വയനാട്ടിൽ ഹർത്താൽ തുടങ്ങി, ലക്കിടിയിൽ വാഹനം തടഞ്ഞു; ദീർഘദൂര സർവീസുകൾ നടത്തുമെന്ന് കെ.​എ​സ്.​ആ​ർ.​ടി.​സി

ക​ല്‍പ​റ്റ: മു​ണ്ട​ക്കൈ ഉ​രു​ള്‍പൊ​ട്ട​ല്‍ ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്കാ​ത്ത​തി​ലും സാ​മ്പ​ത്തി​ക സ​ഹാ​യം അ​നു​വ​ദി​ക്കാ​ത്ത​തി​ലും പ്ര​തി​ഷേ​ധി​ച്ച് വ​യ​നാ​ട്ടി​ൽ പ്രഖ്യാപിച്ച ഹ​ർ​ത്താ​ൽ തുടങ്ങി. യു.​ഡി.​എ​ഫും എ​ൽ.​ഡി.​എ​ഫു​മാ​ണ് ഹ​ര്‍ത്താ​ലിന് ആഹ്വാനം ചെയ്തത്.

വൈ​കു​ന്നേ​രം ആ​റു​ വ​രെ​ നടത്തുന്ന ഹ​ർ​ത്താ​ലി​ന് വി​വി​ധ സം​ഘ​ട​ന​ക​ളു​ടെ​യും പി​ന്തു​ണ​യു​ണ്ട്. ദു​ര​ന്ത​ത്തി​ന്റെ അ​തി​ജീ​വി​ത​രു​ടെ കൂ​ട്ടാ​യ്മ​യാ​യ ജ​ന​കീ​യ സ​മി​തി​യുടെ പി​ന്തു​ണ​യും ഹ​ർ​ത്താ​ലി​നുണ്ട്. ക​ട​ക​ൾ അടഞ്ഞു കിടക്കുകയാണ്.

അതേസമയം, ലക്കിടിയിൽ ഹർത്താൽ അനുകൂലികൾ വാഹനങ്ങൾ തടഞ്ഞു. പൊലീസ് ഇടപെട്ട് വാഹനങ്ങൾ കടത്തിവിടുന്നുണ്ട്. പു​ല​ർ​ച്ചെ വ​യ​നാ​ട് ചു​രം ഇ​റ​ങ്ങു​ന്ന ബ​സു​ക​ൾ ഒ​ഴി​കെ ഓ​ടി​ല്ലെ​ന്നും പി​ന്നീ​ട് വൈ​കു​ന്നേ​രം ആ​റി​നു​ ശേ​ഷം മാ​ത്ര​മേ ബ​സു​ക​ൾ ഓ​ടൂ​വെ​ന്നും കെ.​എ​സ്.​ആ​ർ.​ടി.​സി അ​ധി​കൃ​ത​ർ അറിയിച്ചു. എന്നാൽ, ദീർഘദൂര സർവീസുകൾ കെ.​എ​സ്.​ആ​ർ.​ടി.​സി നടത്തും.

തെ​ര​ഞ്ഞെ​ടു​പ്പ് ഔ​ദ്യോ​ഗി​ക വാ​ഹ​ന​ങ്ങ​ൾ, ഉ​ദ്യോ​ഗ​സ്ഥ​ർ, ശ​ബ​രി​മ​ല തീ​ർ​ഥാ​ട​ക​ർ, ആ​ശു​പ​ത്രി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ, പാ​ൽ, പ​ത്രം, വി​വാ​ഹ സം​ബ​ന്ധ​മാ​യ യാ​ത്ര​ക​ൾ തു​ട​ങ്ങി​യ​വ​യെ ഹ​ർ​ത്താ​ലി​ൽ ​നി​ന്ന് ഒ​ഴി​വാ​ക്കി​യ​താ​യി യു.​ഡി.​എ​ഫ് ജി​ല്ല ചെ​യ​ർ​മാ​ൻ കെ.​കെ. അ​ഹ​മ്മ​ദ് ഹാ​ജി, ക​ൺ​വീ​ന​ർ പി.​ടി. ഗോ​പാ​ല​ക്കു​റു​പ്പ് എ​ന്നി​വ​ർ അ​റി​യി​ച്ചു.

രാവിലെ കൽപറ്റ, മാനന്തവാടി, സുൽത്താൻ ബത്തേരി മേഖലകളിലെ പോസ്റ്റ് ഓഫീസിലേക്ക് യു.ഡി.എഫിന്‍റെ മാർച്ചും കൽപറ്റയിലടക്കം എൽ.ഡി.എഫിന്‍റെ പ്രതിഷേധ പ്രകടനവും നടക്കും.