കണ്ഡമാലിലെ ക്രൈസ്​തവർക്ക്​ നീതി വൈകുന്നതെന്തുകൊണ്ടാണ്​; ബി.ജെ.പിക്കെതിരെ വിമർശനവുമായി സത്യദീപം

കൊച്ചി: മൂന്ന്​ മുന്നണികൾക്കെതിരെയും വിമർശനമുന്നയിച്ച്​ എറണാകുളം അങ്കമാലി അതിരൂപത മുഖപത്രം സത്യദീപത്തിലെ മുഖപ്രസംഗം. പെട്രോൾ വില 100 രൂപയിലേക്ക്​ അടുക്കുന്നതിന്‍റെ വിജയാഹ്ലാദമാണോ ബി.ജെ.പി സംസ്ഥാന അധ്യക്ഷൻ കെ.സുരേന്ദ്രന്‍റെ വിജയയാത്രയെന്ന്​ സത്യദീപം മുഖപ്രസംഗത്തിൽ ചോദിക്കുന്നു.

അരമന കയറി ഇറങ്ങുന്ന ബി.ജെ.പി സംസ്ഥാന-ദേശീയ നേതൃത്വത്തോട്​ കണ്ഡമാലിലെ ക്രൈസ്​തവർക്ക്​ നീതി വൈകുന്നതെന്തുകൊണ്ടാണെന്നും സ്റ്റാൻ സ്വാമി ജയിലിൽ തുടരുന്നത്​ എന്തുകൊണ്ടാണെന്നും ഉറക്കെ ചോദിക്കണമെന്നും മുഖപ്രസംഗം ആവശ്യപ്പെടുന്നു. കാർഷിക നിയമങ്ങൾ റദ്ദാക്കാത്തതിനെതിരെയും മുഖപ്രസംഗത്തിൽ പരാമർശമുണ്ട്​.

പ്രശംസയുടെ പ്രാതൽ രാഷ്​ട്രീയമല്ല, പ്രതിബദ്ധതയുടെ പ്രതികരണ രാഷ്​ട്രീയത്തിലൂടെ സംശുദ്ധമായ സാമൂഹ്യ സാഹചര്യം കേരളത്തിലുണ്ടെന്ന്​ ഉറപ്പാക്കാൻ സഭ മുന്നോട്ട്​ വരണമെന്നും മുഖപ്രസംഗത്തിൽ ആവശ്യപ്പെടുന്നുണ്ട്​.