ആശുപത്രി വാർഡിലെ ഈ പാട്ടുകൾ പറയും; കോവിഡിന്​ മുന്നിൽ നമ്മൾ തളരില്ലെന്ന്​ -VIDEO

കാസർകോട്​: സംസ്​ഥാനത്ത്​ കോവിഡ്​ ഏറ്റവും ഗുരുതരമായി ബാധിച്ചത്​ കാസർകോട്​ ജില്ലയെയാണ്​. ബുധനാഴ്​ചത്തെ കണ ക്കുപ്രകാരം 132 പേരാണ്​ ജില്ലയിൽ ചികിത്സയിലുള്ളവരുടെ എണ്ണം. രോഗവ്യാപനത്തി​​​​​​െൻറ തോത്​ കാരണം മറ്റു ജില്ലക ളേക്കാൾ ആദ്യം നിയന്ത്രണങ്ങൾ കൊണ്ടുവന്നതും കാസർകോട്ട്​ തന്നെയായിരുന്നു.

എന്നാൽ, ഇവിടെനിന്ന്​ പുറത്തുവര ുന്ന വാർത്തകളും ദൃശ്യങ്ങളും നൽകുന്ന ശുഭപ്രതീക്ഷ കുറച്ചൊന്നുമല്ല. ജനറൽ ആശുപത്രിയിലെ കോവിഡ്​ വാർഡിൽ പ്രവേശിപ്പിച്ചവർ ചേർന്ന്​ പാട്ട്​ പാടുന്ന രംഗങ്ങൾ ഇതിനോടകം തന്നെ വൈറലായിരിക്കുകയാണ്​. മാണിക്യമലരായ പൂവി... എന്ന്​ തുടങ്ങുന്ന ഗാനം എല്ലാവരും കൃത്യമായ അകലം പാലിച്ചുനിന്ന്​ ആശുപത്രി വാർഡിൽനിന്ന്​ കൈകൊട്ടി പാടുന്ന രംഗമാണ്​ ഒന്ന്്​. മറ്റൊരു വീഡിയോയിൽ കിടക്കയിലിരുന്ന്​ എല്ലാവരും ഹിന്ദി ഗാനം പാടുന്നതും കാണാം.

മാസ്​ക്കെല്ലാം ധരിച്ച്​ മുൻകരുതലുകൾ എടുത്താണ് ഇവരുടെ​ സംഗീത കച്ചേരി. ആശുപത്രിയിലെ ആരോഗ്യ പ്രവർത്തകരും ഇവർക്ക്​ പിന്തുണയുമായി കൂടെയുണ്ട്​. ആശുപത്രിയിലെ നിരീക്ഷണകാലം എന്തായാലും ആഘോഷമാക്കുകയാണ്​ ഇവർ. കഴിഞ്ഞദിവസം രോഗം ഭേദമായി വീട്ടിലേക്ക്​ മടങ്ങിയയാളെ കരഘോഷത്തോടെ​ യാത്രയാക്കുന്ന വിഡിയോയും നാടിന്​ നൽകുന്ന ആത്മധൈര്യം കുറച്ചൊന്നുമല്ല.