പോ​ത്തു​ക​ല്ലി​നും ര​ക്ഷാ​പ്ര​വ​ർ​ത്ത​ക​ർ​ക്കും ബി​ഗ് സല്യൂട്ട്

പോ​ത്തു​ക​ല്ല്: താ​ങ്ങാ​വു​ന്ന​തി​ലും കൂ​ടു​ത​ൽ പെ​യ്തി​റ​ങ്ങി​യ മ​ഴ​യി​ൽ പി​ടി​ച്ചു​നി​ൽ​ക്കാ​ൻ ക​ഴി​യാ​തെ ക​വ​ള​പ്പാ​റ മു​ത്ത​പ്പ​ൻ​കു​ന്ന് നി​ലം​പ​തി​ച്ചി​ട്ട് അ​ഞ്ചു​വ​ർ​ഷം ആ​കു​മ്പോ​ൾ, വീ​ണ്ടും പ്ര​ള​യ​സ​മാ​ന അ​വ​സ്ഥ​യി​ലൂ​ടെ ക​ട​ന്നു​പോ​വു​ക​യാ​ണ് പോ​ത്തു​ക​ല്ല് നി​വാ​സി​ക​ൾ. 2019 ആ​ഗ​സ്റ്റ് എ​ട്ടി​നാ​യി​രു​ന്നു ക​വ​ള​പ്പാ​റ ദു​ര​ന്തം. 59 പേ​ർ​ക്കാ​ണ് അ​ന്ന് ജീ​വ​ൻ ന​ഷ്ട​മാ​യ​ത്. നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. പോ​ത്തു​ക​ല്ല് പ​ഞ്ചാ​യ​ത്തി​ലെ വി​വി​ധ ഇ​ട​ങ്ങ​ളി​ൽ ചാ​ലി​യാ​ർ ക​ര​ക​വി​ഞ്ഞ് നി​ര​വ​ധി വീ​ടു​ക​ളി​ലാ​ണ് അ​ന്ന് ച​ളി നി​റ​ഞ്ഞ​ത്.

വ​യ​നാ​ട് മ​ടി​ക്കൈ ദു​ര​ന്തം കി​ലോ​മീ​റ്റ​റുകൾ അ​പ്പു​റ​ത്താ​ണെ​ങ്കി​ലും മൃ​ത​ദേ​ഹ​ങ്ങ​ൾ കൂ​ടു​ത​ലും അ​ടി​ഞ്ഞ​ത് പോ​ത്തു​ക​ല്ല് പ​ഞ്ചാ​യ​ത്തി​ലെ ചാ​ലി​യാ​റി​ന്റെ തീ​ര​ങ്ങ​ളി​ലാ​ണ്. ഇ​ത​റി​ഞ്ഞ​തു​മു​ത​ൽ ര​ക്ഷാ​പ്ര​വ​ർ​ത്ത​ന​ത്തി​നാ​യി വി​വി​ധ നാ​ടു​ക​ളി​ൽ​നി​ന്ന് ചാ​ലി​യാ​റി​ന്റെ തീ​ര​ത്തേ​ക്ക് എ​ത്തു​ന്ന​വ​ർ​ക്ക് എ​ല്ലാ​വി​ധ സ​ഹാ​യ​ങ്ങ​ളും ന​ൽ​കു​ക​യാ​ണ് ഈ ​നാ​ട്ടു​കാ​ർ. സ​ർ​വ​തും ന​ഷ്ട​പ്പെ​ട്ട ചാ​ലി​യാ​റി​ന്റെ തീ​ര​ത്തു​ള്ള​വ​ർ​ക്ക് അ​ന്ന് കൈ​ത്താ​ങ്ങാ​യ​ത് കേ​ര​ള​ത്തി​ന്‍റെ വി​വി​ധ ഇ​ട​ങ്ങ​ളി​ൽ​നി​ന്ന് എ​ത്തി​ച്ചേ​ർ​ന്ന​വ​രാ​യി​രു​ന്നു. വീ​ടു​ക​ളും കി​ണ​റു​ക​ളും ശു​ചീ​ക​രി​ച്ച് അ​വ​ർ മ​ട​ങ്ങി​യ​പ്പോ​ൾ വ​ല്ലാ​ത്ത ആ​ത്മ​നി​ർ​വൃ​തി​യി​ലാ​യി​രു​ന്നു ഇ​വി​ട​ത്തു​കാ​ർ. ഇ​പ്പോ​ൾ ദു​ര​ന്തം വ​യ​നാ​ട്ടി​ലാ​ണെ​ങ്കി​ലും അ​ന്ന​ത്തേ​തി​ന് സ​മാ​ന​മാ​യി ആം​ബു​ല​ൻ​സു​ക​ളും ഫ​യ​ർ​ഫോ​ഴ്സ് വാ​ഹ​ന​ങ്ങ​ളും മ​റ്റു ര​ക്ഷാ​പ്ര​വ​ർ​ത്ത​ന സ​ജ്ജീ​ക​ര​ണ​ങ്ങ​ളും വീ​ണ്ടും പോ​ത്തു​ക​ല്ലി​നെ അ​തേ അ​വ​സ്ഥ​യി​ൽ എ​ത്തി​ച്ചി​രി​ക്കു​ക​യാ​ണ്.

എ​ല്ലാം അ​ർ​പ്പി​ച്ച് നാ​ട്ടു​കാ​ർ

വ​യ​നാ​ട്ടി​ലെ ദു​ര​ന്തം ഉ​ണ്ടാ​യ​തു മു​ത​ൽ പ​ല​രും ഇ​തു​വ​രെ പ​ണി​ക്ക് പോ​കാ​തെ​യും ജോ​ലി​യി​ൽ അ​വ​ധി എ​ടു​ത്തും ത​ങ്ങ​ളാ​ൽ ക​ഴി​യു​ന്ന വി​ധ​ത്തി​ൽ ര​ക്ഷാ​പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ടു​കൊ​ണ്ടി​രി​ക്കു​ക​യാ​ണ്. വി​വി​ധ നാ​ടു​ക​ളി​ൽ​നി​ന്ന് എ​ത്തി​പ്പെ​ട്ട​വ​ർ​ക്ക് എ​ല്ലാ നി​ർ​ദേ​ശ​ങ്ങ​ളും ന​ൽ​കു​ന്നു​മു​ണ്ട്. ഭ​ക്ഷ​ണം, താ​മ​സം തു​ട​ങ്ങി​യ​വ​യെ​ല്ലാം ഒ​രു​ക്കി​ന​ൽ​കാ​നും സ​ർ​വം മ​റ​ന്ന് ഈ ​നാ​ട് ഒ​ത്തൊ​രു​മി​ച്ചി​രി​ക്കു​ക​യാ​ണ്.

നി​ല​മ്പൂ​ർ മേ​ഖ​ല​യി​ലെ വി​വി​ധ സ​ന്ന​ദ്ധ സം​ഘ​ട​ന​ക​ളു​ടെ കീ​ഴി​ലു​ള്ള ര​ക്ഷാ​പ്ര​വ​ർ​ത്ത​ക​ർ ആ​രു​ടെ​യും ഉ​ത്ത​ര​വു​ക​ൾ​ക്ക് കാ​ത്തു​നി​ൽ​ക്കാ​തെ​ത​ന്നെ ചാ​ലി​യാ​റി​ന്റെ തീ​ര​ത്തേ​ക്ക് എ​ത്തു​ക​യാ​യി​രു​ന്നു. കൈ​യി​ൽ കി​ട്ടി​യ ഉ​പ​ക​ര​ണ​ങ്ങ​ളു​മാ​യി മു​ൻ​പ​രി​ച​യം ഒ​ന്നു​മി​ല്ലാ​ത്ത കൊ​ടും​കാ​ട്ടി​ലൂ​ടെ ദി​വ​സ​ങ്ങ​ളോ​ളം ഇ​വ​ർ കാ​ഴ്ച​വെ​ച്ച പ്ര​വ​ർ​ത്ത​നം എ​ത്ര​ത​ന്നെ പ്ര​ശം​സി​ച്ചാ​ലും മ​തി​യാ​വി​ല്ല. മു​ണ്ടേ​രി കൃ​ഷി ഫാ​മി​ന്‍റെ ഗേ​റ്റ് ക​ട​ന്നാ​ൽ പി​ന്നെ ദു​ർ​ഘ​ടം​പി​ടി​ച്ച പാ​ത​ക​ളി​ലൂ​ടെ​യാ​ണ് സ​ഞ്ചാ​രം.

മൊ​ബൈ​ലി​ന് റേ​ഞ്ച് കു​റ​വു​ള്ള ഇ​വി​ട​ങ്ങ​ളി​ൽ ഏ​തു സ​മ​യ​വും വ​ന്യ​മൃ​ഗ ആ​ക്ര​മ​ണം ഉ​ണ്ടാ​യേ​ക്കാം. ച​ളി പു​ത​ഞ്ഞു​കി​ട​ക്കു​ന്ന പാ​ത​ക​ളി​ലൂ​ടെ നി​ര​നി​ര​യാ​യി അ​വ​ർ ചാ​ലി​യാ​റി​ന്റെ തീ​ര​ത്തു​കൂ​ടെ തി​ര​യു​ക​യാ​യി​രു​ന്നു. ആ​ദ്യ​ദി​വ​സ​ങ്ങ​ളി​ൽ കു​ടി​വെ​ള്ളം​പോ​ലും കി​ട്ടാ​തി​രു​ന്നി​ട്ടും യാ​തൊ​രു പ​രാ​തി​യും ആ​ർ​ക്കും ഉ​ണ്ടാ​യി​രു​ന്നി​ല്ല. പി​ന്നീ​ടു​ള്ള ദി​വ​സ​ങ്ങ​ളി​ൽ കു​ടി​വെ​ള്ള​വും ഭ​ക്ഷ​ണ​വും മ​രു​ന്നും ഏ​കോ​പ​ന​വും എ​ല്ലാം വ​ലി​യ കു​ഴ​പ്പ​മി​ല്ലാ​തെ ന​ട​ന്നു. ഫാ​മി​നു​ള്ളി​ലെ ത​ല​പ്പാ​ലി മു​ത​ൽ സൂ​ചി​പ്പാ​റ വെ​ള്ള​ച്ചാ​ട്ട​ത്തി​ന് ഏ​താ​നും ദൂരം അ​ടു​ത്തേ​ക്കു​വ​രെ പ​ല​രും കാ​ൽ​ന​ട​യാ​യി മൃ​ത​ദേ​ഹ​ങ്ങ​ൾ ക​ണ്ടെ​ടു​ക്കാ​നാ​യി എ​ത്തി​ച്ചേ​ർ​ന്നു. ഏ​ക​ദേ​ശം 12 കി​ലോ​മീ​റ്റ​ർ ഇ​ത്ത​ര​ത്തി​ൽ തി​ര​ച്ചി​ലി​ന് പ​ല​രും ജീ​വ​ൻ പ​ണ​യം​വെ​ച്ച് ഇ​റ​ങ്ങി.

ഏ​തു​സ​മ​യ​വും കു​ത്തി​യൊ​ലി​ച്ച് എ​ത്താ​വു​ന്ന ചാ​ലി​യാ​റി​ന്റെ തീ​ര​ത്തു​കൂ​ടെ​യും കൊ​ടും​വ​ന​ത്തി​ലൂ​ടെ​യു​മാ​യി​രു​ന്നു ആ ​ദൗ​ത്യം. കി​ട്ടി​യ മൃ​ത​ദേ​ഹാ​വ​ശി​ഷ്ട​ങ്ങ​ൾ മ​ണ്ണി​ൽ​നി​ന്ന് മാ​ന്തി​യെ​ടു​ത്ത് തു​ണി​യി​ൽ പൊ​തി​ഞ്ഞ് തോ​ള​ത്ത് വ​ടി​യി​ൽ കെ​ട്ടി വാ​ഹ​ന​സൗ​ക​ര്യ​മു​ള്ളി​ട​ത്തേ​ക്ക് എ​ത്തി​ക്കു​ക എ​ന്ന​ത് വ​ലി​യ ദൗ​ത്യ​മാ​യി​രു​ന്നു.

ചാ​ലി​യാ​റി​ന്റെ അ​ക്ക​രെ ആ​ദി​വാ​സി​ക​ൾ തി​ങ്ങി​ത്താ​മ​സി​ക്കു​ന്നി​ട​ത്ത് മൃ​ത​ശ​രീ​ര​ങ്ങ​ൾ ഉ​ണ്ടെ​ന്ന് ആ​ദ്യ​ദി​വ​സ​ങ്ങ​ളി​ൽ​ത​ന്നെ തി​രി​ച്ച​റി​ഞ്ഞു. എ​ൻ.​ഡി.​ആ​ർ.​എ​ഫ് പോ​ലു​ള്ള ര​ക്ഷാ​പ്ര​വ​ർ​ത്ത​ക​ർ​പോ​ലും ചാ​ലി​യാ​റി​ന്റെ കു​ത്തൊ​ഴു​ക്കി​നെ മ​റി​ക​ട​ക്കാ​ൻ ഭ​യ​പ്പെ​ട്ടു. എ​ന്നാ​ൽ, ജീ​വ​ൻ പ​ണ​യം​വെ​ച്ച് ചാ​ലി​യാ​റി​നെ ക​വ​ച്ചു​വെ​ച്ച് നീ​ന്താ​ൻ പ​ല സ​ന്ന​ദ്ധ സം​ഘ​ട​ന പ്ര​വ​ർ​ത്ത​ക​രും ത​യാ​റാ​യി. അ​തു​കൊ​ണ്ടു​ത​ന്നെ​യാ​ണ് അ​ക്ക​രെ​നി​ന്ന് മൃ​ത​ദേ​ഹ​ങ്ങ​ൾ എ​ത്തി​ക്കാ​ൻ ക​ഴി​ഞ്ഞ​ത്.

ഇ​ട​വേ​ള​ക​ളി​ല്ലാ​ത്ത ര​ക്ഷാ​പ്ര​വ​ർ​ത്ത​നം

ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്നാ​യി എ​ത്തി​യ ര​ക്ഷാ​പ്ര​വ​ർ​ത്ത​ക​ർ ഇ​ട​വേ​ള​ക​ളി​ല്ലാ​തെ​യാ​ണ് ദൗ​ത്യം നി​റ​വേ​റ്റു​ന്ന​ത്. വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ​യും മ​ത​സം​ഘ​ട​ന​ക​ളു​ടെ​യും കീ​ഴി​ലു​ള്ള വ​ള​ന്‍റി​യ​ർ​മാ​ർ, ക്ല​ബു​ക​ൾ തു​ട​ങ്ങി​യ​വ​രാ​ണ് ര​ക്ഷാ​പ്ര​വ​ർ​ത്ത​ന​ത്തി​ൽ മു​ൻ​പ​ന്തി​യി​ലു​ണ്ടാ​യി​രു​ന്ന​ത്.

ആം​ബു​ല​ൻ​സു​ക​ൾ ക്ര​മീ​ക​രി​ക്കു​ന്ന​തും മൃ​ത​ദേ​ഹ​ങ്ങ​ൾ അ​തി​വേ​ഗം നി​ല​മ്പൂ​ർ ഗ​വ. ആ​ശു​പ​ത്രി​യി​ൽ എ​ത്തി​ക്കാ​നും പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്കും വ​യ​നാ​ട്ടി​ലേ​ക്ക് അ​തി​വേ​ഗം കൊ​ടു​ത്തു​വി​ടാ​നും സ​ഹാ​യ​ക​മാ​കു​ന്ന​തും ഈ ​സ​ന്ന​ദ്ധ​പ്ര​വ​ർ​ത്ത​ക​രാ​ണ്.

തി​ര​ച്ചി​ലി​നും മാ​തൃ​ക​ക​ൾ

ചാ​ലി​യാ​റി​ന്റെ തീ​ര​ത്ത് വ​ന്ന​ടി​ഞ്ഞ മ​ണ്ണി​ന്‍റെ താ​ഴെ മൃ​ത​ദേ​ഹ​ങ്ങ​ൾ ഉ​ണ്ടെ​ന്ന് മ​ന​സ്സി​ലാ​ക്കി​യ​തി​നെ തു​ട​ർ​ന്ന് നാ​ട്ടു​കാ​ർ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ചും തി​ര​ച്ചി​ൽ ആ​രം​ഭി​ച്ചു. പ​ന​ങ്ക​യം ക​ട​വി​ൽ​നി​ന്ന് ഇ​ത്ത​ര​ത്തി​ൽ നി​ര​വ​ധി മൃ​ത​ദേ​ഹ​ങ്ങ​ളാ​ണ് ക​ണ്ടെ​ടു​ത്ത​ത്. തെ​ർ​മ​ൽ ഇ​മേ​ജി​ങ് സി​സ്റ്റം പോ​ലു​ള്ള പ​ദ്ധ​തി​ക​ൾ ന​ട​പ്പാ​ക്കി​യാ​ൽ കൂ​ടു​ത​ൽ കാ​ര്യ​ക്ഷ​മ​മാ​യി മൃ​ത​ദേ​ഹ​ങ്ങ​ൾ ക​ണ്ടെ​ടു​ക്കാ​ൻ ക​ഴി​യും. ഡോ​ഗ് സ്ക്വാ​ഡു​ക​ളെ ഉ​പ​യോ​ഗി​ച്ചും തി​ര​ച്ചി​ൽ സ​ജീ​വ​മാ​ണ്.