മുട്ടിവിളിച്ചപ്പോ​ഴേക്കും ചുമരടക്കം വീണു; പിന്നെ...

നി​ല​മ്പൂ​ർ: ‘‘മു​റി​യു​ടെ വാ​തി​ലി​ൽ മു​ട്ടി​വി​ളി​ച്ചു, അ​പ്പോ​ഴേ​ക്കും ചു​മ​ര​ട​ക്കം ഉ​തി​ർ​ന്നു​വീ​ണു. ​മ​ല​വെ​ള്ളം പാ​ഞ്ഞെ​ത്തി, പി​ന്നെ അ​ച്ഛ​നെ​യും അ​മ്മ​യെ​യും​കു​റി​ച്ച് ഒ​രു വി​വ​ര​വു​മി​ല്ല’’ -ഉ​ണ്ണി​യു​ടെ വാ​ക്കു​ക​ളി​ലെ നി​സ്സ​ഹാ​യ​ത​യാ​ണ് ബ​ന്ധു ചി​ന്ന​ന്‍റെ കാ​തു​ക​ളി​ൽ ഇ​പ്പോ​ഴും. ചൂ​ര​ൽ​മ​ല​യി​ലെ വീ​ട്ടി​ൽ ഉ​റ​ങ്ങു​ക​യാ​യി​രു​ന്ന കോ​ൽ​ക്കാ​ട​ൻ രാ​മ​നെ​യും ഭാ​ര്യ ല​ക്ഷ്മി​യെ​യും അ​ന്ന് കാ​ണാ​താ​യ​താ​ണ്. ഇ​വ​രെ​ക്കു​റി​ച്ച് വി​വ​ര​മു​ണ്ടോ​യെ​ന്ന​റി​യാ​ൻ നി​ല​മ്പൂ​ർ ജി​ല്ല ആ​ശു​പ​ത്രി​യി​ൽ എ​ത്തി​യ​താ​ണ് ചി​ന്ന​ൻ. ചൂ​ര​ൽ​മ​ല​യി​ൽ തി​ങ്ക​ളാ​ഴ്ച സ​ന്ധ്യ വ​രെ എ​ല്ലാം പ​തി​വു​പോ​ലെ​യാ​യി​രു​ന്നു. ന​ല്ല മ​ഴ​യു​ണ്ടാ​യി​രു​ന്നെ​ങ്കി​ലും അ​പാ​യ​ല​ക്ഷ​ണ​മൊ​ന്നും ക​ണ്ടി​രു​ന്നി​ല്ല. പൊ​ടു​ന്ന​നെ​യാ​ണ് ഗ്രാ​മ​ത്തെ ഒ​ന്ന​ട​ങ്കം ന​ക്കി​ത്തു​ട​ച്ച് മ​ല​വെ​ള്ള​വും പാ​റ​ക്ക​ല്ലു​ക​ളും മ​ര​ങ്ങ​ളും കു​തി​ച്ചെ​ത്തി​യ​ത്.

രാ​മ​നും ഭാ​ര്യ ല​ക്ഷ്മി​യും ഒ​രു മു​റി​യി​ലും ഇ​ള​യ മ​ക​ൻ ഉ​ണ്ണി​യും (മ​നോ​ജ്) കു​ടും​ബ​വും മ​റ്റൊ​രു മു​റി​യി​ലു​മാ​ണ് കി​ട​ന്നി​രു​ന്ന​ത്. ഉ​രു​ൾ​പൊ​ട്ടി വെ​ള്ളം വീ​ട്ടി​ലേ​ക്ക് ക​യ​റു​മ്പോ​ൾ ഉ​ണ്ണി, അ​ച്ഛ​നും അ​മ്മ​യും കി​ട​ക്കു​ന്ന മു​റി​യു​ടെ വാ​തി​ലി​ൽ മു​ട്ടി വി​ളി​ച്ചു. അ​ച്ഛ​ൻ എ​ഴു​ന്നേ​റ്റ്​ വാ​തി​ൽ തു​റ​ക്കു​മ്പോ​ഴേ​ക്കും ചു​മ​ര​ട​ക്കം വീ​ണു. പി​ന്നെ ഒ​ന്നും കാ​ണാ​ൻ ക​ഴി​ഞ്ഞി​ല്ല. ഭാ​ര്യ നി​ഖി​ത​യെ​യും ര​ണ്ടു കു​ഞ്ഞു​ങ്ങ​ളെ​യും ര​ക്ഷി​ക്കാ​ൻ ഉ​ണ്ണി​ക്ക്​ ക​ഴി​ഞ്ഞെ​ങ്കി​ലും മൂ​ത്ത കു​ട്ടി ഒ​ഴു​ക്കി​ൽ​പെ​ട്ടു. ഒ​രു മ​ര​ത്തി​ൽ പി​ടി​ച്ചു​നി​ന്ന​തി​നാ​ലാ​ണ് കു​ട്ടി​യെ ര​ക്ഷി​ക്കാ​നാ​യ​ത്. പ​രി​സ​ര​ത്തെ​ല്ലാം തി​ര​ഞ്ഞെ​ങ്കി​ലും മാ​താ​പി​താ​ക്ക​ളെ​ക്കു​റി​ച്ച് ഒ​രു വി​വ​ര​വും കി​ട്ടി​യി​ല്ല. മൂ​ന്നു ദി​വ​സ​മാ​യി ബ​ന്ധു​ക്ക​ൾ നി​ല​മ്പൂ​രും മേ​പ്പാ​ടി​യി​ലു​മു​ള്ള ആ​ശു​പ​ത്രി​ക​ളി​ൽ അ​ന്വേ​ഷ​ണ​ത്തി​ലാ​ണ്. 80 വ​യ​സ്സു​ണ്ട്​ രാ​മ​ന്, ല​ക്ഷ്മി​ക്ക്​ 75ഉം. ​ഉ​രു​ൾ​പൊ​ട്ട​ലി​ൽ ഇ​വി​ടെ​യു​ള്ള എ​ല്ലാ വീ​ടു​ക​ളും ഒ​ഴു​കി​പ്പോ​യ​താ​യി ചി​ന്ന​ൻ പ​റ​യു​ന്നു.