വ​യ​നാ​ട് ദു​ര​ന്ത​ത്തി​ലെ ര​ക്ഷാപ്ര​വ​ർ​ത്ത​ന​ എ​സ്റ്റി​മേ​റ്റ്; ഉ​രു​ൾ​പൊ​ട്ടി വിവാദം

കോ​ഴി​ക്കോ​ട്: വ​യ​നാ​ട് ഉ​രു​ൾ​പൊ​ട്ട​ൽ ദു​ര​ന്ത​വു​മാ​യി ബ​ന്ധ​പ്പെ​ട്ട ര​ക്ഷാ പ്ര​വ​ർ​ത്ത​ന​ത്തി​നും മ​റ്റു​മാ​യി പ്ര​തീ​ക്ഷി​ക്കു​ന്ന ചെ​ല​വ് (എ​സ്റ്റി​മേ​റ്റ്) സം​ബ​ന്ധി​ച്ച് സ​ർ​ക്കാ​ർ സ​മ​ർ​പ്പി​ച്ച സ​ത്യ​വാ​ങ്മൂ​ലം പു​തി​യ വി​വാ​ദ​ത്തി​ന് തി​രി​കൊ​ളു​ത്തി. ദു​ര​ന്ത​നി​വാ​ര​ണ​ത്തി​നും ര​ക്ഷാ​പ്ര​വ​ർ​ത്ത​ന​ത്തി​നു​മാ​യി 1202 കോ​ടി ചെ​ല​വാ​കു​മെ​ന്ന സ​ത്യ​വാ​ങ്മൂ​ല​ത്തി​ലെ പ​രാ​മ​ർ​ശം ഏ​താ​നും വാ​ർ​ത്ത ചാ​ന​ലു​ക​ൾ ‘ദു​ര​ന്ത​നി​വാ​ര​ണ​ത്തി​ന് ചെ​ല​വാ​യ തു​ക’ എ​ന്ന നി​ല​യി​ൽ റി​പ്പോ​ർ​ട്ട് ചെ​യ്ത​തോ​ടെ​യാ​ണ് ആ​ശ​യ​ക്കു​ഴ​പ്പം ഉ​ട​ലെ​ടു​ത്ത​ത്. ര​ക്ഷാ​​പ്ര​വ​ർ​ത്ത​ന​ത്തി​ൽ സൗ​ജ​ന്യ​മാ​യി സേ​വ​ന മ​ന​സ്സോ​ടെ പ​​ങ്കെ​ടു​ത്ത സ​ന്ന​ദ്ധ​സം​ഘ​ട​ന​ക​ളും രാ​ഷ്ട്രീ​യ പാ​ർ​ട്ടി​ക​ളും ഇ​​ത്ര​യും തു​ക എ​ങ്ങ​നെ ചെ​ല​വാ​യെ​ന്ന ചോ​ദ്യ​വു​മാ​യി രം​ഗ​ത്തെ​ത്തി​യ​തോ​ടെ സ​ർ​ക്കാ​ർ സം​ശ​യ​മു​ന​യി​ലാ​യി.

ഒരു മൃ​ത​ദേ​ഹ​ം സം​സ്ക​രി​ക്കാ​ൻ 75,000 രൂ​പ ചെ​ല​വാ​യെ​ന്നാ​ണ് റി​പ്പോ​ർ​ട്ടി​ലു​ണ്ടാ​യി​രു​ന്ന​ത്. മൃ​ത​ദേ​ഹം സം​സ്ക​ര​ണം പൂ​ർ​ണ​മാ​യും ന​ട​ത്തി​യ​ത് സ​ന്ന​ദ്ധ​സം​ഘ​ങ്ങ​ളാ​യി​രു​ന്നു. പി​ന്നെ എ​ങ്ങ​നെ ഇ​ത്ര തു​ക ചെ​ല​വു​വ​ന്നു എ​ന്ന ചോ​ദ്യ​വും ഉ​യ​ർ​ന്നു. സ​മാ​ന​മാ​യി വ​ള​ണ്ടി​യ​ർ​മാ​ർ​ക്ക് ന​ൽ​കി​യ ഭ​ക്ഷ​ണം, വ​സ്ത്രം, മെ​ഡി​ക്ക​ൽ ഐ​യ്ഡ് തു​ട​ങ്ങി​യ കാ​ര്യ​ങ്ങ​ളി​ലും ചോ​ദ്യ​ങ്ങ​ളു​യ​ർ​ന്നു. വ​യ​നാ​ട് ദു​ര​ന്ത​ത്തി​ന്റെ മ​റ​വി​ൽ സ​ർ​ക്കാ​ർ അ​ഴി​മ​തി ന​ട​ത്തി​യെ​ന്ന ത​ര​ത്തി​ൽ ഏ​താ​നും പ്ര​തി​പ​ക്ഷ പാ​ർ​ട്ടി നേ​താ​ക്ക​ളൂം രം​ഗ​ത്തെ​ത്തി​യ​തോ​ടെ വി​വാ​ദം ഒ​രു​പ​ക​ൽ മു​ഴു​വ​ൻ ക​ത്തി. ​സ​ർ​ക്കാ​ർ പ​ക്ഷ​ത്തു​നി​ന്ന് വി​ശ​ദീ​ക​ര​ണ​വു​മാ​യി ആ​ദ്യം രം​ഗ​ത്തെ​ത്തി​യ​ത് മ​ന്ത്രി എം.​ബി രാ​ജേ​ഷ് ആ​ണ്. ആ​ഗ​സ്റ്റ് 19ന് ​കേ​ന്ദ്ര​ത്തി​ന് സ​മ​ർ​പ്പി​ച്ച മെ​മ്മോ​റാ​ണ്ടം ത​ന്നെ​യാ​ണ് ഹൈ​കോ​ട​തി​യി​ൽ സ​ത്യ​വാ​ങ്മൂ​ല​മാ​യി ന​ൽ​കി​യ​തെ​ന്ന് അ​ദ്ദേ​ഹം വി​ശ​ദീ​ക​രി​ച്ചു. ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​നും വി​ശ​ദീ​ക​ര​ണ പ്ര​സ്താ​വ​ന പു​റ​ത്തി​റ​ക്കി. നി​ല​വി​ൽ സ​മ​ർ​പ്പി​ച്ച മെ​മ്മോ​റാ​ണ്ട​ത്തി​ലെ തു​ക അ​പ​ര്യാ​പ്ത​മാ​ണെ​ന്നും അ​വ​ർ വ്യ​ക്ത​മാ​ക്കി. വൈ​കു​ന്നേ​ര​ത്തോ​ടെ മു​ഖ്യ​മ​ന്ത്രി​യും വി​ശ​ദീ​ക​ര​ണ​ക്കു​റി​പ്പ് പു​റ​ത്തി​റ​ക്കി​യ​തോ​ടെ വി​വാ​ദ​ങ്ങ​ൾ​ക്ക് അ​ർ​ധ വി​രാ​മ​മാ​യി. അ​തി​നി​ടെ, സ​ർ​ക്കാ​ർ തു​ക പെ​രു​പ്പി​ച്ചു കാ​ണി​ച്ചു​വെ​ന്ന് ചൂ​ണ്ടി​ക്കാ​ട്ടി വി.​മു​ര​ളീ​ധ​ര​ൻ ഉ​ൾ​പ്പെ​ടെ​യു​ള്ള ബി.​ജെ.​പി നേ​താ​ക്ക​ളും രം​ഗ​ത്തെ​ത്തി.

പ്ര​തീ​ക്ഷി​ക്കു​ന്ന ചെലവ് 1202 കോ​ടി​യെന്ന്​ സ​ർ​ക്കാ​ർ

കൊ​ച്ചി: ഉ​രു​ൾ​പൊ​ട്ട​ൽ ദു​ര​ന്ത​മു​ണ്ടാ​യ വ​യ​നാ​ട്ടി​ലെ നാ​ശ​ന​ഷ്ട​വും ര​ക്ഷാ​പ്ര​വ​ർ​ത്ത​ന​വു​മാ​യി ബ​ന്ധ​പ്പെ​ട്ട്​ 1202 കോ​ടി രൂ​പ​യു​ടെ ചെ​ല​വാ​ണ്​ പ്ര​തീ​ക്ഷി​ക്കു​ന്ന​തെ​ന്ന്​ സ​ർ​ക്കാ​ർ ഹൈ​കോ​ട​തി​യി​ൽ വ്യ​ക്ത​മാ​ക്കി. ആ​ളു​ക​ളെ ഒ​ഴി​പ്പി​ക്കാ​നു​ള്ള വാ​ഹ​ന​ങ്ങ​ൾ​ക്ക് 12 കോ​ടി​യും 359 മൃ​ത​ദേ​ഹ​ങ്ങ​ൾ സം​സ്ക​രി​ക്കാ​ൻ 75,000 രൂ​പ വീ​തം 2.77 കോ​ടി​യു​മാ​ണ്​ പ്ര​തീ​ക്ഷി​ക്കു​ന്ന​ത്. വ​യ​നാ​ട്​ ദു​ര​ന്ത​ത്തെ​തു​ട​ർ​ന്ന്​ സ​ർ​ക്കാ​ർ സ്വ​മേ​ധ​യാ സ്വീ​ക​രി​ച്ച ഹ​ര​ജി​യി​ൽ സ​ർ​ക്കാ​ർ സ​മ​ർ​പ്പി​ച്ച സ​ത്യ​വാ​ങ്മൂ​ല​ത്തി​ലാ​ണ് ഈ ​വി​വ​ര​ങ്ങ​ളു​ള്ള​ത്. കേ​ന്ദ്ര​സ​ഹാ​യ​ത്തി​നാ​യി ത​യാ​റാ​ക്കി​യ ‘മെ​മോ​റാ​ണ്ടം -കേ​ര​ള’ എ​ന്ന രേ​ഖ​യി​ലെ ക​ണ​ക്ക് അ​ട​ക്ക​മാ​ണ്​ കോ​ട​തി​യി​ൽ സ​മ​ർ​പ്പി​ച്ച​ത്.

ര​ക്ഷാ​പ്ര​വ​ർ​ത്ത​ക​രു​ടെ ഭ​ക്ഷ​ണ​ത്തി​നും താ​മ​സ​ത്തി​നും യാ​ത്ര​ക്കു​മാ​യി 6.5 കോ​ടി ചെ​ല​വാ​കു​മെ​ന്ന് ഇ​തി​ൽ പ​റ​യു​ന്നു. വ്യോ​മ​സേ​ന​യു​ടെ എ​യ​ർ​ലി​ഫ്ടി​ങ്​ ദൗ​ത്യ​ത്തി​ന് 17 കോ​ടി ന​ൽ​കേ​ണ്ടി​വ​രും. സൈ​ന്യം പ​ണി​ത ബെ​യ്‌​ലി പാ​ല​വു​മാ​യി ബ​ന്ധ​പ്പെ​ട്ട്​ ഒ​രു​കോ​ടി​യു​ടെ ചെ​ല​വും പ്ര​തീ​ക്ഷി​ക്കു​ന്നു​ണ്ട്. അ​തേ​സ​മ​യം, മ​രി​ച്ച​വ​രു​ടെ ആ​ശ്രി​ത​ർ​ക്ക് 14.36 കോ​ടി​യും പ​രി​ക്കേ​റ്റ 300ല​ധി​കം പേ​ർ​ക്കാ​യി 17.5 കോ​ടി​യും ഉ​പ​ജീ​വ​ന സ​ഹാ​യ​ത്തി​ന് 14 കോ​ടി​യു​മേ വേ​ണ്ടി​വ​രൂ എ​ന്നാ​ണ് ​ദു​ര​ന്ത​നി​വാ​ര​ണ അ​തോ​റി​റ്റി ക​ണ​ക്കാ​ക്കു​ന്ന​ത്. 14 ക്യാ​മ്പു​ക​ൾ ഒ​രു​മാ​സം പ്ര​വ​ർ​ത്തി​ക്കു​മ്പോ​ൾ ഭ​ക്ഷ​ണ​ത്തി​ന്​ എ​ട്ടു​കോ​ടി, വ​സ്ത്ര​ത്തി​ന്​ 11 കോ​ടി, ആ​രോ​ഗ്യ സേ​വ​ന​ത്തി​ന്​ എ​ട്ടു​കോ​ടി, ജ​ന​റേ​റ്റ​റി​ന്​ ഏ​ഴു​കോ​ടി എ​ന്നി​ങ്ങ​നെ ചെ​ല​വാ​കും. ഡി.​എ​ൻ.​എ പ​രി​ശോ​ധ​ന​യു​മാ​യി ബ​ന്ധ​പ്പെ​ട്ട്​ മൂ​ന്നു​കോ​ടി​യാ​ണ്​ ചെ​ല​വ്​ വ​രു​ക. 2010 പേ​ർ വീ​ടു​ക​ളി​ലേ​ക്ക്​ മ​ട​ങ്ങു​ന്ന​തു​വ​രെ മൂ​ന്നു മാ​സ​ത്തേ​ക്ക്​ ദി​വ​സേ​ന 300 രൂ​പ വീ​തം ചെ​ല​വു​വ​രു​ന്ന​ത്​ 5.43 കോ​ടി​യാ​ണ്. മ​ഴ​ക്കോ​ട്ട്, കു​ട, ബൂ​ട്ട്, ടോ​ർ​ച്ച് എ​ന്നി​വ​ക്ക്​ 2.98 കോ​ടി, ഡ്രോ​ണു​ക​ൾ​ക്ക് മൂ​ന്നു​കോ​ടി, മ​ണ്ണു​മാ​ന്തി​ക​ൾ​ക്ക് 15 കോ​ടി എ​ന്നി​ങ്ങ​നെ​യും സ​ർ​ക്കാ​ർ വ​ള​ന്‍റി​യ​ർ​മാ​രു​ടെ ആ​രോ​ഗ്യ സു​ര​ക്ഷ​ക്ക്​ 2.02 കോ​ടി​യു​മാ​ണ്​ ചെ​ല​വ്​. തി​ര​ച്ചി​ൽ, ര​ക്ഷാ​പ്ര​വ​ർ​ത്ത​നം എ​ന്നി​വ​ക്കാ​യി​ 47 കോ​ടി പ്ര​തീ​ക്ഷി​ക്കു​ന്നു. കൃ​ഷി, മൃ​ഗ​സം​ര​ക്ഷ​ണ ന​ഷ്ട​പ​രി​ഹാ​ര​മാ​യി 297 കോ​ടി, വീ​ട് പു​ന​ർ​നി​ർ​മാ​ണ​ത്തി​ന്​ 250 കോ​ടി, സ​ർ​ക്കാ​റി​നു​ണ്ടാ​യ സ്വ​ത്ത്​ ന​ഷ്ട​ത്തി​ന്​ പ​രി​ഹാ​രം 56 കോ​ടി, ടൂ​റി​സം ന​ഷ്ട​പ​രി​ഹാ​ര​ത്തി​ന്​ 50 കോ​ടി, ഭൂ​മി പു​ന​രു​ദ്ധാ​ര​ണ​ത്തി​ന്​ 36 കോ​ടി, താ​ൽ​ക്കാ​ലി​ക ക്യാ​മ്പു​ക​ൾ​ക്ക്​ 34 കോ​ടി, മൂ​ന്ന്​ സ്കൂ​ളു​ക​ളു​ടെ പു​ന​രു​ദ്ധാ​ര​ണ​ത്തി​ന്​ 18 കോ​ടി, വൈ​ദ്യു​തി പു​നഃ​സ്ഥാ​പ​ന​ത്തി​ന്​ 14 കോ​ടി, വെ​ള്ള​ക്കെ​ട്ട് നി​വാ​ര​ണ​ത്തി​ന്​ മൂ​ന്ന്​ കോ​ടി എ​ന്നി​ങ്ങ​നെ​യാ​ണ്​ ചെ​ല​വ്​ പ്ര​തീ​ക്ഷി​ക്കു​ന്ന​ത്.

മേ​യ്​ മു​ത​ൽ ജി​ല്ല ദു​ര​ന്ത നി​വാ​ര​ണ പ​ദ്ധ​തി​ക​ളു​ടെ ഭാ​ഗ​മാ​യി ഒ​രു​ക്ക​ങ്ങ​ൾ ആ​രം​ഭി​ച്ച​താ​യി സ​ത്യ​വാ​ങ്​​മൂ​ല​ത്തി​ൽ പ​റ​യു​ന്നു. മ​ണ്ണ്​ നീ​ക്ക​വും ഖ​ന​ന​വും ടൂ​റി​സ്റ്റു​ക​ളു​ടെ വ​ര​വും​ നി​രോ​ധി​ച്ചു. മ​ൺ​സൂ​ൺ മു​ന്നൊ​രു​ക്ക​ങ്ങ​ൾ നി​ര​ന്ത​രം വി​ല​യി​രു​ത്തി. ദു​ര​ന്ത​ത്തി​ന്​ ദി​വ​സ​ങ്ങ​ൾ​ക്കു​മു​മ്പേ മു​ന്ന​റി​യി​പ്പ്​ ന​ൽ​കി​യ​തി​ലൂ​ടെ ഒ​ട്ടേ​റെ കു​ടും​ബ​ങ്ങ​ളെ ര​ക്ഷ​പ്പെ​ടു​ത്താ​ൻ സ​ഹാ​യി​ച്ച​താ​യും സ​ത്യ​വാ​ങ്​​മൂ​ല​ത്തി​ൽ പ​റ​യു​ന്നു.