ജല അതോറിറ്റി: എതിർപ്പ്​ അവഗണിച്ച്​ 12,000 കോടി ക​ടമെടുപ്പുമായി മുന്നോട്ട്

തി​രു​വ​ന​ന്ത​പു​രം: ജ​ൽ​ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി പൂ​ർ​ത്തി​യാ​ക്കാ​ൻ എ​തി​ർ​പ്പു​ക​ൾ അ​വ​ഗ​ണി​ച്ച്​ 12,000 കോ​ടി രൂ​പ ക​ട​മെ​ടു​ക്കാ​നു​ള്ള നീ​ക്ക​വു​മാ​യി ജ​ല അ​തോ​റി​റ്റി മു​ന്നോ​ട്ട്. സം​സ്ഥാ​ന സ​ർ​ക്കാ​റി​ന്‍റെ ഗാ​ര​ന്‍റി ക​ട​മെ​ടു​പ്പി​ന്​ ല​ഭി​ക്കു​മെ​ന്നും തു​ട​ർ​ന​ട​പ​ടി​ക​ൾ സ്വീ​ക​രി​ക്കു​ന്ന​തി​ൽ അ​പാ​ക​ത​യി​ല്ലെ​ന്നു​മു​ള്ള വാ​ദ​മാ​ണ്​ ക​ഴി​ഞ്ഞ ഡ​യ​റ​ക്ട​ർ ബോ​ർ​ഡി​ൽ ഉ​​ദ്യോ​ഗ​സ്ഥ​ർ മു​ന്നോ​ട്ടു​വെ​ച്ച​ത്. ക​ട​മെ​ടു​പ്പി​ന്​ അ​നു​മ​തി തേ​ടി ജ​ല അ​തോ​റി​റ്റി മാ​​​നേ​ജ്​​മെ​ന്‍റ്​ സ​ർ​ക്കാ​റി​ന്​ ന​ൽ​കി​യ ക​ത്തി​നെ പി​ന്തു​ണ​ക്കു​ന്ന നി​ല​പാ​ടാ​ണ്​ ബോ​ർ​ഡി​ലു​ണ്ടാ​യ​ത്. ജ​ല അ​തോ​റി​റ്റി​യെ പ്ര​തി​സ​ന്ധി​യി​ലാ​ക്കു​ന്ന ക​ട​മെ​ടു​പ്പി​നെ​തി​രെ ജീ​വ​ന​ക്കാ​രു​ടെ സം​ഘ​ട​ന​ക​ളെ​ല്ലാം പ്ര​തി​​ഷേ​ധ​വു​മാ​യി രം​ഗ​ത്തു​ണ്ടെ​ങ്കി​ലും ഇ​ത്​ അ​വ​ഗ​ണി​ച്ച്​ മു​ന്നോ​ട്ടു​പോ​കാ​നാ​ണ്​ ജ​ല അ​തോ​റി​റ്റി തീ​രു​മാ​നം.

ക​ട​മെ​ടു​പ്പി​നു​ള്ള ജ​ല​അ​തോ​റി​റ്റി​യു​ടെ അ​പേ​ക്ഷ സ​ർ​ക്കാ​റി​ന്‍റെ ‘സ​ജീ​വ പ​രി​ഗ​ണ​ന​യി​ലാ​ണ്​’ എ​ന്നാ​ണ്​ ജ​ല​വി​ഭ​വ മ​ന്ത്രി നി​യ​മ​സ​ഭ​യി​ൽ ന​ൽ​കി​യ മ​റു​പ​ടി​യി​ൽ വ്യ​ക്ത​മാ​ക്കി​യ​ത്. ജ​ൽ​ജീ​വ​ൻ മി​ഷ​ൻ ന​ട​ത്തി​പ്പി​ന്​ സം​സ്ഥാ​ന വി​ഹി​തം ക​​ണ്ടെ​ത്താ​ൻ വി​വി​ധ നി​ർ​ദേ​ശ​ങ്ങ​ൾ ജ​ല​അ​തോ​റി​റ്റി എം.​ഡി സ​ർ​ക്കാ​റി​ന്​ സ​മ​ർ​പ്പി​ച്ചെ​ന്നും ഹ​ഡ്​​കോ, ന​ബാ​ർ​ഡ്, എ​ൽ.​ഐ.​സി സ്ഥാ​പ​ന​ങ്ങ​ളി​ൽ​നി​ന്ന് ക​ട​മെ​ടു​പ്പി​നു​ള്ള പ​ദ്ധ​തി പ​രി​ഗ​ണി​ക്കു​ന്നെ​ന്നു​മാ​ണ്​ മ​ന്ത്രി​യു​ടെ വി​ശ​ദീ​ക​ര​ണം. 2024-25 വ​ർ​ഷം കേ​ന്ദ്ര​സ​ർ​ക്കാ​ർ വി​ഹി​ത​മാ​യി പ​ദ്ധ​തി​ക്ക്​ 974.67 കോ​ടി ല​ഭി​ച്ചി​രു​ന്നു.

സം​സ്ഥാ​ന സ​ർ​ക്കാ​ർ 951.93 കോ​ടി​യും ന​ൽ​കി. അ​ടു​ത്ത സാ​മ്പ​ത്തി​ക വ​ർ​ഷ​ത്തേ​ക്ക്​ സം​സ്ഥാ​ന ബ​ജ​റ്റി​ൽ 560 കോ​ടി പ​ദ്ധ​തി​ക്കാ​യി സം​സ്ഥാ​ന സ​ർ​ക്കാ​ർ വ​ക​യി​രു​ത്തി​യി​ട്ടു​ണ്ട്. എ​ന്നാ​ൽ, ഈ ​നി​ല​യി​ൽ തു​ക വ​ക​യി​രു​ത്തി​യ​തു​കൊ​ണ്ട്​ പ​ദ്ധ​തി ല​ക്ഷ്യ​മി​ടു​ന്ന​വി​ധം പൂ​ർ​ത്തീ​ക​രി​ക്കാ​നാ​വി​​​​ല്ലെ​ന്നാ​ണ്​ വി​ല​യി​രു​ത്ത​ൽ. 2028 വ​രെ​യാ​ണ്​ പ​ദ്ധ​തി പൂ​ർ​ത്തീ​ക​ര​ണ​ത്തി​നു​ള്ള പു​തു​ക്കി​യ കാ​ലാ​വ​ധി. 2025-26 വ​ർ​ഷം 11,500 കോ​ടി, 2026-27ൽ 9000​ ​കോ​ടി, 2027-28ൽ 9000 ​കോ​ടി എ​ന്നി​ങ്ങ​നെ​യാ​ണ്​ ഇ​നി​യു​ള്ള ചെ​ല​വ്​ ക​ണ​ക്കാ​ക്കു​ന്ന​ത്.

2028 ഏ​പ്രി​ൽ മു​ത​ൽ ഡി​സം​ബ​ർ വ​രെ 4500 കോ​ടി​യും ചെ​ല​വി​നാ​യി വേ​ണ്ടി​വ​രും. അ​തേ​സ​മ​യം ക​രാ​റു​കാ​രു​ടെ കു​ടി​ശ്ശി​ക​യാ​ണ്​ ജ​ൽ​​ജീ​വ​ൻ മി​ഷ​ന്‍റെ വേ​ഗം കു​റ​ക്കു​ന്ന പ്ര​ധാ​ന ഘ​ട​കം. സം​സ്ഥാ​ന സ​ർ​ക്കാ​ർ ക​ണ​ക്കു​ക​ൾ പ്ര​കാ​രം ക​രാ​റു​കാ​ർ​ക്ക്​ ന​ൽ​കേ​ണ്ട കു​ടി​ശ്ശി​ക 4371.32 കോ​ടി ​രൂ​പ​യാ​ണ്. എ​ന്നാ​ൽ, 4500​ കോ​ടി​യി​ലേ​റെ രൂ​പ ന​ൽ​കാ​നു​ണ്ടെ​ന്ന്​ ക​രാ​റു​കാ​ർ പ​റ​യു​ന്നു.