വയനാടിന് സഹായം​; സമ്മർദം തുടരാൻ കേരളം

തി​രു​വ​ന​ന്ത​പു​രം: ദേ​ശീ​യ ദു​ര​ന്ത നി​വാ​ര​ണ നി​യ​മ​പ്ര​കാ​രം വ​യ​നാ​ട്ടി​ലേ​ത്​ ‘അ​തി​തീ​വ്ര​ദു​ര​ന്ത’​മാ​യി (ഡി​സാ​സ്റ്റ​ർ ഓ​ഫ് സി​വി​യ​ർ നേ​ച്വ​ർ) പ​രി​ഗ​ണി​ക്ക​ണ​മെ​ന്ന ആ​വ​ശ്യ​ത്തി​ൽ കേ​ന്ദ്ര​ത്തോ​ട്​ സ​മ്മ​ർ​ദം തു​ട​രാ​ൻ സം​സ്ഥാ​ന സ​ർ​ക്കാ​ർ. സ​ർ​ക്കാ​റി​ന്‍റെ മെ​മ്മോ​റാ​ണ്ട​ത്തി​ലും ന​ട​പ​ടി​ക്ര​മ​ങ്ങ​ളി​ലും വീ​ഴ്ച​ക​ളൊ​ന്നും സം​ഭ​വി​ച്ചി​ട്ടി​ല്ലാ​ത്ത​തി​നാ​ൽ സ​ഹാ​യ​പ്ര​ഖ്യാ​പ​ന​ങ്ങ​ൾ വൈ​കു​ന്ന​തി​ന്​ സാ​​ങ്കേ​തി​ക കാ​ര​ണ​ങ്ങ​ള​ല്ല, അ​വ​ഗ​ണ​ന ത​ന്നെ​യാ​ണെ​ന്നു​മാ​ണ്​ സ​ർ​ക്കാ​ർ ക​രു​തു​ന്ന​ത്.

ആ​ഗ​സ്‌​റ്റ്‌ 14ന്‌ ​ദേ​ശീ​യ ദു​ര​ന്ത​നി​വാ​ര​ണ സ​മി​തി നി​ർ​ദേ​ശി​ച്ച പോ​സ്‌​റ്റ്‌ ഡി​സാ​സ്റ്റ​ർ നീ​ഡ്‌ അ​സ​സ്‌​മെ​ന്റ്‌ ഉ​ൾ​പ്പെ​ടെ കേ​ര​ളം ത​യാ​റാ​ക്കി​യി​രു​ന്നു. 17ന്‌ ​മെ​മ്മൊ​റാ​ണ്ടം ന​ൽ​കി. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ വീ​ണ്ടും പ്ര​ധാ​ന​മ​ന്ത്രി​യെ ക​ണ്ട്‌ സ​ഹാ​യം അ​ഭ്യ​ർ​ഥി​ച്ചി​രു​ന്നു.

കേ​ര​ള​ത്തി​ന്റെ പ്ര​തി​നി​ധി കെ.​വി. തോ​മ​സ്‌ നി​ര​ന്ത​രം കേ​ന്ദ്ര​മ​ന്ത്രി​മാ​രെ ക​ണ്ടു. ഒ​രു​ഘ​ട്ട​ത്തി​ലും മാ​ന​ദ​ണ്ഡ​ങ്ങ​ൾ പാ​ലി​ച്ചി​ല്ലെ​ന്ന്‌ കേ​ന്ദ്ര സ​ർ​ക്കാ​ർ അ​റി​യി​ച്ചി​ട്ടി​ല്ലെ​ന്നും വി​ഷ​യം കോ​ട​തി​യു​ടെ മു​മ്പി​ൽ വ​ന്ന​പ്പോ​ഴും കേ​ന്ദ്ര അ​ഭി​ഭാ​ഷ​ക​ർ ഇ​ക്കാ​ര്യം പ​റ​ഞ്ഞി​ട്ടി​ല്ലെ​ന്നും റ​വ​ന്യൂ മ​ന്ത്രി കെ. ​രാ​ജ​ൻ വ്യ​ക്ത​മാ​ക്കു​ന്നു.

കേ​ന്ദ്രം അ​വ​ഗ​ണ​ന തു​ട​രു​മ്പോ​ഴും പു​ന​ര​ധി​വാ​സ ദൗ​ത്യ​വു​മാ​യി മു​ന്നോ​ട്ടു​​പോ​കാ​നാ​ണ്​ സ​ർ​ക്കാ​ർ തീ​രു​മാ​നം. 1300 കോ​ടി​യു​ടെ ന​ഷ്ട​മാ​ണ് ഉ​രു​ള്‍പൊ​ട്ട​ലി​ലു​ണ്ടാ​യ​തെ​ങ്കി​ലും പു​ന​നി​ര്‍മാ​ണ​ത്തി​ന് 2262 കോ​ടി ചെ​ല​വ് വ​രു​മെ​ന്നാ​ണ് ക​ണ​ക്കാ​ക്കി​യി​ട്ടു​ള്ള​ത്. അ​തേ​സ​മ​യം കേ​ന്ദ്ര സ​ഹാ​യ​ത്തി​ൽ ​പ്ര​തീ​ക്ഷ കൈ​വി​ട്ടി​ട്ടു​മി​ല്ല.

ഇ​ന്റ​ർ മി​നി​സ്റ്റീ​രി​യ​ൽ സെ​ൻ​ട്ര​ൽ ടീ​മി​ന്‍റെ (ഐ.​എം.​സി.​ടി) പ​രി​ശോ​ധ​ന​ക്ക്​ ഇ​ത്ര​യേ​റെ കാ​ല​താ​മ​സം ഉ​ണ്ടാ​കു​ന്ന​തി​ന് ഒ​രു ന്യാ​യീ​ക​ര​ണ​വു​മി​ല്ലെ​ന്ന വി​മ​ർ​ശ​ന​മു​ള്ള​പ്പോ​ഴും ഈ​സം​ഘം വീ​ണ്ടും പ​രി​ഗ​ണി​ക്കു​മെ​ന്നാ​ണ്​ പ്ര​തീ​ക്ഷ.