ഉരുൾ മായ്ച്ച ഭൂപടം

അ​ർ​ധ​രാ​ത്രി കു​​ത്തി​യൊ​ലി​ച്ചെ​ത്തി​യ ദു​ര​ന്ത​ത്തി​ൽ മ​ണ്ണി​ൽ പു​ത​ഞ്ഞ ജീ​വ​നു​ക​ൾ. പ​രി​ക്കേ​റ്റ​വ​ർ, ജീ​വ​നു​വേ​ണ്ടി വി​ല​പി​ക്കു​ന്ന​വ​ർ, ഉ​റ്റ​വ​രെ​യും ഉ​ട​യ​വ​രെ​യും ന​ഷ്ട​മാ​യ​വ​ർ. വ​യ​നാ​ട്ടി​ലെ മു​ണ്ട​ക്കൈ​യും ചൂ​ര​ൽ​മ​ല​യും ഇ​പ്പോ​ൾ ഒ​രു ദു​ര​ന്ത​ഭൂ​മി​യാ​ണ്. ഒ​റ്റ രാ​ത്രി​യി​ൽ ഒ​രു നാ​ടൊ​ന്നാ​കെ ഇ​ല്ലാ​താ​യി​രി​ക്കു​ന്നു. പൊ​ലി​ഞ്ഞ 300ലധികം ജീ​വ​നു​ക​ളി​ൽ കു​രു​ന്നു​ക​ളും മു​തി​ർ​ന്ന​വ​രും. ഇ​വി​ടെ​യു​ണ്ടാ​യി​രു​ന്ന​ത് 500 വീ​ടു​ക​ളാ​ണ്, അ​വ​ശേ​ഷി​ക്കു​ന്ന​താ​ക​ട്ടെ വെ​റും 30 മാ​ത്ര​വും.കു​ത്തി​യൊ​ലി​ച്ചെ​ത്തി​യ ​ച​ളി​യും മ​ണ്ണും മ​ര​ങ്ങ​ളും പാ​റ​യു​മെ​ല്ലാം ഒ​രു ഗ്രാ​മ​ത്തെ​യൊ​ന്നാ​കെ മൂ​ടി. ഉ​റ​ക്ക​ത്തി​ലാ​യി​രു​ന്ന​വ​രി​ൽ പ​ല​രും ചു​റ്റും എ​ന്താ​ണ് സം​ഭ​വി​ക്കു​ന്ന​തെ​ന്ന് പോ​ലും അ​റി​യാ​തെ ക​ഴു​ത്ത​റ്റം ച​ളി​യി​ൽ പു​ത​ഞ്ഞു​നി​ന്നു. ഏ​റെ​പ്പേ​ർ കു​ത്തൊ​ഴു​ക്കി​ൽ ഒ​ലി​ച്ചു​പോ​യി, മ​ണ്ണി​ൽ പു​ത​ഞ്ഞ​വ​ർ ഒ​ട്ടേ​റെ. സ്വ​ന്തം ജീ​വ​ൻ മാ​ത്രം കൈ​യി​ൽ​പ്പി​ടി​ച്ച് നി​ര​വ​ധി​പേ​ർ പ​ല​യി​ട​ങ്ങ​ളി​ലേ​ക്കും കു​ത​റി​യോ​ടി. നാ​ടി​ന് ക​രു​ത്താ​യി നി​ന്ന വി​ദ്യാ​ല​യം നി​ന്ന​യി​ടം ഒ​രു പു​ഴ​യാ​യി മാ​റി. ക​ൺ​മു​ന്നി​ൽ ഉ​റ്റ​വ​ർ ഒ​ഴു​കി​പോ​കു​ന്ന​ത് ക​ണ്ട് നി​സ്സ​ഹാ​യ​രാ​യി നോ​ക്കി നി​ൽ​ക്കേ​ണ്ടി വ​ന്ന​വ​ർ, വി​ല​പി​ക്കാ​ൻ പോ​ലു​മാ​കാ​തെ മ​ന​സ്സ് മ​ര​വി​ച്ചി​രി​ക്കു​ന്നു. ഒ​രു​പാ​ട് സ്വ​പ്ന​ങ്ങ​ൾ നെ​യ്തു​കൂ​ട്ടി ജീ​വി​തം ​മു​ന്നോ​ട്ടു​കൊ​ണ്ടു​പോ​യ ഒ​രു കൂ​ട്ടം മ​നു​ഷ്യ​ർ ഇ​പ്പോ​ൾ മ​രി​ച്ച​വ​രും മ​ര​വി​ച്ച​വ​രു​മാ​യി​രി​ക്കു​ന്നു.2018ലെ ​പ്ര​ള​യ​ത്തി​നു​ശേ​ഷം വീ​ണ്ടും ഒ​രു വ​ലി​യ ദു​ര​ന്ത​ത്തി​ന് സാ​ക്ഷി​യാ​യി കേ​ര​ളം. ഒ​രു നാ​ടൊ​ന്നാ​കെ വീ​ണ്ടും കൈ​കോ​ർ​ത്ത്, ര​ക്ഷാ​പ്ര​വ​ർ​ത്ത​ന​ത്തി​ന് ഒ​രു​മി​ച്ചി​റ​ങ്ങി. കേ​ന്ദ്ര -സം​സ്ഥാ​ന സ​ർ​ക്കാ​ർ സം​വി​ധാ​ന​ങ്ങ​ളും സൈ​ന്യ​വും നാ​ട്ടു​കാ​രു​മെ​ല്ലാം ഉ​ണ​ർ​ന്നു പ്ര​വ​ർ​ത്തി​ച്ചു ഒ​രു നാ​ടി​നു​വേ​ണ്ടി, നി​ര​വ​ധി ജീ​വ​നു​വേ​ണ്ടി...

മ​റ​ക്ക​രു​ത് ഓ​രോ ദു​ര​ന്ത​ങ്ങ​ളും

യി​ലു​മു​ണ്ടാ​യ ഉ​രു​ൾ​​പൊ​ട്ട​ലി​ന് സ​മാ​ന​മാ​ണ് മു​ണ്ട​ക്കൈ​യി​ലും ചൂ​ര​ൽ മ​ല​യി​ലും ഉ​ണ്ടാ​യ ദു​ര​ന്തം. എ​ന്നാ​ൽ, ദു​ര​ന്ത​ത്തി​ന്റെ വ്യാ​പ്തി പ​തി​ന്മ​ട​ങ്ങാ​ണ്. 2019ൽ ​ക​വ​ള​പ്പാ​റ-​പു​ത്തു​മ​ല മേ​ഖ​ല​ക​ളി​ൽ ഉ​രു​ൾ​പൊ​ട്ട​ലു​ണ്ടാ​യ സ്ഥ​ല​ത്തു​നി​ന്ന് ര​ണ്ടോ മൂ​ന്നോ കി​ലോ​മീ​റ്റ​ർ ദൂ​രം മാ​ത്ര​മു​ള്ള സ്ഥ​ല​ത്താ​ണ് നി​ല​വി​ൽ ദു​ര​ന്തം ഉ​ണ്ടാ​യി​രി​ക്കു​ന്ന​ത്. ദു​ർ​ബ​ല​മാ​യ പ്ര​ദേ​ശ​വു​മാ​ണ് ഇ​വി​ടം. നി​ർ​ത്താ​തെ പെ​യ്ത മ​ഴ​യാ​ണ് ഈ ​ദു​ര​ന്ത​ങ്ങ​ളു​ടെ പ്ര​ധാ​ന കാ​ര​ണം. ക​ഴി​ഞ്ഞ ര​ണ്ടാ​ഴ്ച​യാ​യി കാ​സ​ർ​കോ​ട്, ക​ണ്ണൂ​ർ, വ​യ​നാ​ട്, കോ​ഴി​​ക്കോ​ട് മേ​ഖ​ല​ക​ളി​ൽ സാ​ധാ​ര​ണ ഒ​രാ​ഴ്ച​യി​ൽ ല​ഭി​ക്കു​ന്ന​തി​​നേ​ക്കാ​ൾ 50 മു​ത​ൽ 70 ശ​ത​മാ​നം വ​രെ കൂ​ടു​ത​ൽ മ​ഴ ല​ഭി​ച്ചി​രു​ന്നു. ഒ​രു​പാ​ട് മു​റി​വേ​​ൽ​ക്കേ​ണ്ടി​വ​ന്ന പ​ശ്ചി​മ​ഘ​ട്ട ഭൂ​പ്ര​കൃ​തി​യി​ൽ വ​ലി​യ അ​ള​വി​ൽ മ​ഴ കൂ​ടി ല​ഭി​ക്കു​ന്ന​തോ​ടെ ദു​ര​ന്ത​ത്തി​ന്റെ ആ​ഴം കൂ​ടും. 20 ഡി​ഗ്രി​ക്ക് മു​ക​ളി​ൽ ച​രി​വു​ള്ള പ​ശ്ചി​മ​ഘ​ട്ട​ത്തി​ന്റെ പ​ല മേ​ഖ​ല​ക​ളും ന​ശി​ച്ചു​ക​ഴി​ഞ്ഞു. മ​ഴ​യു​ടെ സ്വ​ഭാ​വം മാ​റി കൂ​മ്പാ​ര മേ​ഘ​ങ്ങ​ളെ​പ്പോ​ലെ കൂ​ടു​ത​ൽ ക​ന​ത്ത മേ​ഘ​ങ്ങ​ളു​ണ്ടാ​കു​ന്നു.​ മ​ഴ ക​ന​ത്തു പെ​യ്യു​ന്ന​തോ​ടെ ദു​ര​ന്ത​ങ്ങ​ളു​ണ്ടാ​കാ​നു​ള്ള സാ​ധ്യ​ത കൂ​ടു​ത​ലാ​ണ്. പ​ണ്ട് പ്ലാ​ന്റേ​ഷ​നാ​യി വെ​ട്ടി​ന​ശി​പ്പി​ച്ചി​രു​ന്ന അ​മ്പ​തും നൂ​റും വ​ർ​ഷ​ങ്ങ​ൾ പ​ഴ​ക്ക​മു​ള്ള വ​ലി​യ മ​ര​ങ്ങ​ളു​ടെ വേ​രു​ക​ൾ മ​ണ്ണി​ന​ടി​യി​ൽ ഉ​ണ്ടാ​കാം. ആ​ഴ​ങ്ങ​ളി​ലേ​ക്കി​റ​ങ്ങി​യ ഇ​ത്ത​രം വേ​രു​ക​ൾ ന​ശി​ക്കു​ന്ന​തോ​ടെ അ​തു​വ​ഴി വെ​ള്ള​മി​റ​ങ്ങും. ആ ​വെ​ള്ള​ത്തി​ന്റെ കൂ​ടി മ​ർ​ദം ദു​ര​ന്ത​ങ്ങ​ളു​ടെ ആ​ക്കം കൂ​ട്ടും.

അ​മ്പ​തു വ​ർ​ഷ​ങ്ങ​ൾ​ക്കു​മു​മ്പ് ത​ന്നെ പ്ലാ​ന്റേ​ഷ​ൻ പ​ശ്ചി​മ​ഘ​ട്ട​മേ​ഖ​ല​യെ കീ​ഴ​ട​ക്കി​ക്ക​ഴി​ഞ്ഞു. അ​തി​നാ​യി മ​ര​ങ്ങ​ളും മ​ല​ക​ളും കു​ന്നു​ക​ളു​മെ​ല്ലാം ന​ശി​പ്പി​ക്കു​ക​യും നി​ക​ത്തു​ക​യും ചെ​യ്തു. തേ​യി​ല, കാ​പ്പി, ഏ​ലം തു​ട​ങ്ങി​യ കൃ​ഷി​ക​ളെ​ല്ലാം ഇ​ത്ത​ര​ത്തി​ൽ വ​ള​ർ​ത്തി​യെ​ടു​ത്ത​വ​യാ​യി​രു​ന്നു. സാ​മ്പ​ത്തി​ക​മാ​യി ലാ​ഭം ല​ഭി​ക്കു​ന്ന കൃ​ഷി സ​മ്പ്ര​ദാ​യ​ത്തി​ലേ​ക്ക് ന​മ്മ​ൾ പോ​ക​രു​ത് എ​ന്ന് പ​റ​യാ​നും ക​ഴി​യി​ല്ല. മ​ണ്ണി​നെ പാ​റ​യു​മാ​യി ഉ​റ​പ്പി​ച്ചു​നി​ർ​ത്തു​ന്ന​ത് വ​ലി​യ മ​ര​ങ്ങ​ളു​ടെ വേ​രു​ക​ളി​ലൂ​ടെ​യാ​ണ്. അ​തെ​ല്ലാം വെ​ട്ടു​ന്ന​തോ​ടെ ഉ​രു​ൾ​പൊ​ട്ട​ലി​നും മ​ണ്ണി​ടി​ച്ചി​ലി​നു​മെ​ല്ലാം സാ​ധ്യ​ത​യും കൂ​ടും.

കേ​ര​ള​ത്തി​ന്റെ കാ​ലാ​വ​സ്ഥ​യി​ൽ വ​ലി​യ മാ​റ്റ​ങ്ങ​ൾ ക​ഴി​ഞ്ഞ പ​ത്തു​വ​ർ​ഷ​മാ​യി ന​ട​ന്നു​ക​ഴി​ഞ്ഞു. അ​ത് വ​ള​രെ പ്ര​ത്യ​ക്ഷ​ത്തി​ൽ​ത​ന്നെ അ​നു​ഭ​വി​ക്കാ​ൻ ക​ഴി​യു​ന്നു​ണ്ട്. പ്ര​കൃ​തി​ദു​ര​ന്ത​ങ്ങ​ൾ ഇ​പ്പോ​ൾ അ​തി​ന്റെ ഉ​ഗ്ര​രൂ​പ​ത്തി​ൽ നേ​രി​ട്ടു​കൊ​ണ്ടി​രി​ക്കു​ന്നു. കാ​ലാ​വ​സ്ഥാ വ്യ​തി​യാ​ന​ത്തെ​ക്കു​റി​ച്ച് പ​റ​യു​മ്പോ​ൾ കേ​ര​ള​ത്തി​ൽ ക​ഴി​ഞ്ഞ മേ​യി​ൽ ല​ഭി​ച്ച ക​ന​ത്ത ചൂ​ടും ഇ​പ്പോ​ൾ ല​ഭി​ക്കു​ന്ന മ​ഴ​യെ​യും​പ​റ്റി മാ​ത്ര​മേ ന​മ്മ​ൾ സം​സാ​രി​ക്കു​ന്നു​ള്ളൂ. എ​ന്നാ​ൽ 2015 മു​ത​ൽ തു​ട​ർ​ച്ച​യാ​യി ഇ​ത്ത​രം ദു​ര​ന്ത​ങ്ങ​ളി​ലൂ​ടെ കേ​ര​ളം ക​ട​ന്നു​പോ​യി​ക്കൊ​ണ്ടി​രി​ക്കു​ക​യാ​ണ്. 2015-16ൽ ​വ​ര​ൾ​ച്ച​യാ​യി​രു​ന്നു. 2017ൽ ​ഓ​ഖി, 2018ലും 2019​ലും പ്ര​ള​യം -ക​വ​ള​പ്പാ​റ, പു​ത്തു​മ​ല തു​ട​ങ്ങി​യ​വ. 2020ൽ ​പെ​ട്ടി​മു​ടി, 2021ൽ ​കൂ​ട്ടി​ക്ക​ൽ, കൊ​ക്ക​യാ​ർ, ക​ഴി​ഞ്ഞ ര​ണ്ടു വ​ർ​ഷ​ങ്ങ​ളാ​യി ക​ണി​ച്ചാ​ർ, കൊ​ള​യാ​ട്, 2024ൽ ​മു​ണ്ട​ക്കൈ, ചൂ​ര​ൽ​മ​ല തു​ട​ങ്ങി​യ ദു​ര​ന്ത​ങ്ങ​ൾ. ന​മ്മ​ൾ എ​പ്പോ​ഴും അ​ടു​ത്ത കാ​ല​ത്തു​ണ്ടാ​യ അ​പ​ക​ട​ങ്ങ​ളെ​ക്കു​റി​ച്ച് മാ​ത്ര​മേ ച​ർ​ച്ച​ചെ​യ്യാ​റു​ള്ളൂ. വ​ർ​ഷ​ങ്ങ​ളാ​യി ഇ​ത്ത​രം ദു​ര​ന്ത​ങ്ങ​ൾ ഇ​വി​ടെ ആ​വ​ർ​ത്തി​ക്കു​ന്നു​ണ്ട്. അ​ടു​ത്ത ഒ​രു അ​പ​ക​ട​മു​ണ്ടാ​കു​ന്ന​തോ​ടെ ഈ ​ദു​ര​ന്ത​വും ഓ​ർ​മി​ക്കാ​തെ​യാ​കും.

അ​ത്ര എ​ളു​പ്പ​മ​ല്ല ഉ​രു​ൾ​പൊ​ട്ട​ലി​ന്റെ പ്ര​വ​ച​നം. ഒ​രേ അ​ള​വി​ലു​ള്ള മ​ഴ ര​ണ്ട് മൂ​ന്ന് പ​ഞ്ചാ​യ​ത്തു​ക​ളി​ൽ കി​ട്ടു​ന്നു​ണ്ട്. എ​ന്നാ​ൽ, ഇ​തി​ന്റെ ഏ​തെ​ങ്കി​ലും ഒ​രു പ്ര​ദേ​ശ​ത്ത് മാ​ത്ര​മാ​ണ് ഈ ​ദു​ര​ന്തം ഉ​ണ്ടാ​കു​ന്ന​ത്. അ​തി​നാ​ൽ ഉ​രു​ൾ​പൊ​ട്ട​ൽ എ​വി​ടെ സം​ഭ​വി​ക്കു​മെ​ന്ന് മു​ൻ​കൂ​ട്ടി പ്ര​വ​ചി​ക്കു​ക സാ​ധ്യ​മ​ല്ല. അ​ത​ത് പ്ര​ദേ​ശ​വാ​സി​ക​ളെ​യും ത​ദ്ദേ​ശ​വാ​സി​ക​ളെ​യും ഉ​ൾ​പ്പെ​ടു​ത്തി വി​പു​ല​മാ​യ ഒ​രു കൂ​ട്ടാ​യ്മ രൂ​പ​വ​ത്ക​രി​ച്ച് ഇ​തി​നെ മു​ൻ​കൂ​ട്ടി മ​ന​സ്സി​ലാ​ക്കി മു​ൻ​ക​രു​ത​ലു​ക​ൾ സ്വീ​ക​രി​ക്കു​ക എ​ന്ന​താ​ണ് ചെ​യ്യാ​ൻ ക​ഴി​യു​ന്ന കാ​ര്യം. അ​തി​നാ​യി മ​ഴ​യെ​ക്കു​റി​ച്ച് പ്ര​വ​ചി​ക്കു​ന്ന​വ​ർ, മ​ണ്ണി​നെ​ക്കു​റി​ച്ച് അ​റി​യു​ന്ന​വ​ർ, ജി​യോ​ള​ജി -ജി​യോ​മോ​ർ​ഫോ​ള​ജി വി​ഭാ​ഗ​ങ്ങ​ളി​ലെ ആ​ളു​ക​ളെ ആ​വ​ശ്യ​മാ​യി​വ​രും. മാ​ത്ര​മ​ല്ല, മ​ഴ അ​ള​ക്കാ​നും മു​ൻ​കൂ​ട്ടി പ്ര​വ​ചി​ക്കാ​നു​മു​ള്ള സെ​ൻ​സ​റു​ക​ൾ ദു​ർ​ബ​ല​മാ​യ പ്ര​ദേ​ശ​ങ്ങ​ളി​ൽ സ്ഥാ​പി​ക്ക​ണം. വ​ലി​യൊ​രു മ​ൾ​ട്ടി​ലെ​വ​ൽ ഇ​ന്റ​ഗ്രേ​ഷ​ൻ ന​ട​ന്നാ​ൽ മാ​​ത്ര​മേ 40 -50 ശ​ത​മാ​നം എ​ങ്കി​ലും ഉ​രു​ൾ​പൊ​ട്ട​ൽ ദു​ര​ന്തം മു​ൻ​കൂ​ട്ടി പ്ര​വ​ചി​ക്കാ​ൻ സാ​ധി​ക്കൂ. അ​ത​ത്ര എ​ളു​പ്പ​മ​ല്ലെ​ങ്കി​ലും ഈ ​രീ​തി​യി​ലൊ​രു ച​ർ​ച്ച ഇ​നി ന​ട​ക്കേ​ണ്ടി​യി​രി​ക്കു​ന്നു.

പു​ത്തു​മ​ല

2019 ആ​ഗ​സ്റ്റ് എ​ട്ടി​ന് വ​യ​നാ​ടി​നെ പി​ടി​ച്ചു​ല​ച്ച പു​ത്തു​മ​ല ദു​ര​ന്ത​ത്തി​ൽ ജീ​വ​ൻ ന​ഷ്ട​മാ​യ​ത് 17 പേ​ർ​ക്ക്. 57 വീ​ടു​ക​ൾ ഇ​ല്ലാ​താ​യി. ഒ​രു ഗ്രാ​മം ത​ന്നെ മ​ല​വെ​ള്ള​പ്പാ​ച്ചി​ലി​ൽ ഒ​ലി​ച്ചു​പോ​യി. കാ​ണാ​താ​യ അ​ഞ്ചു​പേ​ർ പു​ത്തു​മ​ല​യി​ലെ​വി​ടെ​യോ മ​ണ്ണി​നു​താ​ഴെ അ​ന്ത്യ​വി​ശ്ര​മം​കൊ​ള്ളു​ന്നു​ണ്ട്. ഏ​ക്ക​ർ ക​ണ​ക്കി​ന് കൃ​ഷി​യി​ട​ങ്ങ​ളും അ​നേ​കം പേ​രു​ടെ സ്വ​പ്‌​ന​ങ്ങ​ളും ആ ​കു​ത്തൊ​ഴു​ക്കി​ൽ​പെ​ട്ട് മ​ണ്ണി​ന​ടി​യി​ലാ​യി. ആ​രാ​ധ​നാ​ല​യ​ങ്ങ​ൾ, വാ​സ​സ്ഥ​ല​ങ്ങ​ൾ, വാ​ഹ​ന​ങ്ങ​ൾ, പാ​ടി​ക​ൾ... എ​ല്ലാം ഓ​ർ​മ​ക​ൾ മാ​ത്ര​മാ​യി.

ക​വ​ള​പ്പാ​റ

2019 ആ​ഗ​സ്റ്റ് എ​ട്ടി​ന് നി​ല​മ്പൂ​രി​ലെ ക​വ​ള​പ്പാ​റ​യെ​ന്ന മ​ല​യോ​ര മേ​ഖ​ല​യെ ഉ​രു​ൾ​പൊ​ട്ട​ലി​ന്റെ രൂ​പ​ത്തി​ൽ ദു​ര​ന്തം വി​ഴു​ങ്ങി. മു​ത്ത​പ്പ​ൻ​കു​ന്നി​ലു​ണ്ടാ​യ ഉ​രു​ൾ​പൊ​ട്ട​ലി​ൽ താ​ഴ്വാ​ര​ത്തു​ള്ള 45 വീ​ടു​ക​ൾ മ​ണ്ണി​ന​ടി​യി​ൽ പു​ത​ഞ്ഞു. രാ​ത്രി ഓ​ടി​ര​ക്ഷ​പ്പെ​ടാ​ൻ പോ​ലു​മാ​കാ​തെ 59 ജീ​വ​നു​ക​ൾ മ​ൺ​മ​റ​ഞ്ഞു. ആ​ഴ്ച​ക​ൾ നീ​ണ്ട തി​ര​ച്ചി​ലി​ൽ 48 മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തു. പ​ത്തി​ല​ധി​കം​പേ​ർ ഇ​പ്പോ​ഴും ആ ​മ​ണ്ണി​നു​ള്ളി​ൽ ആ​രു​മ​റി​യാ​തെ വി​ശ്ര​മി​ക്കു​ന്നു​ണ്ട്. പ​ല കു​ടും​ബ​ങ്ങ​ളും വേ​രോ​ടെ പി​ഴു​തെ​റി​യ​പ്പെ​ട്ടു. ഉ​റ്റ​വ​രും അ​ധ്വാ​നി​ച്ചി​രു​ന്ന മ​ണ്ണും എ​ല്ലാം ഒ​രു രാ​ത്രി​കൊ​ണ്ട് ഇ​ല്ലാ​താ​യി. 45 വീ​ടു​ക​ൾ ഈ ​ഉ​രു​ൾ​പൊ​ട്ട​ലി​ൽ മ​ണ്ണി​ന​ടി​യി​ലാ​യെ​ന്നാ​ണ് വി​വ​രം.

പെ​ട്ടി​മു​ടി

2020 ആ​ഗ​സ്റ്റ് ആ​റി​ന് പെ​ട്ടി​മു​ടി​യി​ൽ പൊ​ലി​ഞ്ഞ​ത് എ​ഴു​പ​ത് മ​നു​ഷ്യ ജീ​വ​നു​ക​ൾ. ര​ക്ഷ​പ്പെ​ടു​ത്താ​നാ​യ​ത് 12 പേ​രെ മാ​ത്രം. നാ​ലു​പേ​ർ ഇ​ന്നും ആ​രു​മ​റി​യാ​തെ മ​ണ്ണി​ന​ടി​യി​ൽ അ​ന്ത്യ​വി​ശ്ര​മം​കൊ​ള്ളു​ന്നു. മൂ​ന്നാ​റി​ൽ​നി​ന്ന് 25 കി​ലോ​മീ​റ്റ​ർ അ​ക​ലെ ക​ണ്ണ​ൻ ദേ​വ​ൻ ക​മ്പ​നി​യു​ടെ പെ​ട്ടി​മു​ടി തേ​യി​ല എ​സ്റ്റേ​റ്റി​ലേ​ക്ക് രാ​ത്രി 10.45നാ​ണ് ഒ​രു ദു​ര​ന്ത​മാ​യി ഉ​രു​ൾ ഒ​ഴു​കി​യെ​ത്തി​യ​ത്. 22 തൊ​ഴി​ലാ​ളി കു​ടും​ബ​ങ്ങ​ളെ​യും അ​വ​ർ സ്വ​രു​ക്കൂ​ട്ടി​യ സ​ർ​വ​തി​നെ​യും ആ ​പ്ര​ള​യം തു​ട​ച്ച് നീ​ക്കി. ദു​ര​ന്തം പു​റം​ലോ​ക​മ​റി​യാ​ൻ ഏ​റെ വൈ​കി. 12 പേ​രെ മാ​ത്ര​മാ​ണ് അ​ന്ന് ര​ക്ഷി​ക്കാ​നാ​യ​ത്.

കൂ​ട്ടി​ക്ക​ൽ ദു​ര​ന്തം

2021 ഒ​ക്ടോ​ബ​ർ 16ന് ​കോ​ട്ട​യ​ത്തെ കൂ​ട്ടി​ക്ക​ലി​ലും ഇ​ടു​ക്കി ജി​ല്ല​യി​ലെ കൊ​ക്കെ​യാ​റി​ലും ഉ​രു​ൾ​പൊ​ട്ടി 21 പേ​ർ മ​രി​ച്ചു. അ​തി​രാ​വി​ലെ മു​ത​ൽ പെ​യ്ത മ​ഴ മ​ണി​ക്കൂ​റു​ക​ളോ​ളം നീ​ണ്ടു​നി​ന്ന് പി​ന്നാ​ലെ ദു​ര​ന്ത​മാ​യി മാ​റി. നൂ​റി​ല​ധി​കം വീ​ടു​ക​ൾ വാ​സ​യോ​ഗ്യ​മ​ല്ലാ​താ​യി. കോ​ട്ട​യം ഇ​ടു​ക്കി ജി​ല്ല​ക​ളെ ത​മ്മി​ൽ ബ​ന്ധി​പ്പി​ക്കു​ന്ന 44 പാ​ല​ങ്ങ​ൾ ഉ​രു​ൾ ത​ക​ർ​ത്തെ​റി​ഞ്ഞു.