തടസ്സ ഹരജിയിലെ കാരണഭൂതനാര്? വിവരാവകാശ കമീഷനിൽ ഭിന്നത

തി​രു​വ​ന​ന്ത​പു​രം: മ​ല​യാ​ള സി​നി​മ മേ​ഖ​ല​യി​ൽ സ്ത്രീ​ക​ൾ നേ​രി​ടു​ന്ന പ്ര​ശ്ന​ങ്ങ​ൾ സം​ബ​ന്ധി​ച്ച ഹേ​മ ക​മ്മി​റ്റി റി​പ്പോ​ർ​ട്ടി​ൽ, വി​വ​രാ​വ​കാ​ശ അ​പേ​ക്ഷ​ക​രി​ൽ​നി​ന്ന് സ​ർ​ക്കാ​ർ ‘ഒ​ളി​ച്ചു​വെ​ച്ച’ വി​വ​ര​ങ്ങ​ൾ പു​റ​ത്തു​വി​ടു​ന്ന​തി​നെ ചൊ​ല്ലി സം​സ്ഥാ​ന വി​വ​രാ​വ​കാ​ശ ക​മീ​ഷ​നു​ള്ളി​ൽ ഭി​ന്ന​ത രൂ​ക്ഷം.

സ​ർ​ക്കാ​ർ സ​ർ​വി​സി​ലെ ഉ​ന്ന​ത ത​സ്തി​ക​യി​ൽ​നി​ന്ന് വി​ര​മി​ച്ച പ്ര​മു​ഖ​നെ മു​ന്നി​ൽ നി​ർ​ത്തി, ‘വെ​ട്ടി​മാ​റ്റി​യ’ വി​വ​ര​ങ്ങ​ൾ പു​റ​ത്തു​വ​രാ​തി​രി​ക്കാ​ൻ സാം​സ്കാ​രി​ക വ​കു​പ്പും സി​നി​മ മേ​ഖ​ല​യി​ലെ ചി​ല​രും ന​ട​ത്തു​ന്ന നീ​ക്ക​ങ്ങ​ൾ​ക്കെ​തി​രെ വി​വ​രാ​വ​കാ​ശ ക​മീ​ഷ​ണ​ർ​മാ​രി​ൽ ഒ​രു​വി​ഭാ​ഗ​വും, റി​പ്പോ​ർ​ട്ടി​ന്‍റെ പേ​രി​ൽ തു​ട​ർ​ച്ച​യാ​യി പി​ണ​റാ​യി സ​ർ​ക്കാ​റി​നെ പ്ര​തി​സ​ന്ധി​യി​ലാ​ക്കു​ന്ന ന​ട​പ​ടി​ക​ളി​ൽ​നി​ന്ന് ക​മീ​ഷ​ണ​ർ​മാ​ർ വി​ട്ടു​നി​ൽ​ക്ക​ണ​മെ​ന്ന ആ​വ​ശ്യ​വു​മാ​യി മ​റു​വി​ഭാ​ഗ​വും രം​ഗ​ത്തെ​ത്തി​യ​തോ​ടെ റി​പ്പോ​ർ​ട്ടി​ന്മേ​ലു​ള്ള സം​സ്ഥാ​ന വി​വ​രാ​വ​കാ​ശ ക​മീ​ഷ​ന്‍റെ തു​ട​ർ​ന​ട​പ​ടി​ക​ൾ അ​നി​ശ്ചി​ത​ത്വ​ത്തി​ലാ​യി. വി​ഷ​യ​ത്തി​ൽ മു​ഖ്യ വി​വ​രാ​വ​കാ​ശ ക​മീ​ഷ​ണ​ർ വി. ​ഹ​രി നാ​യ​രു​ടെ നി​ല​പാ​ട് നി​ർ​ണാ​യ​ക​മാ​കും.

വ്യ​ക്തി​ക​ളു​ടെ സ്വ​കാ​ര്യ​ത​യെ ബാ​ധി​ക്കു​ന്ന​ത​ല്ലാ​ത്ത റി​പ്പോ​ർ​ട്ടി​ലെ എ​ല്ലാ വി​വ​ര​ങ്ങ​ളും അ​പേ​ക്ഷ​ക​ർ​ക്ക് കൈ​മാ​റു​ന്ന​ത് സം​ബ​ന്ധി​ച്ച് വി​വ​രാ​വ​കാ​ശ ക​മീ​ഷ​ണ​ർ ഡോ.​എ. അ​ബ്ദു​ൽ ഹ​ക്കീം ശ​നി​യാ​ഴ്ച രാ​വി​ലെ 11ന് ​അ​ന്തി​മ ഉ​ത്ത​ര​വ് പു​റ​പ്പെ​ടു​വി​ക്കാ​നി​രി​ക്കെ ത​ട​സ്സ​വാ​ദ​വു​മാ​യി മ​റ്റൊ​രു ഹ​ര​ജി​ക്കാ​ര​ൻ 10.58ന് ​ക​മീ​ഷ​ന് മു​ന്നി​ലെ​ത്തി​യ​താ​ണ് അം​ഗ​ങ്ങ​ൾ​ക്കി​ട​യി​ൽ ഭി​ന്ന​ത രൂ​ക്ഷ​മാ​ക്കി​യ​ത്. ത​ട​സ്സ ഹ​ര​ജി​യു​മാ​യി എ​ത്തി​യ ആ​ളു​ടെ വി​വ​ര​ങ്ങ​ൾ പു​റ​ത്തു​വി​ടാ​ൻ ക​മീ​ഷ​ൻ ത​യാ​റാ​യി​ട്ടി​ല്ല.

ഉ​ത്ത​ര​വ് അ​പേ​ക്ഷ​ക​ന് കൈ​മാ​റു​ന്ന​ത് ത​ട​യാ​ൻ മു​ൻ​കൂ​ട്ടി ആ​സൂ​ത്ര​ണം ചെ​യ്ത പ​ദ്ധ​തി​യാ​ണി​തെ​ന്നും ഹ​ര​ജി​യി​ലെ ‘കാ​ര​ണ​ഭൂ​ത​ൻ’ വി​വ​രാ​വ​കാ​ശ ക​മീ​ഷ​നി​ലെ ത​ന്നെ ഉ​ന്ന​ത​നാ​ണെ​ന്ന ആ​രോ​പ​ണ​വും ക​മീ​ഷ​ണ​ർ​മാ​രി​ൽ ഒ​രു​വി​ഭാ​ഗം ഉ​ന്ന​യി​ക്കു​ന്നു. ഹേ​മ ക​മ്മി​റ്റി റി​പ്പോ​ർ​ട്ടു​മാ​യി ബ​ന്ധ​പ്പെ​ട്ട് ക​മീ​ഷ​ന്​ മു​ന്നി​ലെ​ത്തി​യ അ​പ്പീ​ലു​ക​ളും ഹ​ര​ജി​ക​ളും ആ​ദ്യം മു​ത​ൽ പ​രി​ഗ​ണി​ച്ചു​വ​ന്നി​രു​ന്ന​ത് ക​മീ​ഷ​ണ​ർ ഡോ.​എ. അ​ബ്ദു​ൽ ഹ​ക്കീ​ന്‍റെ ബെ​ഞ്ചാ​യി​രു​ന്നു.

എ​ന്നാ​ൽ ദി​വ​സ​ങ്ങ​ൾ​ക്ക് മു​മ്പ് റി​പ്പോ​ർ​ട്ടി​ലെ വി​വ​ര​ങ്ങ​ൾ ആ​വ​ശ്യ​പ്പെ​ട്ട് സ്വ​കാ​ര്യ വ്യ​ക്തി ന​ൽ​കി​യ ര​ണ്ടാം അ​പ്പീ​ൽ ഹ​ക്കീ​മി​നെ അ​റി​യി​ക്കാ​തെ ക​മീ​ഷ​നി​ലെ പ്ര​മു​ഖ​ന്‍റെ ഇ​ട​പെ​ട​ലി​നെ തു​ട​ർ​ന്ന് ക​മീ​ഷ​ൻ ആ​സ്ഥാ​ന​ത്തെ മ​റ്റൊ​രു ബെ​ഞ്ചി​ലേ​ക്ക് മാ​റ്റി.

സ്വ​കാ​ര്യ​വ്യ​ക്തി​യു​ടെ ര​ണ്ടാം അ​പ്പീ​ലി​നെ​ക്കു​റി​ച്ച് അ​റി​യാ​ത്ത​തി​നാ​ൽ ‘മാ​ധ്യ​മം’ ലേ​ഖ​ക​ന്‍റെ ഹ​ര​ജി പ​രി​ഗ​ണി​ച്ച​ശേ​ഷ​മാ​ണ്​ സ​ർ​ക്കാ​ർ ഒ​ഴി​വാ​ക്കി​യ ഭാ​ഗ​ങ്ങ​ൾ പു​റ​ത്തു​വി​ടു​ന്ന​ത് സം​ബ​ന്ധി​ച്ച അ​ന്തി​മ ഉ​ത്ത​ര​വ് പു​റ​പ്പെ​ടു​വി​ക്കാ​ൻ ക​മീ​ഷ​ണ​ർ അ​ബ്ദു​ൽ ഹ​ക്കീം തീ​രു​മാ​നി​ച്ച​ത്. എ​ന്നാ​ൽ ത​ട​സ്സ​ഹ​ര​ജി മു​ന്നി​ലെ​ത്തു​മ്പോ​ഴാ​ണ് ഇ​ങ്ങെ​നെ​യൊ​രു അ​പ്പീ​ലി​നെ​ക്കു​റി​ച്ച് ഹ​ക്കീം അ​റി​യു​ന്ന​തും അ​ന്വേ​ഷി​ക്കു​ന്ന​തും.

ന​ട​പ​ടി​ക​ളി​ൽ ക​മീ​ഷ​ന് വീ​ഴ്ച​പ​റ്റി​യെ​ന്ന് ക​ണ്ട​തോ​ടെ​യാ​ണ് പ​രാ​തി​ക്കാ​ര​നെ​ക്കൂ​ടി കേ​സി​ൽ ക​ക്ഷി​ചേ​ർ​ക്കാ​ൻ തീ​രു​മാ​നി​ക്കു​ന്ന​തും കേ​സ് മ​റ്റൊ​രു ദി​വ​സ​ത്തേ​ക്ക് വി​ധി പ​റ​യാ​ൻ മാ​റ്റി​യ​തും. ഇ​ത്ത​ര​മൊ​രു അ​പ്പീ​ൽ ത​ന്നെ അ​റി​യി​ക്കാ​തെ മ​റ്റൊ​രു ബെ​ഞ്ചി​ലേ​ക്ക് മാ​റ്റി​യ പ്ര​മു​ഖ​ന്‍റെ നീ​ക്ക​ത്തി​ൽ അ​ബ്ദു​ൽ ഹ​ക്കീം മു​ഖ്യ വി​വ​രാ​വ​കാ​ശ ക​മീ​ഷ​ണ​റെ അ​തൃ​പ്തി അ​റി​യി​ച്ച​താ​യാ​ണ് വി​വ​രം.

റി​പ്പോ​ർ​ട്ട് വീ​ണ്ടും കോ​ട​തി ക​യ​റി​യേ​ക്കും

അ​പേ​ക്ഷ​ക​രെ അ​റി​യി​ക്കാ​തെ സ​ർ​ക്കാ​ർ ഒ​ഴി​വാ​ക്കി​യ 11 ഖ​ണ്ഡി​ക​ക​ൾ അ​ട​ക്കം റി​പ്പോ​ർ​ട്ടി​ലെ 112 ഖ​ണ്ഡി​ക​ക​ൾ പു​റ​ത്തു​വി​ടു​ന്ന​ത് സം​ബ​ന്ധി​ച്ച് വി​വ​രാ​വ​കാ​ശ ക​മീ​ഷ​ന്‍റെ തീ​രു​മാ​നം വൈ​കു​ന്ന​ത് റി​പ്പോ​ർ​ട്ടി​നെ വീ​ണ്ടും കോ​ട​തി ക​യ​റ്റു​മെ​ന്ന് നി​യ​മ​വി​ദ​ഗ്ധ​ർ ചൂ‍ണ്ടി​ക്കാ​ട്ടു​ന്നു.

വി​വ​രാ​വ​കാ​ശ നി​യ​മ​പ്ര​കാ​രം സ​ർ​ക്കാ​ർ ന​ൽ​കാ​ത്ത വി​വ​ര​ങ്ങ​ൾ അ​പേ​ക്ഷ​ക​ന് ന​ൽ​ക​രു​തെ​ന്നാ​വ​ശ്യ​പ്പെ​ട്ട് വ​രും​ദി​വ​സ​ങ്ങ​ളി​ൽ ഹേ​മ ക​മ്മി​റ്റി​ക്ക് മു​മ്പാ​കെ മൊ​ഴി ന​ൽ​കി​യ പ​ല​രും വീ​ണ്ടും ഹൈ​കോ​ട​തി​യെ​യും സു​പ്രീം​കോ​ട​തി​യെ​യും സ​മീ​പി​ച്ചേ​ക്കും. അ​ങ്ങ​നെ​യെ​ങ്കി​ൽ സ​ർ​ക്കാ​ർ മ​റ​ച്ചു​വെ​ച്ച വി​വ​ര​ങ്ങ​ൾ കോ​ട​തി​യു​ടെ അ​ന്തി​മ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ മാ​ത്ര​മേ ഇ​നി പു​റം​ലോ​ക​മ​റി​യൂ.