച്​ ന​ട​പ്പാ​ക്ക​ണ​മെ​ന്നും അ​വ​ർ നി​ർ​​ദേ​ശി​ക്കു​ന്നു.

കേ​ര​ളം ഒ​രു​വ​ർ​ഷം ഉ​ണ്ടാ​ക്കു​ന്ന​ത്​ 25 ല​ക്ഷം ട​ൺ മാ​ലി​ന്യം

തി​രു​വ​ന​ന്ത​പു​രം: ഒ​രു​വ​ർ​ഷം ഏ​ക​ദേ​ശം 25 ല​ക്ഷം ട​ൺ മാ​ലി​ന്യ​മാ​ണ് കേ​ര​ള​ത്തി​ലു​ണ്ടാ​കു​ന്ന​ത്. ഇ​തി​ൽ 69 ശ​ത​മാ​നം ജൈ​വ​മാ​ലി​ന്യ​വും 31ശ​ത​മാ​നം അ​ജൈ​വ മാ​ലി​ന്യ​വു​മാ​ണ്. ജൈ​വ​മാ​ലി​ന്യ​ത്തി​ന്റെ 70 ശ​ത​മാ​ന​വും ഈ​ർ​പ്പ​മു​ള്ള​താ​ണ്. അ​ജൈ​വ​മാ​ലി​ന്യ​ത്തി​ൽ ജ്വ​ല​ന​ശേ​ഷി​യു​ള്ള​വ 79.2 ശ​ത​മാ​നം. കേ​ര​ള​ത്തി​ലെ ആ​കെ ന​ഗ​ര ഖ​ര​മാ​ലി​ന്യ ഉ​ൽ​പാ​ദ​നം പ്ര​തി​വ​ർ​ഷം 3.7 ദ​ശ​ല​ക്ഷം ട​ൺ ആ​ണ്. ഇ​തി​ൽ ഓ​രോ സി​റ്റി കോ​ർ​പ​റേ​ഷ​നും ഉ​ൽ​പാ​ദി​പ്പി​ക്കു​ന്ന​ത് പ്ര​തി​ദി​നം ശ​രാ​ശ​രി 1415 ട​ൺ.

ദി​നം​പ്ര​തി 4523 ട​ൺ മു​നി​സി​പ്പാ​ലി​റ്റി​ക​ളി​ലും 4106 ട​ൺ 941 ഗ്രാ​മ പ​ഞ്ചാ​യ​ത്തു​ക​ളി​ലു​മാ​ണ്. മൊ​ത്തം അ​റ​വ് മാ​ലി​ന്യം വ​ർ​ഷ​ത്തി​ൽ 38,100 ട​ണ്ണും ആ​ശു​പ​ത്രി മാ​ലി​ന്യം 8300 ട​ണ്ണും 71,058 ട​ൺ വ്യ​വ​സാ​യ​ങ്ങ​ളി​ൽ​നി​ന്നു​ള്ള മാ​ലി​ന്യ​വു​മാ​ണ്. ഏ​ക​ദേ​ശം 827 ട​ൺ ത​ല​മു​ടി​യും കേ​ര​ള​ത്തി​ൽ​നി​ന്ന്​ പ്ര​തി​വ​ർ​ഷം മാ​ലി​ന്യ​മാ​യി ഉ​ണ്ടാ​കു​ന്നു.