ഉ​രു​ൾ​ദു​ര​ന്തം; 310 ഹെ​ക്ട​ർ കൃ​ഷി ന​ശി​ച്ചു

ക​ൽ​പ​റ്റ: കാ​ർ​ഷി​ക വി​ള​ക​ളാ​ൽ സ​മൃ​ദ്ധ​മാ​യി​രു​ന്ന ചൂ​ര​ൽ​മ​ല, അ​ട്ട​മ​ല, മു​ണ്ട​ക്കൈ പ്ര​ദേ​ശ​ങ്ങ​ളി​ൽ 310 ഹെ​ക്ട​ർ കൃ​ഷി സ്ഥ​ലം ന​ശി​ച്ച​താ​യി പ്രാ​ഥ​മി​ക വി​വ​രം. ദു​ര​ന്ത പ്ര​ദേ​ശ​മാ​യി മാ​റി​യ മൂ​ന്ന് വാ​ര്‍ഡു​ക​ളി​ലെ 750 ല​ധി​കം കു​ടും​ബ​ങ്ങ​ൾ കാ​ർ​ഷി​ക വൃ​ത്തി​യി​ൽ ഏ​ർ​പ്പെ​ട്ടി​രു​ന്നു​വെ​ന്നാ​ണ് മേ​പ്പാ​ടി പ​ഞ്ചാ​യ​ത്തി​ന്റെ ക​ണ​ക്ക്. ഏ​ലം, കാ​പ്പി, കു​രു​മു​ള​ക്, തേ​യി​ല, തെ​ങ്ങ്, വാ​ഴ, ക​മു​ക്, ഇ​ട​വി​ള​ക​ൾ എ​ന്നി​വ​യാ​ൽ സ​മൃ​ദ്ധ​മാ​യി​രു​ന്നു ഈ ​പ്ര​ദേ​ശ​ങ്ങ​ൾ.

50 ഹെ​ക്ട​ർ സ്ഥ​ല​ത്തെ ഏ​ലം, 100 ഹെ​ക്ട​റി​ൽ കാ​പ്പി, 70 ഹെ​ക്ട​റി​ൽ കു​രു​മു​ള​ക്, 55 ഹെ​ക്ട​ര്‍ തേ​യി​ല, 10 ഹെ​ക്ട​ർ നാ​ളി​കേ​രം, 15 ഹെ​ക്ട​ർ ക​മു​ക് കൃ​ഷി, 10 ഹെ​ക്ട​ർ വാ​ഴ എ​ന്നി​ങ്ങ​നെ​യാ​ണ് നാ​ശ​ന​ഷ്ട​ത്തി​ന്‍റെ പ്രാ​ഥ​മി​ക ക​ണ​ക്കു​ക​ൾ. കാ​ർ​ഷി​കോ​പ​ക​ര​ണ​ങ്ങ​ളാ​യ 80 കാ​ട് വെ​ട്ട് യ​ന്ത്ര​ങ്ങ​ള്‍, 150 സ്പെ​യ​ർ, 750 കാ​ര്‍ഷി​ക ഉ​പ​ക​ര​ണ​ങ്ങ​ള്‍, 150 ല​ധി​കം മ​റ്റ് ഉ​പ​ക​ര​ണ​ങ്ങ​ൾ, 200 പ​മ്പ് സെ​റ്റു​ക​ൾ എ​ന്നി​വ ന​ഷ്ട​പ്പെ​ട്ടു. വീ​ട്ടുവ​ള​പ്പി​ലെ കൃ​ഷി​യും ദു​ര​ന്ത പ്ര​ദേ​ശ​ത്തെ ന​ഷ്ട​മാ​യി ക​ണ​ക്കാ​ക്കു​ന്നു. ക​ർ​ഷ​ക​ർ​ക്കാ​യി വി​ത​ര​ണം ചെ​യ്ത കാ​ർ​ഷി​ക വാ​യ്പ​ക​ൾ വി​ല​യി​രു​ത്തി വ​രു​ന്ന​താ​യി പ്രി​ൻ​സി​പ്പ​ൽ കൃ​ഷി ഓ​ഫി​സ​ർ രാ​ജി വ​ർ​ഗീ​സ് അ​റി​യി​ച്ചു. കൃ​ഷി ന​ഷ്ട​പ്പെ​ട്ട ക​ർ​ഷ​ക​ർ​ക്ക് കൃ​ഷി നാ​ശ​ത്തി​ന്‍റെ​യും ആ​സ്തി ന​ശി​ച്ച​തി​ന്‍റെ​യും ന​ഷ്ടം ക​ണ​ക്കാ​ക്കി സ​ർ​ക്കാ​ർ സ​ഹാ​യം ന​ൽ​കും.