മന്ത്രി ജലീലിനെതിരായ ബന്ധുനിയമന ആരോപണം അന്വേഷിക്കണം -വെൽഫെയർ പാർട്ടി

തിരുവനന്തപുരം: സംസ്​ഥാന ന്യൂനപക്ഷ ധനകാര്യ കോർപറേഷനിൽജനറൽ മാനേജരായി ബന്ധുവിനെ നിയമിച്ചെന്ന കെ.ടി. ജലീലിനെതിരെ ഉയർന്ന ആരോപണത്തെ കുറിച്ച്​ സമഗ്രമായ അന്വേഷണം നടത്തണമെന്ന്​ വെൽഫെയർപാർട്ടി സംസ്​ഥാന പ്രസിഡൻറ്​ ഹമീദ്​ വാണിയമ്പലം.

ഏഴു പേർ അപേക്ഷിക്കുകയും മൂന്നു പേർ അഭിമുഖത്തിന്​ ഹാജരാവുകയും ചെയ്​തിട്ടും അഭിമുഖത്തിന്​ എത്താത്ത ആളെ വിളിച്ച്​ നിയമനം നൽകിയത്​ സംശയാസ്​പദമാണ്​. സ്വകാര്യ ബാങ്കിലെ ജീവനക്കാരനെയാണ്​ നിയമിച്ചതെന്നതിനാൽ ആ നിയമനം ഡെപ്യൂ​േട്ടഷനല്ല.

സംസ്​ഥാനത്തെ ഒരു മന്ത്രി സംശയത്തി​​​െൻറ മുഴമുനയിൽ നിൽക്കുന്നത്​ ഭൂഷണമ​ല്ലെന്നും മുഖ്യമന്ത്രി മൗനം വെടിഞ്ഞ്​ ഇക്കാര്യത്തിൽ അന്വേഷണം നടത്തി ക്രമക്കേടുകളുണ്ടെങ്കിൽ കുറ്റക്കാർ​െക്കതിരെ നടപടി എടുക്കണമെന്നും അദ്ദേഹം ആവശ്യ​െപ്പട്ടു.