വയനാടിന്റെ മന്ത്രിക്ക് മുന്നിൽ വെല്ലുവിളികളേറെ

ക​ൽ​പ​റ്റ: വ​യ​നാ​ട്ടി​ൽ​നി​ന്നു​ള്ള​തും പ​ട്ടി​ക​വ​ർ​ഗ വി​ഭാ​ഗ​ക്കാ​ര​നു​മാ​യ സി.​പി.​എ​മ്മി​ന്റെ ആ​ദ്യ മ​ന്ത്രി ഒ.​ആ​ർ കേ​ളു​വി​ന് മു​ന്നി​ലു​ള്ള​ത് അ​ടി​യ​ന്ത​ര​മാ​യി ന​ട​പ​ടി​യെ​ടു​ക്കേ​ണ്ട പ്ര​ശ്ന​ങ്ങ​ൾ. ജി​ല്ല​യി​ലെ അ​വി​വാ​ഹി​ത ആ​ദി​വാ​സി അ​മ്മ​മാ​രു​​ടെ പ്ര​ശ്ന​ങ്ങ​ളും കു​ട​കി​ലെ കൃ​ഷി​യി​ട​ങ്ങ​ളി​ൽ കൊ​ല്ല​പ്പെ​ടു​ന്ന ആ​ദി​വാ​സി​ക​ളു​ടെ എ​ണ്ണ​വു​മെ​ല്ലാം ഇ​തി​ൽ ചി​ല​തു മാ​ത്രം.

മ​ന്ത്രി​യു​ടെ മ​ണ്ഡ​ലം​കൂ​ടി​യാ​യ മാ​ന​ന്ത​വാ​ടി​യി​ലെ ​തി​രു​നെ​ല്ലി പ​ഞ്ചാ​യ​ത്തി​ലാ​ണ് സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ അ​വി​വാ​ഹി​ത ആ​ദി​വാ​സി അ​മ്മ​മാ​രു​ള്ള​ത്. പ​ട്ടി​ക​ജാ​തി-​പ​ട്ടി​ക​വ​ർ​ഗ ക്ഷേ​മ വ​കു​പ്പി​ന്റെ പു​തി​യ മ​ന്ത്രി​യാ​യി ചു​മ​ത​ല​യേ​റ്റ കേ​ളു, 2005ലും 2010​ലു​മാ​യി തു​ട​ര്‍ച്ച​യാ​യി 10 വ​ര്‍ഷം ഈ ​പ​ഞ്ചാ​യ​ത്തി​ന്റെ പ്ര​സി​ഡ​ന്റാ​യി​രു​ന്നു.

2016ൽ ​അ​ന്ന​ത്തെ മ​ന്ത്രി എ.​കെ. ബാ​ല​ൻ നി​യ​മ​സ​ഭ​യി​ൽ ന​ൽ​കി​യ ക​ണ​ക്കു​പ്ര​കാ​രം കേ​ര​ള​ത്തി​ൽ ആ​​​​​കെ 1070 അ​വി​വാ​ഹി​ത​രാ​യ ആ​ദി​വാ​സി അ​മ്മ​മാ​രു​ണ്ട്. എ​ന്നാ​ൽ, ഔ​ദ്യോ​ഗി​ക ക​ണ​ക്കി​നേ​ക്കാ​ൾ ഏ​റെ കൂ​ടു​ത​ലാ​ണ് ഇ​വ​രു​ടെ എ​ണ്ണ​മെ​ന്ന് സ​ന്ന​ദ്ധ​സം​ഘ​ട​ന​ക​ൾ പ​റ​യു​ന്നു.

ആ​ദി​വാ​സി പെ​ൺ​കു​ട്ടി​ക​ളു​ടെ അ​ജ്ഞ​ത​യും നി​ഷ്‍ക​ള​ങ്ക​ത​യും മു​ത​ലെ​ടു​ത്താ​ണ് പു​റ​മെ​നി​ന്നു​ള്ള​വ​ർ ഇ​വ​രെ ലൈം​ഗി​ക​മാ​യി ദു​രു​പ​യോ​ഗി​ക്കു​ന്ന​ത്. കു​ഞ്ഞു​ങ്ങ​ൾ​ക്ക് ജ​ന്മം ന​ൽ​കു​ന്ന​തോ​ടെ കു​റ്റ​ക്കാ​ർ ര​ക്ഷ​പ്പെ​ടു​ക​യും യു​വ​തി​ക​ൾ അ​വി​വാ​ഹി​ത അ​മ്മ​മാ​രാ​യി മാ​റു​ക​യും ചെ​യ്യു​ന്നു.

ഇ​വ​ർ​ക്ക് സ്വ​യം​തൊ​ഴി​ൽ അ​ട​ക്ക​മു​ള്ള പു​ന​ര​ധി​വാ​സ പ​ദ്ധ​തി സ​ർ​ക്കാ​ർ ന​ട​പ്പാ​ക്കു​ന്നു​ണ്ടെ​ങ്കി​ലും കൃ​ത്യ​മാ​യ ക​ണ​ക്കി​ല്ലാ​ത്ത​തി​നാ​ൽ നി​ര​വ​ധി അ​ർ​ഹ​ർ പു​റ​ത്താ​ണ്. ‘സ്നേ​ഹ​സ്പ​ർ​ശം’ എ​ന്ന​ പേ​രി​ൽ സാ​മൂ​ഹി​ക സു​ര​ക്ഷ മി​ഷ​ൻ മു​ഖേ​ന പ്ര​തി​മാ​സം ആ​യി​രം രൂ​പ ന​ൽ​കു​ന്ന പെ​ൻ​ഷ​ൻ പ​ദ്ധ​തി​യു​മു​ണ്ട്.

2014ലെ ​ക​ണ​ക്കു​പ്ര​കാ​രം തി​രു​നെ​ല്ലി​യി​ൽ ഇ​ത്ത​രം 68 അ​മ്മ​മാ​രാ​ണു​ള്ള​തെ​ന്നും പെ​ൻ​ഷ​ൻ വാ​ങ്ങു​ന്ന​വ​ർ പ​ത്തു​പേ​ർ മാ​ത്ര​മാ​ണെ​ന്നും മാ​ന​ന്ത​വാ​ടി ട്രൈ​ബ​ൽ ഡെ​വ​ല​പ്മെ​ന്റ് ഓ​ഫി​സ് അ​ധി​കൃ​ത​ർ ‘മാ​ധ്യ​മ’​ത്തോ​ട് പ​റ​ഞ്ഞു. ഇ​തി​ന് കീ​ഴി​ലു​ള്ള മ​റ്റ് പ​ഞ്ചാ​യ​ത്തു​ക​ളി​ലാ​യി ഏ​ഴു​പേ​ർ​ക്കു​മാ​ണ് പെ​ൻ​ഷ​ൻ കി​ട്ടു​ന്ന​ത്. അ​ർ​ഹ​രാ​യ​വ​ർ സ​ർ​ക്കാ​ർ ക​ണ​ക്കു​ക​ളി​ൽ ഉ​ൾ​പ്പെ​ടാ​ത്ത​താ​ണ് പെ​ൻ​ഷ​ൻ അ​ട​ക്കം ല​ഭി​ക്കാ​ത്ത​തി​ന് കാ​ര​ണം.

ക​ർ​ണാ​ട​ക​യി​ലെ കു​ട​കി​ൽ കൃ​ഷി​പ്പ​ണി​ക്കു​പോ​യി ദു​രൂ​ഹ സാ​ഹ​ച​ര്യ​ത്തി​ൽ ഏ​റ്റ​വും കൂ​ടു​ത​ൽ ആ​ദി​വാ​സി​ക​ൾ മ​ര​ണ​പ്പെ​ട്ട​തും മാ​ന​ന്ത​വാ​ടി, സു​ൽ​ത്താ​ൻ ബ​ത്തേ​രി താ​ലൂ​ക്കു​ക​ളി​ൽ നി​ന്നു​ള്ള​വ​രാ​ണ്. സ​ന്ന​ദ്ധ​സം​ഘ​ട​ന​യാ​യ ‘നീ​തി​വേ​ദി’​യു​ടെ സ​ർ​വേ പ്ര​കാ​രം 2005-2007 കാ​ല​യ​ള​വി​ൽ ഇ​ത്ത​ര​ത്തി​ൽ 122 ആ​ദി​വാ​സി​ക​ൾ മ​ര​ണ​പ്പെ​ട്ടു.

തു​ട​ർ​ന്ന് ജി​ല്ല ക​ല​ക്ട​ർ ഇ​ട​പെ​ട്ട് ന​ട​പ​ടി​ക​ൾ ശ​ക്ത​മാ​ക്കി​യ​തോ​ടെ ഇ​ത്ത​രം സം​ഭ​വ​ങ്ങ​ൾ കു​റ​ഞ്ഞു. എ​ന്നാ​ൽ, ജാ​ഗ്ര​ത​യി​ല്ലാ​താ​യ​തോ​ടെ സ്ഥി​തി മാ​റി. 10 മാ​സം മു​മ്പ് ബാ​വ​ലി ഷാ​ണ​മം​ഗ​ലം കോ​ള​നി​യി​ലെ ബി​നീ​ഷി​നെ (30) കു​ട​കി​ൽ വെ​ള്ള​ത്തി​ൽ​വീ​ണ് മ​രി​ച്ച നി​ല​യി​ൽ ക​ണ്ടെ​ത്തി​യ​താ​ണ് ഒ​ടു​വി​ല​ത്തെ സം​ഭ​വം. കു​ട​കി​ലെ ദു​രൂ​ഹ മ​ര​ണ​ങ്ങ​ളി​ലും സ​ർ​ക്കാ​റി​ന്റെ പ​ക്ക​ൽ കൃ​ത്യ​മാ​യ ക​ണ​ക്കു​ക​ളി​ല്ല.