രാത്രിയാത്ര വിലക്കിന്​ പരിഹാരമില്ല, പുതിയ പാതക്ക്​ നീക്കം; ദേശീയ പാത 766 അനിശ്​ചിതത്വത്തിൽ

കൽപറ്റ: വയനാട്​ അതിർത്തിയിൽ കർണാടകയിലെ ബന്ദിപ്പൂർ മേഖല ഒഴിവാക്കി മൈസൂരു​-മലപ്പുറം ദേശീയ പാതക്ക്​ കേന്ദ്രം അനുമതി നൽകിയതോടെ കോഴിക്കോട്​, കൽപറ്റ, സുൽത്താൻ ബത്തേരി വഴി പോകുന്ന എൻ.എച്ച്​ 766നെക്കുറിച്ച്​ അനിശ്ചിതത്വം. വർഷങ്ങളായി ബന്ദിപ്പൂർ മേഖലയിൽ തുടരുന്ന രാത്രിയാത്ര നിരോധനത്തിനു പുറമെ പകൽനേരവും റോഡ്​ അടച്ചുപൂട്ടാനുള്ള നീക്കം ബദൽപാത വരുന്നതോടെ സജീവമാകുമെന്ന ആശങ്ക ഉയർന്നു. 

ദേശീയപാത 766ലെ യാത്ര നിരോധനത്തിനെതിരെ വയനാട്ടിൽ പ്രക്ഷോഭം ഉയർന്നപ്പോൾ എൻ.എച്ച്​ 766നു​ വേണ്ടി കേരള നിയമസഭ പ്രമേയം പാസാക്കി കേന്ദ്രത്തിന്​ നൽകിയിട്ടുണ്ടെങ്കിലും തുടർനടപടി ഉണ്ടായിട്ടില്ല. മൈസൂരു, കുട്ട, മാനന്തവാടി, കൽപറ്റ, അടിവാരം, വേനപ്പാറ, മുത്തേരി, പൊറ്റശ്ശേരി, കൂളിമാട്​, ചീക്കോട്​, കിഴിശേരി, വള്ളുവ​മ്പ്രം, മലപ്പുറം കിഴക്കേത്തല, ഇങ്ങനെയാണ്​ 266.5കി. മീറ്ററിൽ പുതിയ ദേശീയപാത വരുന്നത്​. കോഴിക്കോട്​ നഗരത്തിൽ പ്രവേശിക്കാതെ കർണാടകയിൽനിന്നുള്ള പാതയാണിത്​. പദ്ധതിയുടെ അലെയ്​ൻമ​െൻറ്​ സംബന്ധിച്ച്​ പ്രാഥമിക വിവരങ്ങൾ ദേശീയ പാത അതോറിറ്റി ഓൺലൈൻ യോഗത്തിൽ നൽകിയിട്ടുണ്ടെന്ന്​ വയനാട്​ കലക്​ടർ ഡോ. അദീല അബ്​ദുല്ല പറഞ്ഞു. 

ബദൽപാത: കേന്ദ്ര-കേരള സർക്കാറുകൾ പിന്തിരിയണം –ആക്​ഷൻ കമ്മിറ്റി
സുൽത്താൻ ബത്തേരി: ദേശീയപാത 766ലെ രാത്രിയാത്ര നിരോധനത്തിന് പരിഹാരമെന്ന നിലയിൽ കുട്ട-ഗോണിക്കുപ്പ ബദൽപാത ദേശീയപാതയാക്കാനുള്ള ശ്രമത്തിൽനിന്ന് കേന്ദ്ര-കേരള സർക്കാറുകൾ പിന്തിരിയണമെന്ന് നീലഗിരി-വയനാട് എൻ.എച്ച് ​െറയിൽവേ ആക്​ഷൻ കമ്മിറ്റി ആവശ്യപ്പെട്ടു. കണ്ണൂർ സ്വകാര്യ വിമാനത്താവളത്തിൽനിന്ന് മൈസൂരിലേക്കുള്ള ദേശീയപാത രാത്രിയാത്ര നിരോധനത്തി​​െൻറ മറവിൽ സാധിച്ചെടുക്കാനുള്ള ശ്രമങ്ങളാണ് ഇവർ നടത്തുന്നത്. 

കുട്ട-ഗോണിക്കുപ്പ പാത നിർദേശിച്ച്​ സുപ്രീംകോടതിയിൽ സത്യവാങ്മൂലം ഫയൽ ചെയ്തതു വരെ നിരവധി പിൻവാതിൽ നീക്കങ്ങൾ ഈ സംഘം നടത്തി. സംസ്​ഥാന സർക്കാറിലെ ഉന്നത ഉദ്യോഗസ്​ഥരെ സ്വാധീനിച്ചും ഭീഷണിപ്പെടുത്തിയുമാണ് ഉപജാപകസംഘം കരുക്കൾ നീക്കുന്നത്. കേന്ദ്രസർക്കാറി​​െൻറ ഒരു അനുമതിയും ലഭിക്കാത്ത തലശ്ശേരി-മൈസൂർ ​െറയിൽപാതക്കുവേണ്ടി എല്ലാ അനുമതികളും ലഭിച്ചിരുന്ന നഞ്ചൻകോട്​-നിലമ്പൂർ ​െറയിൽപാത അട്ടിമറിച്ചതും ഡി.എം.ആർ.സിയെയും ഡോ. ഇ. ശ്രീധരനെയും കേരള സർക്കാറി​​െൻറ എല്ലാ േപ്രാജക്ടുകളിൽനിന്നും പുറത്താക്കിയതും ഇതേ സംഘമാണ്. കുട്ട-ഗോണിക്കുപ്പ വഴി കണ്ണൂർ-മൈസൂർ ദേശീയപാത ശ്രമങ്ങൾ വിജയിക്കില്ല എന്ന് കണ്ടാണ് ഇതേ ലോബി മൈസൂർ-മലപ്പുറം ദേശീയപാതയുമായി രംഗത്തിറങ്ങിയിട്ടുള്ളത്. മലപ്പുറത്തുനിന്ന് മൈസൂരിലേക്കുള്ള ഏറ്റവും എളുപ്പവഴി നിലവിലുള്ള ദേശീയപാത 766തന്നെയാണ് -ആക്​ഷൻ കമ്മിറ്റി പ്രസ്​താവനയിൽ പറഞ്ഞു.

അഡ്വ. ടി.എം. റഷീദ്, വിനയകുമാർ അഴിപ്പുറത്ത്, അഡ്വ. പി. വേണുഗോപാൽ, പി.വൈ. മത്തായി, ജോസ്​ കപ്യാർമല, ജോയിച്ചൻ വർഗീസ്​, സംഷാദ്, ഡോ. തോമസ്​ മാത്യു, ജേക്കബ് ബത്തേരി, മോഹൻ നവരംഗ്, നാസർ കാസിം എന്നിവർ സംസാരിച്ചു.

പുതിയ പാത: വിവാദം മുറുകി
കൽപറ്റ: പുതിയ പാത എൻ.എച്ച്​ 766ന്​ പകരമാവില്ലെന്ന്​ എൻ.എച്ച.്​ ആക്​ഷൻ കമ്മിറ്റി കൺവീനറും സി.പി.എം നേതാവുമായ സുരേഷ്​ താളൂർ പറഞ്ഞു. കേരള നിയമസഭയുടെ പ്രമേയവും സർക്കാർ സുപ്രീംകോടതിയിൽ നൽകിയ സത്യവാങ്​മൂലവും മുന്നിലുണ്ട്​. ദേശീയ പാത 766 തുറക്കണമെന്ന നിലപാടിൽ ആക്​ഷൻ കമ്മിറ്റി ഉറച്ചുനിൽക്കുകയാണ്​. കോടതിവിധിയും വരാനുണ്ട്​. മലപ്പുറം കൂടി കൂട്ടിച്ചേർത്ത്​ പുതിയ ദേശീയപാത കൊണ്ടുവന്ന്​ എൻ.എച്ച്​ 766​​െൻറ പ്രധാന്യം അവഗണിക്കാനാവില്ല -അദ്ദേഹം പറഞ്ഞു. എൻ.എച്ച്​. 766​​െൻറ കാലപ്പഴക്കവും ചരിത്ര പശ്ചാത്തലവും അവഗണിക്കുന്ന നീക്കത്തിനെതിരെ സംസ്​ഥാന സർക്കാർ അടിയന്തരമായി ഇടപെടണമെന്നും രാത്രി യാത്ര നിരോധം നീക്കാൻ കേന്ദ്ര-സംസ്​ഥാന സർക്കാറുകൾ ഒന്നും ചെയ്യുന്നില്ലെന്നും​ യു.ഡി.എഫ്​ ബത്തേരി നിയോജക മണ്ഡലം കൺവീനർ ടി. മുഹമ്മദ്​ പറഞ്ഞു. രാജ്യം ശ്രദ്ധിച്ച പ്രക്ഷോഭം ബത്തേരിയിൽ നടന്നപ്പോൾ സംസ്​ഥാന സർക്കാറിനുവേണ്ടി മന്ത്രിമാരും നേതാക്കളും നൽകിയ വാഗ്​ദാനം പാലിച്ചി​ട്ടില്ലെന്നും അദ്ദേഹം പറഞ്ഞു. 

വനം, വന്യജീവി സംരക്ഷണത്തി​​െൻറ പേരിൽ എൻ.എച്ച്​ 766 തടസ്സപ്പെടുത്തുന്ന സർക്കാറുകൾ ഇപ്പോൾ മുന്നോട്ടുവെക്കുന്ന മൈസൂരു-മലപ്പുറം പാത നാഗർഹോ​ൈള ​ടൈഗർ റിസർവും വയനാട്​ വന്യജീവി സ​േങ്കതവും ഉൾപ്പെടുന്ന പ്രദേശത്തുകൂടിയാണ്​ കടന്നുപോകുന്നതെന്ന യാഥാർഥ്യം മറച്ചുവെക്കുകയാണെന്നും കേരള സർക്കാറി​​െൻറ കള്ളക്കളി ബദൽപാതക്കു പിന്നിലു​െണ്ടന്നും നീലഗിരി-വയനാട്​ എൻ.എച്ച്​ ആൻഡ്​​ ​െറയിൽവേ ആക്​ഷൻ കമ്മിറ്റി കൺവീനർ അഡ്വ. ടി.എം. റഷീദ്​ പറഞ്ഞു.