വയനാട്​: സഹായമില്ല, റിപ്പോർട്ടിൽ തൂങ്ങി കേന്ദ്രത്തിന്‍റെ മലക്കംമറിച്ചിൽ

തി​രു​വ​ന​ന്ത​പു​രം: വ​യ​നാ​ട്​ ദു​ര​ന്ത​വു​മാ​യി ബ​ന്ധ​പ്പെ​ട്ട്​ കേ​ര​ളം സ​മ​ർ​പ്പി​ച്ച മെ​മ്മോ​റാ​ണ്ട​ത്തി​ൽ ഒ​ന്നും ചെ​യ്യാ​തെ പോ​സ്റ്റ്​ ഡി​സാ​സ്റ്റ​ർ നീ​ഡ്​ അ​സ​സ്​​മെ​ന്‍റ്​ റി​പ്പോ​ർ​ട്ടി​ൽ (പി.​ഡി.​എ​ൻ.​എ) ക​ടി​ച്ചു​തൂ​ങ്ങി കേ​ന്ദ്രം. ആ​ഗ​സ്റ്റ്​ 17ന്​ ​ത​ന്നെ വി​ശ​ദ​ക​ണ​ക്കു​ക​ള​ട​ങ്ങി​യ മെ​മ്മോ​റാ​ണ്ടം കേ​ര​ളം സ​മ​ർ​പ്പി​ച്ചി​രു​ന്നു. ദു​ര​ന്തം വ​രു​ത്തി​യ നാ​ശ​വും ന​ഷ്ട​വും തി​ട്ട​പ്പെ​ടു​ത്തി, വീ​ണ്ടെ​ടു​പ്പി​നും പു​ന​ര​ധി​വാ​സ​ത്തി​നും പു​ന​ർ​നി​ർ​മാ​ണ​ത്തി​നും ആ​വ​ശ്യ​മു​ള്ള എ​സ്റ്റി​മേ​റ്റും അ​ട​ങ്ങു​ന്ന​താ​ണ്​ പി.​ഡി.​എ​ൻ.​എ റി​പ്പോ​ർ​ട്ട്. കേ​ന്ദ്രം ആ​വ​ശ്യ​പ്പെ​ട്ട​തി​ന്‍റെ അ​ടി​സ്ഥാ​ന​ത്തി​ൽ​ പി​ന്നാ​ലെ ന​വം​ബ​റി​ലാ​ണ്​ ഈ ​റി​പ്പോ​ർ​ട്ട്​ കേ​ന്ദ്ര​ത്തി​ന്​ കൈ​മാ​റി​യ​തെ​ന്നാ​ണ്​ റ​വ​ന്യൂ മ​ന്ത്രി രാ​ജ​ൻ വ്യ​ക്ത​മാ​ക്കു​ന്ന​ത്. 20,200 കോ​ടി രൂ​പ​യാ​ണ് പോ​സ്റ്റ് ഡി​സാ​സ്റ്റ​ർ നീ​ഡ് അ​സെ​സ്​​മെ​ന്റി​ൽ കേ​ര​ളം ചൂ​ണ്ടി​ക്കാ​ട്ടി​യ​ത്. ഈ ​റി​പ്പോ​ർ​ട്ടാ​ണ്​ കേ​ര​ളം വൈ​കി​പ്പി​ച്ചു​വെ​ന്ന നി​ല​യി​ൽ ഇ​പ്പോ​ൾ സ​ഹാ​യ നി​ഷേ​ധ​ത്തി​ന്​ കേ​ന്ദ്രം പി​ടി​വ​ള്ളി​യാ​ക്കു​ന്ന​ത്.

ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ൽ പ​ണം അ​നു​വ​ദി​ച്ചു​വെ​ന്ന കേ​ന്ദ്ര വി​ശ​ദീ​ക​ര​ണ​വും വ​സ്തു​ത​പ​ര​മ​ല്ല. ധ​ന​ക​മീ​ഷ​ൻ ശി​പാ​ർ​​ശ പ്ര​കാ​ര​മാ​ണ് സം​സ്ഥാ​ന ദു​ര​ന്ത പ്ര​തി​ക​ര​ണ നി​ധി​യി​ലേ​ക്ക് കേ​ന്ദ്രം വി​ഹി​തം അ​നു​വ​ദി​ക്കു​ന്ന​ത്. 2021-26 വ​ര്‍ഷ​ത്തേ​ക്കു​ള്ള കേ​ര​ള​ത്തി​ന്റെ എ​സ്.​ഡി.​ആ​ർ.​എ​ഫ്​ വി​ഹി​തം 1,852 കോ​ടി രൂ​പ​യാ​ണ്. ഈ ​കാ​ല​യ​ള​വി​ല്‍ ആ​ന്ധ്ര​പ്ര​ദേ​ശി​ന് 6,591 കോ​ടി രൂ​പ​യും ഗു​ജ​റാ​ത്തി​ന് 7,802 കോ​ടി രൂ​പ​യും യു.​പി​ക്ക് 11,369 കോ​ടി രൂ​പ​യു​മാ​ണ് കേ​ന്ദ്രം ന​ൽ​കി​യ​ത്. ഇ​തു​പോ​ലെ ​കേ​​ന്ദ്ര സ​ർ​ക്കാ​റി​ന്‍റെ സാ​ധാ​ര​ണ വി​ഹി​ത​മാ​യാ​ണ്​ 145.6 കോ​ടി ഈ ​സാ​മ്പ​ത്തി​ക വ​ർ​ഷം സം​സ്ഥാ​ന​ത്തി​ന്​ ല​ഭി​ച്ച​ത്. ഇ​താ​ക​ട്ടെ എ​സ്.​ഡി.​ആ​ർ.​എ​ഫ്​ മാ​ന​ദ​ണ്ഡ​ങ്ങ​ൾ പ്ര​കാ​രം സാ​ധാ​ര​ണ ദു​ര​ന്ത​ങ്ങ​ൾ​ക്കു​ള്ള​താ​ണ്. അ​ല്ലാ​തെ വ​യ​നാ​ട്​ പ​രി​ഗ​ണി​ച്ചു​ള്ള​ത​ല്ല.

അ​സാ​ധാ​ര​ണ​മാ​യ സാ​ഹ​ച​ര്യ​ങ്ങ​ളി​ൽ കേ​ന്ദ്ര സ​ർ​ക്കാ​റി​ന്‍റെ ദേ​ശീ​യ ദു​ര​ന്ത പ്ര​തി​ക​ര​ണ നി​ധി​യി​ൽ നി​ന്നും അ​ധി​ക സ​ഹാ​യം സം​സ്ഥാ​ന​ങ്ങ​ൾ​ക്ക്​ ല​ഭ്യ​മാ​ക്കാ​റു​ണ്ട്. വ​യ​നാ​ടി​ന്‍റെ കാ​ര്യ​ത്തി​ൽ ഇ​തി​ൽ കേ​ര​ളം പ്ര​തീ​ക്ഷ​യ​ർ​പ്പി​ക്കു​മ്പോ​ഴാ​ണ്​ ക​ണ​ക്കി​ന്‍റെ​യും റി​പ്പോ​ർ​ട്ടി​ന്‍റെ​യും പേ​രി​ലെ തൊ​ടു​ന്യാ​യ​ങ്ങ​ൾ. എ​ല്ലാ വെ​ള്ളി​യാ​ഴ്ച​യും ഹൈ​കോ​ട​തി​യി​ൽ കേ​സ് പ​രി​ഗ​ണി​ക്കു​ന്നു​ണ്ട്. അ​തി​ൽ ഒ​രു​ഘ​ട്ട​ത്തി​ലും കേ​ര​ളം മെ​മ്മോ​റാ​ണ്ടം സ​മ​ർ​പ്പി​ച്ചി​ട്ടി​ല്ലെ​ന്ന് സോ​ളി​സി​റ്റ​ർ ജ​ന​റ​ൽ പ​റ​ഞ്ഞി​ട്ടി​ല്ല. കെ.​വി. തോ​മ​സി​ന് കേ​ന്ദ്ര സ​ഹ​മ​ന്ത്രി ന​ൽ​കി​യ ക​ത്തി​ലും മെ​മ്മോ​റാ​ണ്ടം വൈ​കി​യെ​ന്ന്​ പ​റ​ഞ്ഞി​രു​ന്നി​ല്ല.

ഉ​ന്ന​യി​ച്ച​ത് മൂ​ന്ന് ആ​വ​ശ്യ​ങ്ങ​ൾ, പ​ക്ഷേ...

കേ​ര​ളം ദു​ര​ന്ത​ഘ​ട്ട​ത്തി​ൽ ആ​വ​ശ്യ​പ്പെ​ട്ട​ത് മൂ​ന്ന്​ കാ​ര്യ​ങ്ങ​ളാ​ണ്. ദു​ര​ന്ത​നി​വാ​ര​ണ ആ​ക്ട്​ സെ​ക്ഷ​ൻ 13 പ്ര​കാ​രം ദു​ര​ന്ത​ബാ​ധി​ത​രു​ടെ ക​ട​ങ്ങ​ൾ എ​ഴു​തി​ത്ത​ള്ളു​ക എ​ന്ന​താ​ണ് ഒ​ന്നാ​മ​ത്തേ​ത്. ഇ​തി​ന് കേ​ന്ദ്ര സ​ർ​ക്കാ​റി​ന് ഒ​രു രൂ​പ​യും ചെ​ല​വി​ല്ല. നാ​ലു​മാ​സം ക​ഴി​ഞ്ഞി​ട്ടും ക​ടം എ​ഴു​തി​ത്ത​ള്ളി​യി​ട്ടി​ല്ല. വ​യ​നാ​ട്ടി​ലേ​ത് അ​തി​തീ​വ്ര ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്ന​താ​ണ് ര​ണ്ടാ​മ​ത്തേ​ത്. ഇ​ൻ​റ​ർ മി​നി​സ്റ്റീ​രി​യ​ൽ സെ​ൻ​ട്ര​ൽ ടീം ​ആ​ണ് ഇ​ക്കാ​ര്യം പ്ര​ഖ്യാ​പി​ക്കേ​ണ്ട​ത്. അ​വ​ർ ഓ​ഗ​സ്റ്റ് 11ന്​ ​ത​ന്നെ കേ​ര​ള​ത്തി​ലെ സ​ന്ദ​ർ​ശ​നം ക​ഴി​ഞ്ഞു​പോ​യ​താ​ണ്. സ​ന്ദ​ർ​ശ​നം ക​ഴി​ഞ്ഞി​ട്ട്​ നാ​ലു​മാ​സ​മാ​യി. വ​യ​നാ​ട്ടി​ലെ ദു​ര​ന്തം ഏ​ത് വി​ഭാ​ഗ​ത്തി​ൽ​പെ​ടു​ന്നു എ​ന്ന​ത് ഇ​നി​യും പ്ര​ഖ്യാ​പി​ച്ചി​ട്ടി​ല്ല. അ​ധി​ക സാ​മ്പ​ത്തി​ക സ​ഹാ​യ​മാ​ണ് മൂ​ന്നാ​മ​ത്തെ ആ​വ​ശ്യം. അ​തി​ലും പ്ര​തി​ക​ര​ണ​മു​ണ്ടാ​യി​ട്ടി​ല്ല.

അധികസഹായത്തിനുള്ള അപേക്ഷ പരിഗണനയിലെന്ന് കേന്ദ്രം ഹൈകോടതിയിൽ

കൊ​ച്ചി: വ​യ​നാ​ട് ഉ​രു​ൾ​ദു​ര​ന്ത​ബാ​ധി​ത​രു​ടെ പു​ന​ര​ധി​വാ​സ​ത്തി​നാ​യി 2219.033 കോ​ടി രൂ​പ​യു​ടെ അ​ധി​ക​സ​ഹാ​യം തേ​ടി സം​സ്ഥാ​ന സ​ർ​ക്കാ​ർ അ​പേ​ക്ഷ ന​ൽ​കി​യ​ത് ന​വം​ബ​ർ 13നാ​ണെ​ന്നും ഈ ​അ​പേ​ക്ഷ പ​രി​ഗ​ണ​ന​യി​ലാ​ണെ​ന്നും കേ​ന്ദ്ര​സ​ർ​ക്കാ​ർ ഹൈ​കോ​ട​തി​യി​ൽ. ആ​ഭ്യ​ന്ത​ര മ​ന്ത്രാ​ല​യം ദു​ര​ന്ത നി​വാ​ര​ണ വി​ഭാ​ഗം ഡ​യ​റ​ക്ട​ർ ആ​ശി​ഷ് വി. ​ഗ​വാ​ക്കു വേ​ണ്ടി സീ​നി​യ​ർ പാ​ന​ൽ കോ​ൺ​സ​ൽ ടി.​സി. കൃ​ഷ്ണ​യാ​ണ് വി​ശ​ദീ​ക​ര​ണം ഫ​യ​ൽ ചെ​യ്ത​ത്.

പു​ന​ര​ധി​വാ​സ​ത്തി​നു​ള്ള പ്രാ​ഥ​മി​ക ഉ​ത്ത​ര​വാ​ദി​ത്തം സം​സ്ഥാ​ന സ​ർ​ക്കാ​റി​നാ​ണ്. സാ​ധാ​ര​ണ ദു​ര​ന്ത​ങ്ങ​ളി​ൽ സം​സ്ഥാ​ന ദു​ര​ന്ത പ്ര​തി​ക​ര​ണ നി​ധി​യി​ൽ (എ​സ്.​ഡി.​ആ​ർ.​എ​ഫ്) നി​ന്നാ​ണ് തു​ക ചെ​ല​വ​ഴി​ക്കേ​ണ്ട​ത്. വ​ലി​യ ദു​ര​ന്ത​ങ്ങ​ൾ ഉ​ണ്ടാ​കു​മ്പോ​ൾ ദേ​ശീ​യ ദു​ര​ന്ത പ്ര​തി​ക​ര​ണ​നി​ധി​യി​ൽ​നി​ന്ന്​ തു​ക അ​നു​വ​ദി​ക്കും. ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്കാ​ൻ വ്യ​വ​സ്ഥ​യി​ല്ല. 2024-25 വ​ർ​ഷം എ​സ്.​ഡി.​ആ​ർ.​എ​ഫി​ലേ​ക്ക്​ 380 കോ​ടി രൂ​പ അ​നു​വ​ദി​ച്ചു. ഇ​തി​ൽ 291.20 കോ​ടി​യും കേ​ന്ദ്ര​മാ​ണ് അ​നു​വ​ദി​ച്ച​ത്.

വ​യ​നാ​ട് ദു​ര​ന്തം ഉ​ണ്ടാ​യ​തി​നെ​ത്തു​ട​ർ​ന്ന് ഈ ​തു​ക പൂ​ർ​ണ​മാ​യും ഒ​ക്ടോ​ബ​റി​ൽ​ത​ന്നെ കൈ​മാ​റി. മു​ൻ ബാ​ക്കി​യ​ട​ക്കം എ​സ്.​ഡി.​ആ​ർ.​എ​ഫി​ൽ 782.99 കോ​ടി​യു​ണ്ട്. അ​ടി​യ​ന്ത​ര സ​ഹാ​യ​മാ​യി 214.68 കോ​ടി ആ​വ​ശ്യ​പ്പെ​ട്ട് സം​സ്ഥാ​നം നി​വേ​ദ​നം ന​ൽ​കി​യ​ത് ആ​ഗ​സ്റ്റ് 19നാ​ണ്. എ​ൻ.​ഡി.​ആ​ർ.​എ​ഫി​ൽ​നി​ന്ന് ന​വം​ബ​ർ 16ന് 153.46 ​കോ​ടി അ​നു​വ​ദി​ച്ചു. എ​സ്.​ഡി.​ആ​ർ.​എ​ഫി​ലു​ള്ള തു​ക​യു​ടെ 50 ശ​ത​മാ​നം വി​നി​യോ​ഗി​ച്ചാ​ൽ ഈ ​തു​ക വി​നി​യോ​ഗി​ക്കാ​മെ​ന്ന വ്യ​വ​സ്ഥ​യോ​ടെ​യാ​ണി​ത്. വ​യ​നാ​ട് ദു​ര​ന്ത​ത്തി​നി​ര​യാ​യ​വ​ർ​ക്കാ​യി പ്ര​ധാ​ന​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ​നി​ന്ന് 3.28 കോ​ടി അ​നു​വ​ദി​ച്ചി​ട്ടു​ണ്ടെ​ന്നും വി​ശ​ദീ​ക​ര​ണ​ത്തി​ൽ പ​റ​യു​ന്നു.