തദ്ദേശ സ്ഥാപനങ്ങളുടെ മാലിന്യ സംസ്കരണം: തനത് ഫണ്ടിൽനിന്നും ചെലവഴിക്കുന്നതിന് യഥേഷ്ടാനുമതി

തിരുവനന്തപുരം: തദ്ദേശ സ്ഥാപനങ്ങളുടെ മാലിന്യ സംസ്കരണത്തിന് തനത് ഫണ്ടിൽനിന്നും തുക ചെലവഴിക്കുന്നതിന് യഥേഷ്ടാനുമതി നൽകി ഉത്തരവ്. തദ്ദേശ സ്ഥാപനങ്ങളുടെ എം.സി.എഫ്- ആർ.ആർ.എഫ് കളിൽ ശേഖരിക്കപ്പെടുന്ന മാലിന്യങ്ങൾ യഥാസമയം നീക്കം ചെയ്യുന്നതിനാണ് നടപടി.

മതിയായ ഫണ്ടിന്റെ അഭാവത്തിൽ മാലിന്യ സംസ്കരണം തടസപ്പെടുന്നതായും, തീപിടുത്തം ഉൾപ്പെടെയുള്ള ദുരന്തങ്ങൾക്ക് വഴിയൊരുക്കുന്നതായും സർക്കാരിന്റെ ശ്രദ്ധയിൽപ്പെട്ടു. ഈ അടിയന്തിര സാഹചര്യം പരിഗണിച്ചാണ് മാലിന്യ നിർമാർജന പ്രവർത്തനങ്ങൾക്ക് ആവശ്യമായ വികസന ഫണ്ട്, ടൈഡ് ഫണ്ട് പോലുള്ളവ ലഭ്യമല്ലാത്ത തദ്ദേശ സ്ഥാപനങ്ങൾക്ക്, ഇത്തരം ഫണ്ടുകൾ ലഭ്യമാകുന്ന കാലയളവ് വരെ, തനതു ഫണ്ടിൽ നിന്നും ഇതിനായി തുക ചെലവിടുന്നതിനു യഥേഷ്ടാനുമതി നൽകിയാണ് ഉത്തരവ്.