മ​ഴ​യെ​ന്ന് കേ​ൾ​ക്കു​മ്പോ​ൾ പേ​ടി​യാ മോ​നേ...

വി​ല​ങ്ങാ​ട്: ‘ഇ​ന്നാ​ണ് മോ​നേ ഒ​ന്നു​റ​ങ്ങി​യ​ത്. മ​ഴ​യെ​ന്ന് കേ​ൾ​ക്കു​മ്പോ​ൾ പേ​ടി​യാ. ക​ണ്ണ് ചി​മ്മു​മ്പോ​ൾ ഉ​രു​ൾ​പൊ​ട്ട​ലി​ന്റെ ശ​ബ്ദം കാ​തി​ൽ വ​ന്ന​ടി​ക്കു​ക​യാ​ണ്. ഇ​വി​ടെ​യാ​ണെ​ങ്കി​ൽ പു​ഴ​യു​ടെ ശ​ബ്ദ​മി​ല്ല. സ്വ​സ്ഥ​മാ​യി ഉ​റ​ങ്ങാം’.

വി​ല​ങ്ങാ​ട് ഉ​രു​ൾ​പൊ​ട്ട​ലി​ൽ വെ​ള്ളി​യോ​ട് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന 84 കാ​രി തൊ​ട്ടി​യി​ൽ ഓ​മ​ന​യു​ടെ വാ​ക്കു​ക​ളാ​ണി​ത്. ഇ​ത്ര​യും വ​യ​സ്സി​നി​ട​യി​ൽ ഇ​തു​പോ​ലൊ​രു പ്ര​ള​യ​ജ​ലം ക​ണ്ടി​ട്ടി​ല്ല എ​ല്ലാം ഉ​രു​ൾ വാ​രി​യെ​ടു​ത്തു. അ​യ​ൽ​ക്കാ​രി ഫി​ലോ​മി​ന​യു​ടെ വീ​ട് നി​ന്നി​ട​ത്ത് ഇ​ല്ല. വാ​ക്കു​ക​ൾ മു​ഴു​മി​പ്പി​ക്കാ​നാ​യി​ല്ല. അ​വ​രു​ടെ ക​ണ്ണു​ക​ൾ നി​റ​ഞ്ഞു.

84കാ​രി ഓ​മ​ന മു​ത​ൽ ഒ​രു വ​യ​സ്സു​കാ​ര​ൻ മെ​ൽ​വി​ൻ​വ​രെ ദു​രി​താ​ശ്വാ​സ ക്യാ​മ്പി​ലു​ണ്ട്. എ​ല്ലാ​വ​ർ​ക്കും പ​റ​യാ​നു​ള്ള​ത് ഉ​രു​ളി​ൽ​നി​ന്ന് ര​ക്ഷ​പ്പെ​ട്ട​തി​ന്റെ സാ​ഹ​സി​ക ക​ഥ​ക​ളാ​ണ്. വാ​ർ​ധ​ക്യ​ത്തി​ന്റെ അ​വ​ശ​ത​യി​ൽ ക​ഴി​യു​ന്ന പ​ത്തോ​ളം പേ​രു​ണ്ട് ദു​രി​താ​ശ്വാ​സ ക്യാ​മ്പി​ൽ. മ​ല​യു​ടെ പ​ല ഭാ​ഗ​ത്ത് താ​മ​സി​ക്കു​ന്ന​വ​രാ​ണെ​ങ്കി​ലും പ​ല​രും വീ​ട്ടി​ൽ​നി​ന്ന് പു​റ​ത്തേ​ക്കൊ​ന്നും പോ​കാ​റി​ല്ല. ദു​രി​താ​ശ്വാ​സ ക്യാ​മ്പി​ൽ​നി​ന്നാ​ണ് വേ​ദ​ന​ക​ൾ​ക്കി​ട​യി​ലും ഇ​വ​ർ സൗ​ഹൃ​ദം പു​തു​ക്കി​യ​ത്.

പാ​നോ​ത്തെ ദു​രി​താ​ശ്വാ​സ ക്യാ​മ്പി​ലാ​യി​രു​ന്നു ഇ​വ​ർ ആ​ദ്യം. ഉ​രു​ൾ​പൊ​ട്ട​ൽ ഭീ​ഷ​ണി നി​ല​നി​ൽ​ക്കു​ന്ന​തി​നാ​ൽ സു​ര​ക്ഷി​ത​മാ​യ സ്ഥ​ല​മെ​ന്ന നി​ല​യി​ൻ 75 ഓ​ളം പേ​രെ വെ​ള്ളി​യോ​ട് സ്കൂ​ളി​ലേ​ക്ക് മാ​റ്റു​ക​യാ​യി​രു​ന്നു. പൊ​ലീ​സും സ​ന്ന​ദ്ധ പ്ര​വ​ർ​ത്ത​ക​രും നി​ർ​ബ​ന്ധി​ച്ച​തി​നാ​ലാ​ണ് വീ​ടി​ന​ടു​ത്തു​ള്ള ക്യാ​മ്പി​ൽ​നി​ന്ന് ഇ​വ​ർ പ​ടി​യി​റ​ങ്ങി​യ​ത്.

കു​ടി​യേ​റ്റ മേ​ഖ​ല​യി​ലേ​ക്ക് അ​ഞ്ചു​പ​തി​റ്റാ​ണ്ട് മു​മ്പ് ക​യ​റി വ​ന്ന​താ​ണ് പ​ല​രും. വീ​ടു​ക​ൾ ആ​ദ്യ​കാ​ല​ത്ത് ഉ​യ​ര​ത്തി​ലാ​യി​രു​ന്നു. അ​ന്നൊ​ന്നും ഇ​ത്ര പേ​ടി തോ​ന്നി​യി​രു​ന്നി​ല്ല. പ​ല​രും പ​റ​ഞ്ഞാ​ണ് കു​ട്ടി​ക​ളൊ​ക്കെ ആ​യ​പ്പോ​ൾ സു​ര​ക്ഷി​ത സ്ഥ​ല​മെ​ന്ന നി​ല​യി​ൽ മ​ല​യു​ടെ താ​ഴെ ചെ​റി​യൊ​രു വീ​ടു​ണ്ടാ​ക്കി​യ​ത്. അ​ത് പൂ​ർ​ണ​മാ​യും ഇ​ല്ലാ​താ​യി. ഇ​നി എ​ന്ത് ചെ​യ്യും. കൂ​ലി​യാ​യി കി​ട്ടി​യ കു​റ​ച്ച് പ​ണം കൈ​യി​ലു​ണ്ടാ​യി​രു​ന്നു വീ​ട് വി​ട്ടി​റ​ങ്ങു​മ്പോ​ൾ എ​ടു​ത്ത് വെ​ച്ച​തെ​ല്ലാം പോ​യി- ഫി​ലോ​മി​ന​ക്കും വാ​ക്കു​ക​ൾ മു​റി​ഞ്ഞു.

വീ​ട് കി​ട്ടു​മോ? സ്ഥ​ലം കി​ട്ടു​മോ? എ​വി​ടെ താ​മ​സി​ക്കും? തു​ട​ങ്ങി​യ കാ​ര്യ​ങ്ങ​ളി​ലൊ​ക്കെ ഇ​വ​ർ ആ​ശ​ങ്ക​യി​ലാ​ണ്. ‘നി​ങ്ങ​ൾ സു​ര​ക്ഷി​ത​രാ​യി​രി​ക്കും; ഞ​ങ്ങ​ളു​ണ്ട്’ എ​ന്ന സ​ന്ന​ദ്ധ പ്ര​വ​ർ​ത്ത​ക​രു​ടെ വാ​ക്കു​ക​ൾ ഇ​വ​ർ​ക്ക് ആ​ശ്വാ​സം പ​ക​രു​ന്നു​ണ്ട്.