നേ​രം പു​ല​ർ​ന്ന​പ്പോ​ൾ ചു​റ്റും ചി​ന്നി​ച്ചി​ത​റി​യ മൃ​ത​ദേ​ഹ​ങ്ങ​ൾ

പോ​ത്തു​ക​ല്ല്: നി​ർ​ത്താ​തെ പെ​യ്തു​കൊ​ണ്ടി​രു​ന്ന മ​ഴ, ഇ​ടി​മു​ഴ​ക്കം പോ​ലു​ള്ള ശ​ബ്ദം, പാ​ഞ്ഞെ​ത്തി​യ മ​ല​വെ​ള്ളം. കാ​ട്ടി​ൽ എ​ന്തോ സം​ഭ​വി​ച്ചെ​ന്നു​റ​പ്പി​ച്ചി​രു​ന്നു. നേ​രം പു​ല​ർ​ന്ന​പ്പോ​ൾ മ​ണ​ൽ പ​ര​പ്പി​ൽ ചി​ത​റി​ക്കി​ട​ക്കു​ന്ന ശ​രീ​ര​ഭാ​ഗ​ങ്ങ​ൾ - മു​ണ്ടേ​രി കു​മ്പ​ള​പ്പാ​റ ന​ഗ​റി​ലെ ആ​ദി​വാ​സി​വി​ഭാ​ഗ​ക്കാ​ര​നാ​യ മാ​ധ​വ​നും ഭാ​ര്യ ഗീ​ത​ക്കും ഇ​പ്പോ​ഴും ആ ​രാ​ത്രി മ​റ​ക്കാ​നാ​കു​ന്നി​ല്ല. മ​ല​യി​ൽ ദി​വ​സ​ങ്ങ​ളോ​ളം പെ​രു​മ​ഴ​യാ​യ​തി​നാ​ൽ ചാ​ലി​യാ​റി​ൽ വെ​ള്ളം കൂ​ടി​യി​രു​ന്നു. പു​ഴ​യോ​ര​ത്തെ വീ​ടു​ക​ളി​ൽ വെ​ള്ളം ക​യ​റു​മെ​ന്ന് പേ​ടി​യു​ണ്ടാ​യി​രു​ന്ന​തി​നാ​ൽ ഉ​യ​ർ​ന്ന സ്ഥ​ല​ത്തെ ഷെ​ഡു​ക​ളി​ലേ​ക്ക് ഞ​ങ്ങ​ൾ മാ​റി​യി​രു​ന്നു - മാ​ധ​വ​ൻ പ​റ​യു​ന്നു. മു​ണ്ട​ക്കൈ ഉ​രു​ൾ​പൊ​ട്ട​ലി​ന്റെ ത​ലേ​ന്ന​ത്തെ രാ​ത്രി​യി​ലെ ആ ​അ​നു​ഭ​വം ന​ടു​ക്ക​ത്തോ​ടെ​യാ​ണ് ഇ​വ​ർ വി​വ​രി​ച്ച​ത്.

പു​ല​ർ​ച്ചെ വ​ൻ ശ​ബ്ദ​ത്തി​ൽ ക​ല്ലും മ​ണ്ണും മ​ര​ങ്ങ​ളും കു​ത്തി​യൊ​ലി​ച്ച് വ​രു​ന്ന​താ​ണ് ക​ണ്ട​ത്. വീ​ടു​ക​ളു​ടെ ഓ​ര​ത്ത് വ​രെ മ​ല​വെ​ള്ള​മെ​ത്തി. മ​ണ്ണ് കു​ഴ​ഞ്ഞ് ക​റു​ത്തി​രു​ണ്ട വെ​ള്ളം ഓ​രം ക​ട​ന്ന് ആ​ർ​ത്തി​ര​മ്പി വ​രു​ക​യാ​യി​രു​ന്നു. ഷെ​ഡി​ൽ കി​ട​ന്ന​വ​രെ​ല്ലാം ശ​ബ്ദം കേ​ട്ട് എ​ഴു​ന്നേ​റ്റി​രു​ന്നു. രാ​ത്രി​യാ​യ​തി​നാ​ൽ എ​ന്താ​ണ് സം​ഭ​വി​ച്ച​ത് എ​ന്ന് ഒ​രു വി​വ​ര​വു​മു​ണ്ടാ​യി​രു​ന്നി​ല്ല. ഉ​ൾ​ക്കാ​ട്ടി​ൽ ഉ​രു​ൾ​പൊ​ട്ടി​യെ​ന്നാ​ണ് ക​രു​തി​യ​ത്. നേ​രം പു​ല​ർ​ന്ന​പ്പോ​ൾ അ​ളി​യ​ൻ ചാ​ത്ത​നും ഭാ​ര്യ കു​റു​മ്പി​യു​മാ​ണ് ആ​ദ്യം ശ​രീ​ര​ഭാ​ഗ​ങ്ങ​ൾ ക​ണ്ട​ത്.

പു​ഴ​യോ​ര​ത്തെ മ​ണ​ൽ​തി​ട്ട​യി​ൽ ശ​രീ​ര​ഭാ​ഗ​ങ്ങ​ൾ മു​റി​ഞ്ഞ് അ​ങ്ങി​ങ്ങാ​യി ചി​ത​റി​ക്കി​ട​ക്കു​ന്നു. മ​ല​വെ​ള്ള​മി​റ​ങ്ങി​യ​പ്പോ​ൾ തീ​ര​ത്താ​കെ മ​ര​ങ്ങ​ളും മ​ണ്ണും പാ​റ​ക്ക​ല്ലും. തു​ണി​യും ചെ​രി​പ്പും പാ​ത്ര​ങ്ങ​ളു​മെ​ല്ലാം മ​ര​ത്തി​ൽ ത​ങ്ങി​നി​ന്നി​രു​ന്നു. ഗ്യാ​സ് സി​ലി​ണ്ട​റും മ​റ്റു വീ​ട്ടു​സാ​ധ​ന​ങ്ങ​ളും ഒ​ഴു​കി വ​ന്ന​ടി​ഞ്ഞി​രു​ന്നു. കു​മ്പ​ള​പ്പാ​റ​യി​ൽ​നി​ന്ന് ഫോ​ണി​ൽ വി​ളി​ച്ച​റി​യി​ച്ചാ​ണ് സാ​റ​ൻ​മാ​ർ വി​വ​ര​മ​റി​ഞ്ഞ​ത്. ബോ​ട്ടി​ലാ​ണ് അ​വ​ർ ശ​രീ​ര​ഭാ​ഗ​ങ്ങ​ൾ എ​ടു​ത്തു​കൊ​ണ്ടു​പോ​യ​ത് - മാ​ധ​വ​ൻ ഓ​ർ​ക്കു​ന്നു.

ചാ​ലി​യാ​റി​ന്റെ ഓ​രം ചേ​ർ​ന്ന് മു​ണ്ടേ​രി വാ​ണി​യ​മ്പു​ഴ ഉ​ൾ​വ​ന​ത്തി​ലാ​ണ് കു​മ്പ​ള​പ്പാ​റ. ഇ​വി​ടെ ഇ​രു​പ​തോ​ളം കാ​ട്ടു​നാ​യ്ക്ക കു​ടും​ബ​ങ്ങ​ളു​ണ്ട്. ചാ​ലി​യാ​ർ തീ​രം ന​ക്കി​ത്തു​ട​ച്ച 2019ലെ ​മ​ല​വെ​ള്ള​പ്പാ​ച്ചി​ലി​ൽ കു​മ്പ​ള​പ്പാ​റ​യി​ലെ വീ​ടു​ക​ളി​ലും വെ​ള്ള​വും ചെ​ളി​യും അ​ടി​ച്ചു​ക​യ​റി​യി​രു​ന്നു. മ​ല​വെ​ള്ള​ത്തി​ൽ മു​ങ്ങി​ത്താ​ണ വീ​ടു​ക​ളി​ൽ നി​ന്ന് അ​ർ​ധ​രാ​ത്രി കു​ട്ടി​ക​ളെ​യും താ​ങ്ങി കു​ടും​ബ​ങ്ങ​ൾ ജീ​വ​നും കൊ​ണ്ട് ഓ​ടു​ക​യാ​യി​രു​ന്നു. പ്ര​ള​യ​ത്തി​ന്റെ ഭീ​തി നി​റ​ഞ്ഞ ഓ​ർ​മ അ​വ​ർ​ക്കു​ള്ള​തി​നാ​ൽ വീ​ടി​ന് മേ​ൽ​ഭാ​ഗ​ത്തു​ള്ള കു​ന്നി​ൽ പ​ണി​ത ഷെ​ഡു​ക​ളി​ലാ​ണ് മ​ഴ​ക്കാ​ലം തീ​രും വ​രെ കു​മ്പ​ള​പ്പാ​റ​ക്കാ​രു​ടെ താ​മ​സം.