ഭാര്യയെ തട്ടിക്കൊണ്ടു പോയെന്ന ഹരജിയിൽ ബംഗളൂരു പൊലീസിന് ഹൈകോടതി നോട്ടീസ്​

കൊച്ചി: നിയമപ്രകാരം വിവാഹം കഴിച്ച യുവതിയെ വീട്ടുകാർ തട്ടിക്കൊണ്ടുപോയി തടങ്കലിൽ പാർ​പ്പിക്കുന്നെന്ന ഹരജിയിൽ ഹൈകോടതി കർണാടക പൊലീസിന്​ നോട്ടീസ്​ അയച്ചു. കുറ്റ്യാടി എടത്തിപൊയില്‍ വട്ടയത്തില്‍ ഫാസില്‍ നൽകിയ ഹേബിയസ്​ കോർപസ്​ ഹരജിയിലാണ്​ ബംഗളൂരുവിലെ ഹുളിമാവ് ​െപാലീസിനും പെണ്‍കുട്ടിയുടെ പിതാവിനും ഹൈകോടതി നോട്ടീസ്​ ഉത്തരവായത്​. പൊലീസി​​​​െൻറ സഹായത്തോടെ യുവതിയെ ബന്ധുക്കൾ തട്ടിയെടു​െത്തന്നാണ്​​ ആരോപണം. 

ബംഗളൂരുവില്‍ ഹോട്ടല്‍ നടത്തുമ്പോൾ തൊട്ടടുത്ത്​ കുടുംബത്തോടൊപ്പം താമസിച്ചിരുന്ന പിങ്കിയെന്ന യുവതിയുമായി പ്രണയത്തിലായെന്ന്​​ യുവാവ്​ നൽകിയ ഹരജിയിൽ പറയുന്നു​. രണ്ട്​ വർഷത്തിനുശേഷം യുവതിയെ നിയമപരമായി വിവാഹം കഴിച്ചു. തുടർന്ന്​ ഇവർ ആയിശ ഫാത്തിമ എന്ന പേര്​ സ്വീകരിച്ചു. അവിടത്തെ പ്രശ്‌നങ്ങള്‍മൂലം നാട്ടിലെത്തി. ഒരു ദിവസം പെണ്‍കുട്ടിയുടെ കുടുംബവും പൊലീസും എത്തിയപ്പോൾ കുറ്റ്യാടി പൊലീസ് തങ്ങളെ കണ്ടെത്തി കോടതിയിൽ ഹാജരാക്കാതെ ഹുളിമാവ്​ ​െപാലീസിന്​ കൈമാറുകയായിരുന്നു. അവിടെവെച്ച് പൊലീസ്​ മാനസികമായും ശാരീരികമായും പീഡിപ്പിച്ചു. 

ശരീരത്തിലും കണ്ണിലുമെല്ലാം മുളകുപൊടി തേച്ചു. ചില രേഖകളില്‍ ഒപ്പിടുവിച്ചു. മാര്‍ച്ച് 28 മുതല്‍ ഏപ്രില്‍ രണ്ടുവരെയാണ് പീഡിപ്പിച്ചത്. ഭാര്യയെ ഒഴിവാക്കിയില്ലെങ്കില്‍ കൊല്ലുമെന്ന് ഭീഷണിപ്പെടുത്തി. ജീവന് ഭീഷണിയുള്ളതിനാല്‍ അവരെ കോടതിയില്‍ ഹാജരാക്കി ത​േന്നാടൊപ്പം വിട്ടയക്കണമെന്നാണ്​ ഹരജിയിൽ ആവശ്യപ്പെട്ടത്​. കേസ് തിങ്കളാഴ്​ച വീണ്ടും പരിഗണിക്കാൻ മാറ്റി.