ഉ​രു​ൾ പൊ​ട്ട​ലി​ൽ ന​ഷ്ട​പ്പെ​ട്ട രേഖകളും സർട്ടിഫിക്കറ്റുകളും വീണ്ടെടുക്കും: പോർട്ടൽ സജ്ജം, ക്യാമ്പുകൾ തുറന്നു

തി​രു​വ​ന​ന്ത​പു​രം: ഉ​രു​ൾ പൊ​ട്ട​ലി​ൽ ന​ഷ്ട​പ്പെ​ട്ട രേ​ഖ​ക​ളും സ​ർ​ട്ടി​ഫി​ക്ക​റ്റു​ക​ളും വീ​ണ്ടെ​ടു​ക്കു​ന്ന​തി​ന്​ ഐ.​ടി മി​ഷ​ന്‍റെ നേ​തൃ​ത്വ​ത്തി​ൽ വി​വി​ധ വ​കു​പ്പു​ക​ളു​ടെ ഡാ​റ്റാ ബേ​സ്​ ഏ​കോ​പി​പ്പി​ച്ച്​ സം​യു​ക്​​ത ദൗ​ത്യം. ഡി​ജി​റ്റ​ൽ യൂ​ണി​വേ​ഴ്​​സി​റ്റി​യാ​ണ്​ ഡാ​റ്റ​​ക​ൾ സ​മാ​ഹ​രി​ച്ച്​ ഒ​റ്റ പോ​ർ​ട്ട​ൽ സ​ജ്ജ​മാ​ക്കി​യ​ത്.

നി​ല​വി​ലെ ദു​രി​താ​ശ്വാ​സ ക്യാ​മ്പു​ക​ൾ​ക്ക്​ അ​നു​ബ​ന്ധ​മാ​യി ത​ന്നെ പ്ര​ത്യേ​ക കൗ​ണ്ട​റു​ക​ൾ സ്ഥാ​പി​ച്ചാ​ണ്​ വി​ല​​പ്പെ​ട്ട രേ​ഖ​ക​ൾ വീ​ണ്ടെ​ടു​ക്കു​ന്ന​തി​ന്​ അ​ടി​യ​ന്ത​ര ഇ​ട​പെ​ട​ൽ. ആ​ധാ​ർ കാ​ർ​ഡ്, റേ​ഷ​ൻ കാ​ർ​ഡ്, വോ​ട്ട​ർ ​ഐ​ഡി, ഡ്രൈ​വി​ങ്​ ​ലൈ​സ​ൻ​സ്, ജ​ന​ന മ​ര​ണ സ​ർ​ട്ടി​ഫി​ക്ക​റ്റു​ക​ൾ, തൊ​ഴി​ലു​റ​പ്പ്​ കാ​ർ​ഡു​ക​ൾ, വി​വാ​ഹ ര​ജി​സ്​​ട്രേ​ഷ​ൻ സ​ർ​ട്ടി​ഫി​ക്ക​റ്റ്, കൈ​വ​ശാ​വ​കാ​ശ രേ​ഖ​ക​ൾ, വി​ദ്യാ​ഭ്യാ​സ സ​ർ​ട്ടി​ഫി​ക്ക​റ്റു​ക​ൾ , ഭൂ​രേ​ഖ​ക​ൾ, മ​റ്റ്​ റ​വ​ന്യൂ രേ​വ​ക​ൾ, ബാ​ങ്ക്​ പാ​സ​ബു​ക്കു​ക​ൾ, എ.​ടി.​എം കാ​ർ​ഡു​ക​ൾ തു​ട​ങ്ങി​യ​വ​യാ​ണ്​ വീ​ണ്ടെ​ടു​ക്കു​ക.

വെ​ള്ളി​യാ​ഴ്ച ത​ന്നെ ക്യാ​മ്പു​ക​ൾ പ്ര​വ​ർ​ത്ത​നം തു​ട​ങ്ങി. റേ​ഷ​ൻ കാ​ർ​ഡ​ട​ക്കം ക്യാ​മ്പു​ക​ളി​ൽ അ​ന്ന്​ ത​ന്നെ ല​ഭ്യ​മാ​ക്കു​ക​യാ​ണ്. കൂ​ടു​ത​ൽ ന​ട​പ​ടി ക്ര​മ​ങ്ങ​ൾ ആ​വ​ശ്യ​മു​ള്ള രേ​ഖ​ക​ൾ 30 ദി​വ​സ​ത്തി​നു​ള്ളി​ലും. 2018, 2019 വ​ര്‍ക്ഷ​ങ്ങ​ളി​ലെ പ്ര​ള​യ​കാ​ല​ത്ത്​ സ​മാ​ന രീ​തി​യി​ൽ കൗ​ണ്ട​റു​ക​ൾ പ്ര​വ​ർ​ത്തി​പ്പി​ച്ച്​ രേ​ഖ​ക​ൾ വീ​ണ്ടെ​ടു​ത്തി​രു​ന്നു. ക്യാ​മ്പു​ക​ളി​ലെ നോ​ഡ​ൽ ഓ​ഫീ​സ​ർ​മാ​രാ​ണ് ഓ​രോ​രു​ത്ത​രു​ടെ​യും ​ ന​ഷ്ട​പെ​ട്ട രേ​ഖ​ക​ൾ സം​ബ​ന്ധി​ച്ച വി​വ​ര​ങ്ങ​ൾ സ​മാ​ഹ​രി​ക്കു​ന്ന​ത്. ക്യാ​മ്പി​ൽ നി​ന്ന്​ മ​ട​ങ്ങി​യ​വ​രു​ടെ വി​വ​ര​ങ്ങ​ളും ഇ​ത്ത​ര​ത്തി​ൽ ശേ​ഖ​രി​ക്കും.

ഐ.​ടി. മി​ഷ​ൻ ജി​ല്ല കോ​ർ​ഡി​നേ​റ്റ​ർ ഈ ​വി​വ​ര​ങ്ങ​ൾ ക​ള​ക്ട​ർ​ക്കും ഐ.​ടി മി​ഷ​ൻ ഡ​യ​റ​ക്ട​ർ​ക്കും കൈ​മാ​റും. തു​ട​ർ​ന്ന്​ പേ​ര്, വി​ലാ​സം, ജ​ന​ന തി​യ​തി, ആ​ധാ​ർ ന​മ്പ​ർ, മൊ​ബൈ​ൽ ഫോ​ൺ ന​മ്പ​ർ തു​ട​ങ്ങി​യ പൊ​തു തി​രി​ച്ച​റി​യി​ൽ വി​വ​ര​ങ്ങ​ൾ വ​ഴി​ലാ​ണ്​ അ​പേ​ക്ഷ​ക​രു​ടെ രേ​ഖ​ക​ൾ ഡി​ജി​റ്റ​ൽ സ്വ​ഭാ​വ​ത്തി​ൽ ഡി​ജി​റ്റ​ൽ യൂ​നി​വേ​ഴ്​​സി​റ്റി ത​യ്യാ​റാ​ക്കി​യ പോ​ർ​ട്ട​ൽ വ​ഴി ക​ണ്ടെ​ത്തു​ക. ഇ​വ ത​ത്​​സ​മ​യം ത​ന്നെ പ്രി​ന്‍റ്​ എ​ടു​ത്ത്​ ന​ൽ​കും. അ​​​പേ​ക്ഷ ഫീ​സു​ക​ളും മ​റ്റും ഒ​ഴി​വാ​ക്കി ഓ​രോ വ​കു​പ്പു​ക​ളും ഇ​തി​നോ​ട​കം ഉ​ത്ത​ര​വു​ക​ൾ ഇ​റ​ക്കി​യി​ട്ടു​ണ്ട്.

ത​ദ്ദേ​ശ സ്​​ഥാ​പ​ന​ങ്ങ​ളാ​ണ്​ കൗ​ണ്ട​റു​ക​ൾ​ക്ക്​ ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കു​ന്ന​ത്. ബി.​എ​സ്.​എ​ൻ.​എ​ൽ ഇ​ന്‍റ​ർ​നെ​റ്റ്​ ല​ഭ്യ​മാ​ക്കും.