വയനാടിന് പ്രിയങ്കരം; മുന്നണിക്ക് അ​തീ​ത​മാ​യി വോ​ട്ടു​കി​ട്ടാൻ സാധ്യത

ക​ൽ​പ​റ്റ: 1982ലാ​ണ് മു​ൻ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ പ​​ങ്കെ​ടു​ക്കാ​ൻ വ​യ​നാ​ട്ടി​ൽ എ​ത്തി​യ​ത്. ഇ​ന്ദി​ര​യു​മാ​യി ഏ​റെ രൂ​പ​സാ​ദൃ​ശ്യ​മു​ള്ള പേ​ര​ക്കു​ട്ടി പ്രി​യ​ങ്ക ഗാ​ന്ധി​യും ഏ​റെ ത​വ​ണ വ​യ​നാ​ട്ടി​ൽ വ​ന്നി​ട്ടു​ണ്ട്. എ​ന്നാ​ൽ, ഇ​ത്ത​വ​ണ പ്രി​യ​ങ്ക ചു​രം ക​യ​റു​ന്ന​ത് ഏ​റെ വ്യ​ത്യ​സ്ത​ത​ക​​ളോ​ടെ​യാ​ണ്. ത​ന്റെ ക​ന്നി​യ​ങ്ക​ത്തി​ന് അ​വ​രെ​ത്തു​​​മ്പോ​ൾ വ​യ​നാ​ട്ടു​കാ​രു​ടെ ഇ​ന്ദി​ര​സ്നേ​ഹ​വും പ്രി​യ​ങ്ക​യു​ടെ ക​രു​ത്ത്കൂ​ട്ടും. പാ​ർ​ല​മെ​ന്റ​റി രാ​ഷ്ട്രീ​യ​ത്തി​​ലേ​ക്ക് പ്രി​യ​ങ്ക​ക്ക് വ​ഴി​യൊ​രു​ക്കു​​ന്ന ആ​ദ്യ മ​ണ്ഡ​ല​മാ​യി മാ​റി​യ​തോ​ടെ വ​യ​നാ​ട് വീ​ണ്ടും ദേ​ശീ​യ ശ്ര​ദ്ധ​നേ​ടു​ക​യാ​ണ്. എ.​ഐ.​സി.​സി ജ​ന​റ​ൽ സെ​ക്ര​ട്ട​റി കൂ​ടി​യാ​യ പ്രി​യ​ങ്ക​യെ സ്വാ​ഗ​തം ചെ​യ്യു​ന്ന നി​ല​പാ​ടാ​ണ് പൊ​തു​വേ മ​ണ്ഡ​ല​ത്തി​ലു​ള്ള​ത്. ശ​ക്ത​മാ​യ നി​ല​പാ​ടും മോ​ദി​യ​ട​ക്ക​മു​ള്ള​വ​രെ മൂ​ർ​ച്ച​യേ​റി​യ വാ​ക്കു​ക​ളി​ലൂ​ടെ പൊ​ള്ളി​ക്കു​ക​യും ചെ​യ്യു​ന്ന പ്രി​യ​ങ്ക സ്ത്രീ​വോ​ട്ട​ർ​മാ​രെ​യും ഏ​റെ സ്വാ​ധീ​നി​ക്കു​ന്നു​ണ്ട്.

പാ​ർ​ട്ടി​ക​ൾ​ക്ക് അ​തീ​ത​മാ​യി അ​വ​ർ​ക്ക് എ​ല്ലാ​വ​രു​ടെ​യും വോ​ട്ടു​കി​ട്ടു​ന്ന സ്ഥി​തി​യു​മു​ണ്ട്. ലോ​ക്സ​ഭ തെ​ര​ഞ്ഞെ​ടു​പ്പി​ൽ വ​യ​നാ​ടി​നൊ​പ്പം മ​ത്സ​രി​ച്ച ഉ​ത്ത​ർ​പ്ര​ദേ​ശി​ലെ റാ​യ്ബ​റേ​ലി​യി​ലും വ​ൻ​വി​ജ​യം നേ​ടി​യ​തോ​ടെ​യാ​ണ് രാ​ഹു​ലി​ന് വ​യ​നാ​ട് ഒ​ഴി​യേ​ണ്ടി​വ​ന്ന​തും ഉ​പ​തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​യാ​യി സ​ഹോ​ദ​രി പ്രി​യ​ങ്ക എ​ത്തു​ന്ന​തും.

വോ​ട്ട​ർ​മാ​ർ​ക്ക് ന​ന്ദി​പ​റ​യാ​ൻ ക​ഴി​ഞ്ഞ ദി​വ​സം വ​യ​നാ​ട്ടി​ലും മ​ല​പ്പു​റ​ത്തും രാ​ഹു​ൽ എ​ത്തി​യ​പ്പോ​ൾ ഇ​രു​മ​ണ്ഡ​ല​ങ്ങ​ളി​ലെ​യും ജ​ന​ങ്ങ​ൾ​ക്ക് തൃ​പ്തി​ക​ര​മാ​യ തീ​രു​മാ​ന​മാ​ണ് ഉ​ണ്ടാ​വു​ക​യെ​ന്ന് പ​റ​ഞ്ഞ​പ്പോ​ൾ ത​ന്നെ വ​യ​നാ​ട്ടി​ൽ പ്രി​യ​ങ്ക സ്ഥാ​നാ​ർ​ഥി​യാ​കു​മെ​ന്ന കാ​ര്യ​ത്തി​ൽ ഉ​റ​പ്പു​ണ്ടാ​യി​രു​ന്നു.

എ​ന്നാ​ൽ, വ​യ​നാ​ട് ത​ന്റെ കു​ടും​ബ​മാ​ണെ​ന്ന് നി​ര​ന്ത​രം പ​റ​യു​ന്ന രാ​ഹു​ൽ മ​ണ്ഡ​ലം ഒ​ഴി​യു​ന്ന​ത് വ​ഞ്ച​ന​യാ​ണെ​ന്നാ​ണ് എ​തി​രാ​ളി​ക​ളു​ടെ പ്ര​ധാ​ന പ്ര​ചാ​ര​ണം. പ്രി​യ​ങ്ക മ​ത്സ​രി​ക്കാ​തി​രു​ന്നാ​ൽ ആ ​പ്ര​ചാ​ര​ണം ഏ​ശു​മെ​ന്നും മ​റ്റാ​ര് വ​ന്നാ​ലും ജ​യ​സാ​ധ്യ​ത​യെ ത​ന്നെ ബാ​ധി​ക്കു​മെ​ന്നും കേ​ര​ള നേ​താ​ക്ക​ൾ ദേ​ശീ​യ നേ​തൃ​ത്വ​ത്തെ അ​റി​യി​ച്ചി​രു​ന്നു. ഒ​രു ഘ​ട്ട​ത്തി​ൽ കെ. ​മു​ര​ളീ​ധ​ര​ന്റെ​യ​ട​ക്കം പേ​രു​ക​ളും ഉ​യ​ർ​ന്നു. എ​ന്നാ​ൽ, അ​ടു​ത്ത നി​യ​മ​സ​ഭ തെ​ര​ഞ്ഞെ​ടു​പ്പി​ല​ട​ക്കം സം​സ്ഥാ​ന​ത്ത് യു.​ഡി.​എ​ഫി​ന് ഗു​ണ​ക​ര​മാ​കു​ന്ന​തു​കൂ​ടി ക​ണ്ടാ​ണ് പ്രി​യ​ങ്ക​യു​ടെ വ​ര​വ് ഉ​റ​പ്പി​ച്ച​ത്. ര​ണ്ടാം ഇ​ന്ദി​ര​ഗാ​ന്ധി​യു​ടെ വ​ര​വാ​ണ് വ​യ​നാ​ട്ടി​ലേ​തെ​ന്നും ഭൂ​രി​പ​ക്ഷം അ​ഞ്ചു​ല​ക്ഷം ക​ട​ക്കു​മെ​ന്നും എം.​എ​ൽ.​എ​മാ​രാ​യ ടി. ​സി​ദ്ദീ​ഖും ഐ.​സി. ബാ​ല​കൃ​ഷ്ണ​നും പ്ര​തി​ക​രി​ച്ചു.

യു.​ഡി.​എ​ഫി​ന്‍റെ സു​ര​ക്ഷി​ത മ​ണ്ഡ​ല​മാ​ണ് വ​യ​നാ​ട്. എ​ന്നാ​ൽ, 2014ൽ ​കോ​​ൺ​ഗ്ര​സ് നേ​താ​വ് എം.​ഐ. ഷാ​ന​വാ​സ് സി.​പി.​ഐ​യു​ടെ സ​ത്യ​ൻ മൊ​കേ​രി​ക്കെ​തി​രെ 20,870 വോ​ട്ടി​ന് മാ​ത്ര​മാ​ണ് ജ​യി​ച്ച​ത്. 2009ൽ ​ഷാ​ന​വാ​സി​ന്റെ ഭൂ​രി​പ​ക്ഷം 1,53,439 ആ​യി​രു​ന്നു. 2019ൽ ​രാ​ഹു​ൽ ഗാ​ന്ധി എ​ത്തി​യ​തോ​ടെ​യാ​ണ് 4,31,770 എ​ന്ന വ​ൻ ഭൂ​രി​പ​ക്ഷം നേ​ടു​ന്ന​ത്.

സു​പ​രി​ചി​ത​മു​ഖ​മ​ല്ലാ​തി​രു​ന്ന സി.​പി.​ഐ നേ​താ​വ് പി.​പി. സു​നീ​റാ​യി​രു​ന്നു അ​ന്ന് എ​തി​രാ​ളി. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ സി.​പി.​ഐ ദേ​ശീ​യ നേ​താ​വ് ആ​നി രാ​ജ എ​തി​രാ​ളി​യാ​യ​തോ​ടെ 67,000 വോ​ട്ട് കു​റ​ഞ്ഞ് ഭൂ​രി​പ​ക്ഷം 3,64,422 ആ​യി.

ലീഗ് നേരത്തേ ആവശ്യപ്പെട്ടിരുന്നു -സാദിഖലി തങ്ങൾ

മ​ല​പ്പു​റം: രാ​ഹു​ൽ ഗാ​ന്ധി വ​യ​നാ​ട് മ​ണ്ഡ​ലം ഒ​ഴി​യു​ക​യാ​ണെ​ങ്കി​ൽ പ​ക​രം പ്രി​യ​ങ്ക ഗാ​ന്ധി മ​ത്സ​രി​ക്ക​ണ​മെ​ന്ന ആ​ഗ്ര​ഹം മു​സ്‍ലിം ലീ​ഗ് നേ​ര​ത്തേ കോ​ൺ​ഗ്ര​സി​നെ അ​റി​യി​ച്ചി​രു​ന്നെ​ന്ന് മു​സ്‍ലിം ലീ​ഗ് സം​സ്ഥാ​ന പ്ര​സി​ഡ​ന്റ് പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ. പ്രി​യ​ങ്ക​യെ മ​ത്സ​രി​പ്പി​ക്കാ​നു​ള്ള തീ​രു​മാ​നം ‘ഇ​ൻ​ഡ്യ’ മു​ന്ന​ണി​ക്ക് വ​ലി​യ ആ​ത്മ​വി​ശ്വാ​സം പ​ക​രും. പ്രി​യ​ങ്ക പാ​ർ​ല​മെ​ന്റി​ലു​ണ്ടാ​വേ​ണ്ട അ​നി​വാ​ര്യ​സ​ന്ദ​ർ​ഭ​മാ​ണി​തെ​ന്നും സാ​ദി​ഖ​ലി ത​ങ്ങ​ൾ പ​റ​ഞ്ഞു. ‘ഇ​ൻ​ഡ്യ’ മു​ന്ന​ണി​ക്ക് ആ​ത്മ​വി​ശ്വാ​സം വ​ർ​ധി​പ്പി​ക്കു​ന്ന​താ​ണ് പ്രി​യ​ങ്ക​യു​ടെ വ​ര​വെ​ന്ന് മു​സ്‍ലിം ലീ​ഗ് ദേ​ശീ​യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി പ​റ​ഞ്ഞു. ഇ​ന്ത്യ​ൻ മ​തേ​ത​ര​ത്വ​ത്തി​ന്റെ പ്ര​തീ​ക​ങ്ങ​ളാ​ണ് രാ​ഹു​ലും പ്രി​യ​ങ്ക​യും. ഇ​ൻ​ഡ്യ മു​ന്ന​ണി​യു​ടെ ആ​ത്മ​വി​ശ്വാ​സം വ​ർ​ധി​പ്പി​ക്ക​ലാ​ണ് ആ​വ​ശ്യ​മെ​ന്നും അ​ദ്ദേ​ഹം പ​റ​ഞ്ഞു.