വയനാട് പുനരധിവാസം: ഭൂമി കിട്ടിയാല്‍ ഉടൻ നടപടി -മന്ത്രി

തി​രു​വ​ന​ന്ത​പു​രം: വ​യ​നാ​ട്​ പു​ന​ര​ധി​വാ​സ​ത്തി​നാ​യി ടൗ​ണ്‍ഷി​പ്​ നി​ര്‍മി​ക്കാ​ൻ സ​ര്‍ക്കാ​ര്‍ ക​ണ്ടെ​ത്തി​യ എ​സ്റ്റേ​റ്റ് ഭൂ​മി കോ​ട​തി ന​ട​പ​ടി​ക​ള്‍ ഒ​ഴി​വാ​ക്കി വി​ട്ടു​കി​ട്ടി​യാ​ല്‍ കേ​ന്ദ്ര സ​ഹാ​യ​ത്തി​ന്​ കാ​ത്തു​നി​ല്‍ക്കാ​തെ ഒ​രു​മ​ണി​ക്കൂ​റി​ന​കം പു​ന​ര​ധി​വാ​സ​ത്തി​ന് സ​ര്‍ക്കാ​ര്‍ ന​ട​പ​ടി സ്വീ​ക​രി​ക്കു​മെ​ന്ന്​ റ​വ​ന്യൂ മ​ന്ത്രി കെ. ​രാ​ജ​ൻ. ക​ര്‍ണാ​ട​ക സ​ര്‍ക്കാ​റ​ട​ക്കം വീ​ട്​ നി​ര്‍മി​ച്ചു​ന​ല്‍കാ​ന്‍ സ​ന്ന​ദ്ധ​ത അ​റി​യി​ച്ചി​ട്ടും കേ​ര​ളം മ​റു​പ​ടി ന​ല്‍കി​യി​ല്ലെ​ന്ന വി​വാ​ദം പ​ട​രു​ന്ന​തി​നി​ടെ​യാ​ണ് റ​വ​ന്യൂ മ​ന്ത്രി വാ​ർ​ത്ത​സ​മ്മേ​ള​നം ന​ട​ത്തി വ​യ​നാ​ട് പു​ന​ര​ധി​വാ​സ ന​ട​പ​ടി​ക​ളു​മാ​യി ബ​ന്ധ​പ്പെ​ട്ട്​ സ​ര്‍ക്കാ​ര്‍ സ്വീ​ക​രി​ക്കു​ന്ന കാ​ര്യ​ങ്ങ​ളി​ല്‍ വ്യ​ക്ത​ത വ​രു​ത്തി​യ​ത്.

വ​യ​നാ​ട് പു​ന​ര​ധി​വാ​സ​ത്തി​ന്​ വീ​ട് നി​ര്‍മി​ച്ചു​ന​ല്‍കാ​ന്‍ സ​ന്ന​ദ്ധ​ത അ​റി​യി​ച്ച​വ​രു​ടെ യോ​ഗം ജ​നു​വ​രി​യി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ വി​ളി​ച്ചു​ചേ​ര്‍ക്കു​മെ​ന്നും അ​ദ്ദേ​ഹം പ​റ​ഞ്ഞു.​ വീ​ട്​ നി​ര്‍മി​ച്ചു​ന​ല്‍കാ​ന്‍ സ​ന്ന​ദ്ധ​ത അ​റി​യി​ച്ച​വ​രു​മാ​യി ര​ണ്ട്​ ഘ​ട്ട​മാ​യി​ട്ടെ​ങ്കി​ലും ച​ര്‍ച്ച ന​ട​ത്തേ​ണ്ടി​വ​രും. സ​ര്‍ക്കാ​ര്‍ ത​ല​ത്തി​ലു​ള്ള​വ​രു​ടെ പ്ര​തി​നി​ധി​ക​ളു​മാ​യി ആ​ദ്യ​ഘ​ട്ട​ത്തി​ലും സം​ഘ​ട​ന​ക​ളു​ടെ​യും വ്യ​ക്തി​ക​ളു​ടെ​യും പ്ര​തി​നി​ധി​ക​ളു​മാ​യി ര​ണ്ടാം​ഘ​ട്ട​ത്തി​ലും.

ഒ​രു​മി​ച്ച്​ താ​മ​സി​ക്കാ​ന്‍ അ​നു​വ​ദി​ക്ക​ണ​മെ​ന്ന ദു​ര​ന്ത​ബാ​ധി​ത​രു​ടെ അ​പേ​ക്ഷ​യു​ടെ അ​ടി​സ്ഥാ​ന​ത്തി​ലാ​ണ് ടൗ​ണ്‍ഷി​പ്പെ​ന്ന ആ​ശ​യ​വു​മാ​യി മു​ന്നോ​ട്ടു​പോ​കാ​ന്‍ തീ​രു​മാ​നി​ച്ച​ത്. 2013ലെ ​ഭൂ​മി ഏ​റ്റെ​ടു​ക്ക​ല്‍ നി​യ​മ​ത്തി​ന്റെ അ​ടി​സ്ഥാ​ന​ത്തി​ല്‍ മേ​പ്പാ​ടി എ​സ്റ്റേ​റ്റ് ഭൂ​മി ഏ​റ്റെ​ടു​ക്കാ​ന്‍ ന​ട​പ​ടി സ്വീ​ക​രി​ച്ച​പ്പോ​ള്‍ പ​ണം ല​ഭി​ക്കി​ല്ലെ​ന്ന ആ​ശ​ങ്ക ഉ​യ​ര്‍ന്ന​തി​ന്റെ അ​ടി​സ്ഥാ​ന​ത്തി​ലാ​ണ് ഉ​ട​മ​ക​ള്‍ കോ​ട​തി​യെ സ​മീ​പി​ച്ച​ത്. ഉ​ട​മ​ക​ള്‍ക്ക്​ സ​ര്‍ക്കാ​ര്‍ പ​ണം ന​ല്‍കു​മെ​ന്ന് ഉ​റ​പ്പു​വ​രു​ത്തി​യി​ട്ടു​ണ്ട്- മ​ന്ത്രി പ​റ​ഞ്ഞു.‍