വയനാട് മെഡിക്കൽ കോളജ് ബോയ്സ് ടൗണിൽ സ്ഥാപിക്കണം –സി.പി.ഐ

മാ​ന​ന്ത​വാ​ടി: വ​യ​നാ​ട് ഗ​വ. മെ​ഡി​ക്ക​ൽ കോ​ള​ജ് ബോ​യ്സ് ടൗ​ണി​ൽ സ്ഥാ​പി​ക്ക​ണ​മെ​ന്നും നി​ർ​മാ​ണ പ്ര​വ​ർ​ത്ത​നം പൂ​ർ​ത്തി​യാ​കും​വ​രെ പ്ര​വ​ർ​ത്ത​നം ജി​ല്ല ആ​ശു​പ​ത്രി​യി​ൽ ആ​രം​ഭി​ക്ക​ണ​മെ​ന്നും സി.​പി.​ഐ മാ​ന​ന്ത​വാ​ടി മ​ണ്ഡ​ലം ക​മ്മി​റ്റി ആ​വ​ശ്യ​പ്പെ​ട്ടു.

ആ​ദി​വാ​സി​ക​ളും പി​ന്നാ​ക്ക​ക്കാ​രും ഉ​ൾ​പ്പെ​ടു​ന്ന വ​യ​നാ​ടി​ന് ആ​രോ​ഗ്യ​രം​ഗ​ത്ത് പ​രി​മി​ത ചി​കി​ത്സ സൗ​ക​ര്യ​ങ്ങ​ളേ നി​ല​വി​ലു​ള്ളൂ. അ​ത്യാ​സ​ന്ന നി​ല​യി​ലു​ള്ള രോ​ഗി​ക​ൾ അ​ട​ക്കം തു​ട​ർ ചി​കി​ത്സ​ക്ക് കോ​ഴി​ക്കോ​ട് മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ എ​ത്ത​ണം.

ചു​രം റോ​ഡി​ലെ യാ​ത്ര​ക്കി​ടെ രോ​ഗി​ക​ൾ മ​ര​ണ​പ്പെ​ടു​ന്ന സാ​ഹ​ച​ര്യ​വും ഉ​ണ്ട്. ത​ല​ശ്ശേ​രി- മാ​ന​ന്ത​വാ​ടി- മൈ​സൂ​ർ പാ​ത​യോ​ര​ത്ത് ആ​രോ​ഗ്യ​വ​കു​പ്പി​‍െൻറ അ​ധീ​ന​ത​യി​ലു​ള്ള ബോ​യ്സ് ടൗ​ണി​ലെ ഭൂ​മി ഏ​റ്റെ​ടു​ത്ത്​ മെ​ഡി​ക്ക​ൽ കോ​ള​ജ് യാ​ഥാ​ർ​ഥ്യ​മാ​ക്കി​യാ​ൽ ക​ണ്ണൂ​ർ ജി​ല്ല​യി​ലെ അ​മ്പാ​യ​ത്തോ​ട്, കൊ​ട്ടി​യൂ​ർ, കേ​ള​കം തു​ട​ങ്ങി​യ സ്ഥ​ല​ങ്ങ​ളി​ലെ സാ​ധാ​ര​ണ​ക്കാ​ർ​ക്കും ഉ​പ​കാ​ര​പ്ര​ദ​മാ​കും.

ഭൂ​മി ക​ണ്ടെ​ത്തു​ന്ന​തി​ലെ കാ​ല​താ​മ​സ​വും സാ​മ്പ​ത്തി​ക ചെ​ല​വും ഇ​ല്ലാ​തെ ബോ​യ്സ് ടൗ​ണി​ലെ സ്ഥ​ല​ത്ത് മെ​ഡി​ക്ക​ൽ കോ​ള​ജ് ആ​രം​ഭി​ക്കാ​നാ​വും. അ​സീ​സ് കോ​ട്ട​യി​ൽ അ​ധ്യ​ക്ഷ​ത വ​ഹി​ച്ചു.

സി.​പി.​ഐ ജി​ല്ല അ​സി. സെ​ക്ര​ട്ട​റി ഇ.​ജെ. ബാ​ബു, മ​ണ്ഡ​ലം സെ​ക്ര​ട്ട​റി വി.​കെ. ശ​ശി​ധ​ര​ൻ, വി.​വി. ആ​ൻ​റ​ണി, കെ. ​സ​ജീ​വ​ൻ, ര​ജി​ത്ത് ക​മ്മ​ന എ​ന്നി​വ​ർ സം​സാ​രി​ച്ചു.