വീ​ടും കു​ടും​ബാം​ഗ​ങ്ങ​ളെ​യും ഉ​രു​ളെ​ടു​ത്തു; ജീ​വ​ൻ ബാ​ക്കി​യാ​യ ആ​ശ്വാ​സ​ത്തി​ൽ ഗ​ഫൂ​ർ

വൈ​ത്തി​രി: ചൂ​ര​ൽ​മ​ല​യി​ലെ പ​ല​ച​ര​ക്കു ക​ട​യു​ട​മ​യാ​യ പു​തി​യ​പ​റ​മ്പ​ത്ത് അ​ബ്ദു​ൽ ഗ​ഫൂ​റി​നും കു​ടും​ബ​ത്തി​നും ബാ​ക്കി​യാ​യ​ത് ഉ​ടു​തു​ണി മാ​ത്രം. ന​ഷ്ട​പ്പെ​ട്ട​ത് വീ​ടും ക​ട​യും മാ​ത്ര​മ​ല്ല, ഉ​റ്റ​വ​രാ​യ ഒ​മ്പ​തു പേ​രും.

ചൂ​ര​ൽ​മ​ല മ​ദ്റ​സ​യു​ടെ അ​ടു​ത്ത​ടു​ത്താ​ണ് ഗ​ഫൂ​റി​ന്റെ വീ​ടും ക​ട​യും. ക​ന​ത്ത മ​ഴ​യെ​ത്തു​ട​ർ​ന്ന് വൈ​കീ​ട്ട് ആ​റു മ​ണി​ക്കു​ത​ന്നെ ക​ട​യ​ട​ച്ചു. ഈ ​സ​മ​യം ധാ​രാ​ളം പേ​ർ ക​ട​യി​ലു​ണ്ടാ​യി​രു​ന്ന​താ​യി ഗ​ഫൂ​ർ പ​റ​യു​ന്നു. എ​ന്നാ​ൽ, അ​വ​രി​ൽ മി​ക്ക​വ​രും ദു​ര​ന്ത​ത്തി​ൽ ഇ​ല്ലാ​തെ​യാ​യി. ഭാ​ര്യ​യും ര​ണ്ടു പെ​ൺ​മ​ക്ക​ളു​മാ​യി​രു​ന്നു വീ​ട്ടി​ലു​ണ്ടാ​യി​രു​ന്ന​ത്. രാ​ത്രി ഒ​രു മ​ണി ക​ഴി​ഞ്ഞ സ​മ​യ​ത്താ​ണ് വ​ലി​യ ശ​ബ്ദം കേ​ട്ട​ത്.

ഉ​ണ​ർ​ന്ന​പ്പോ​ഴേ​ക്കും വാ​തി​ലി​ൽ ശ​ക്തി​യാ​യി വെ​ള്ളം വ​ന്ന​ടി​ക്കു​ന്ന ശ​ബ്ദം കേ​ട്ട് പു​റ​ത്തേ​ക്കി​റ​ങ്ങാ​ൻ നോ​ക്കു​മ്പോ​ൾ വാ​തി​ൽ തു​റ​ക്കാ​നാ​യി​ല്ല. ജ​ന​ൽ തു​റ​ന്ന് വീ​ടി​ന്റെ വ​ശ​ത്തു​കൂ​ടി ഭാ​ര്യ​യെ​യും കു​ടും​ബ​ത്തെ​യും കൂ​ട്ടി മു​ക​ളി​ലെ​ത്തി. മു​ക​ളി​ലെ അ​മ്പ​ല​ക്കു​ന്നി​ൽ ആ ​സ​മ​യ​ത്ത് പ​ല​രും എ​ത്തി​യി​രു​ന്നു. ഈ ​സ​മ​യ​ത്തു മൂ​ന്നാ​മ​ത്തെ പൊ​ട്ട​ലും ക​ഴി​ഞ്ഞി​രു​ന്നെ​ന്ന് ഗ​ഫൂ​ർ ഓ​ർ​ക്കു​ന്നു. ഭൂ​മി മൊ​ത്തം കു​ലു​ങ്ങി​യ അ​നു​ഭ​വ​മു​ണ്ടാ​യി. നേ​രം വെ​ളു​ത്ത​തോ​ടെ എ​ല്ലാ​വ​രും മ​ദ്റ​സ​യി​ലെ​ത്തി. ഭാ​ര്യ​യു​ടെ ഉ​പ്പ​യും ഉ​മ്മ​യു​മ​ട​ക്കം ഒ​മ്പ​തു പേ​ർ ദു​ര​ന്ത​ത്തി​ൽ​പെ​ട്ടു.

മ​ദ്റ​സ​യു​ടെ അ​ടു​ത്തു​ള്ള പ​ല​ച​ര​ക്കു​ക​ട വീ​ടി​നൊ​പ്പം ന​ഷ്ട​പ്പെ​ട്ടു. ഒ​ന്നു​മി​ല്ലാ​ത്ത അ​വ​സ്ഥ​യി​ൽ ഇ​പ്പോ​ൾ ചു​ണ്ടേ​ൽ ശ്രീ​പു​ര​ത്ത് ഭാ​ര്യാ​സ​ഹോ​ദ​ര​ന്റെ വീ​ട്ടി​ലാ​ണ് താ​മ​സം. ഗ​ഫൂ​റി​ന്റെ ഇ​ള​യ​മ​ക​ൾ ത​സ്‍ലി​യ ക​ടു​ത്ത മാ​ന​സി​ക സ​മ്മ​ർ​ദ​ത്തി​ലാ​ണ്. മ​ദ്റ​സ​യി​ലും സ്‌​കൂ​ളി​ലും കൂ​ടെ ക​ളി​ച്ചു​ന​ട​ന്ന ഷു​ഹൈ​ബ്, അ​ഫ്‌​ല​ഹ, അ​ൽ​ഫി​നാ​സ്, നി​ഹാ​ൽ, അം​ജ​ത്, ഫ​ർ​ഹാ​ൻ തു​ട​ങ്ങി​യ കൂ​ട്ടു​കാ​രൊ​ക്കെ ദു​ര​ന്ത​ത്തി​ൽ ഇ​ല്ലാ​താ​യ​തോ​ടെ മ​ക​ൾ രാ​ത്രി​യി​ൽ ഉ​റ​ങ്ങാ​റേ​യി​ല്ലെ​ന്ന് ഗ​ഫൂ​ർ പ​റ​യു​ന്നു. ഗ​ഫൂ​റി​ന്റെ ഭാ​ര്യാ​പി​താ​വ് മു​ഹ​മ്മ​ദ്, മാ​താ​വ് ബി​യ്യ, ഇ​വ​രു​ടെ മ​ക്ക​ളാ​യ ജാ​ഫ​ർ, ശം​സു​ദ്ദീ​ൻ, റം​ല​ത്ത്, ഷ​ബ്‌​ന, പേ​ര​ക്കു​ട്ടി​ക​ളാ​യ മു​ഹ​മ്മ​ദ് ആ​മേ​ൻ, സം​ഹ പ​ർ​വീ​ൻ, റാ​ണ റ​സ്‍ല എ​ന്നി​വ​രെ​ല്ലാം ദു​ര​ന്ത​ത്തി​നി​ര​യാ​യി. ഇ​തി​ൽ അ​ഞ്ചു​പേ​രു​ടെ മൃ​ത​ദേ​ഹം മാ​ത്ര​മാ​ണ് കി​ട്ടി​യ​ത്.