റേഷൻ ക്ഷേമനിധിയുടെ പേരിൽ സർക്കാർ പിടിച്ചുപറി

തി​രു​വ​ന​ന്ത​പു​രം: ക്ഷേ​മ​നി​ധി​യു​ടെ പേ​രി​ൽ റേ​ഷ​ൻ വ്യാ​പാ​രി​ക​ളു​ടെ പോ​ക്ക​റ്റി​ൽ കൈ​യി​ട്ടു​വാ​രി സം​സ്ഥാ​ന സ​ർ​ക്കാ​ർ. സാ​മ്പ​ത്തി​ക പ്ര​തി​സ​ന്ധി​യെ തു​ട​ർ​ന്ന് അം​ശാ​ദാ​യം അ‍ട​യ്​​ക്കാ​ൻ ക​ഴി​യാ​ത്ത​വ​രി​ൽ​നി​ന്നും ക്ഷേ​മ​നി​ധി​യി​ൽ തു​ട​രാ​ൻ താ​ൽ​പ​ര്യ​മി​ല്ലെ​ന്ന് അ​റി​യി​ച്ച​വ​രി​ൽ​നി​ന്നും ആ​റു​മാ​സ​ത്തെ അം​ശാ​ദാ​യ തു​ക മു​ൻ​കൂ​റാ​യി ഈ​ടാ​ക്കി. ഈ ​തു​ക ന​ഷ്ട​മാ​കാ​തി​രി​ക്കാ​ൻ ക്ഷേ​മ​നി​ധി അം​ഗ​ത്വം തു​ട​ര​ണ​മെ​ന്നും അ​തി​നാ​യി ക്ഷേ​മ​നി​ധി​യി​ലേ​ക്ക് ന​ൽ​കേ​ണ്ട തു​ക​ക്ക് പു​റ​മെ, 12 ശ​ത​മാ​നം പ​ലി​ശ​യും, പി​ഴ​പ്പ​ലി​ശ​യും അ​ട​യ്​​ക്കാ​നും ക്ഷേ​മ​നി​ധി ബോ​ർ​ഡ് നി​ർ​ദേ​ശം ന​ൽ​കി.

ഇ​തോ​ടെ അം​ഗ​ത്വം പു​തു​ക്കാ​ൻ 16,800 രൂ​പ അ​ട​യ്​​ക്കേ​ണ്ട​വ​ർ​ക്ക് പി​ഴ​പ്പ​ലി​ശ ഉ​ൾ​പ്പെ​ടെ 45,000 രൂ​പ വ​രെ അ​ട​ക്കേ​ണ്ടി വ​രും. സ​ർ​ക്കാ​ർ തീ​രു​മാ​ന​ത്തി​നെ​തി​രെ പ്ര​തി​ഷേ​ധ​വു​മാ​യി റേ​ഷ​ൻ സം​ഘ​ട​ന​ക​ൾ രം​ഗ​ത്തെ​ത്തി. കൊ​ള്ള​പ്പ​ലി​ശ അ​ട​ച്ച്​ അം​ഗ​ത്വം പു​നഃ​സ്ഥാ​പി​ക്കി​ല്ലെ​ന്ന ഉ​റ​ച്ച നി​ല​പാ​ടി​ലാ​ണ് വ്യാ​പാ​രി​ക​ൾ. മ​റ്റു ക്ഷേ​മ​നി​ധി ബോ​ർ​ഡു​ക​ളി​ൽ അം​ശാ​ദാ​യം പി​രി​ക്കു​ന്ന​തി​നൊ​പ്പം ഒ​രു വി​ഹി​തം സ​ർ​ക്കാ​റും ന​ൽ​കാ​റു​ണ്ട്. എ​ന്നാ​ൽ, 2000ത്തി​ൽ ആ​രം​ഭി​ച്ച റേ​ഷ​ൻ വ്യാ​പാ​രി ക്ഷേ​മ​നി​ധി ബോ​ർ​ഡി​ലേ​ക്ക് ഒ​രു രൂ​പ​പോ​ലും സ​ർ​ക്കാ​ർ ന​ൽ​കി​യി​ട്ടി​ല്ല. പ​ക​രം പ​തി​നാ​ലാ​യി​ര​ത്തോ​ളം വ​രു​ന്ന വ്യാ​പാ​രി​ക​ളി​ൽ​നി​ന്ന് പ്ര​തി​മാ​സം 200 രൂ​പ അം​ശാ​ദാ​യ​മാ​യി ഈ​ടാ​ക്കു​ന്നു​ണ്ട്. ക്ഷേ​മ​നി​ധി അം​ഗ​ത്തി​ന്​ പെ​ൻ​ഷ​നാ​യി 1500 രൂ​പ​യും മാ​ര​ക​രോ​ഗം വ​ന്നാ​ൽ (ഒ​രു​ത​വ​ണ) പ​ര​മാ​വ​ധി ല​ഭി​ക്കു​ന്ന തു​ക 25,000 രൂ​പ​യു​മാ​ണ്.

1564 വ്യാ​പാ​രി​ക​ളാ​ണ് നി​ല​വി​ൽ പെ​ൻ​ഷ​ൻ വാ​ങ്ങു​ന്ന​ത്. സ​ർ​ക്കാ​റി​ന്‍റെ സാ​മ്പ​ത്തി​ക പ്ര​തി​സ​ന്ധി​യു​ടെ പേ​രി​ൽ പെ​ൻ​ഷ​നും ചി​കി​ത്സാ​സ​ഹാ​യ​ങ്ങ​ളും മാ​സ​ങ്ങ​ളാ​യി മു​ട​ങ്ങി. ഇ​തോ​ടെ ക്ഷേ​മ​നി​ധി​യി​ലേ​ക്ക് പ​ണം അ​ട​യ്​​ക്കാ​തെ അം​ഗ​ത്വം അ​വ​സാ​നി​പ്പി​ക്കാ​ൻ ഒ​രു​വി​ഭാ​ഗം റേ​ഷ​ൻ​വ്യാ​പാ​രി​ക​ൾ തീ​രു​മാ​നി​ച്ചു.

പ​ല താ​ലൂ​ക്കു​ക​ളി​ലും ഇ​ക്കാ​ര്യം ചൂ​ണ്ടി​ക്കാ​ട്ടി അ​ധി​കാ​രി​ക​ൾ​ക്ക് ക​ത്ത് ന​ൽ​കി. എ​ന്നാ​ൽ, വ്യാ​പാ​രി​ക​ളു​ടെ അ​നു​മ​തി​യി​ല്ലാ​തെ ഇ​വ​രു​ടെ ജൂ​ണി​ലെ ക​മീ​ഷ​നി​ൽ​നി​ന്ന് ആ​റു​മാ​സ​ത്തെ അം​ശാ​ദാ​യ തു​ക സ​ർ​ക്കാ​ർ ഈ​ടാ​ക്കു​ക​യാ​യി​രു​ന്നു. ക്ഷേ​മ​നി​ധി​യി​ലെ അം​ഗ​ത്വം പു​നഃ​സ്ഥാ​പി​ക്കാ​ൻ വ്യാ​പാ​രി​ക​ൾ​ക്ക് പ​ലി​ശ​യും പി​ഴ​പ്പ​ലി​ശ​യും ഒ​ഴി​വാ​ക്കി​ക്കൊ​ടു​ക്ക​ണ​മെ​ന്ന സം​ഘ​ട​ന​ക​ളു​ടെ ആ​വ​ശ്യ​ത്തോ​ട് ഭ​ക്ഷ്യ​വ​കു​പ്പ് മു​ഖം തി​രി​ഞ്ഞ് നി​ൽ​ക്കു​ക​യാ​ണ്.