ഗർഭിണിയായ പശുവിനെ കൊന്ന്​ കിടാവിനെ തിന്നു; ആക്രമിച്ചത് പുലിയോ കടുവയോ എന്ന് സംശയം

വ​ട​ശ്ശേ​രി​ക്ക​ര: പെ​രു​നാ​ട് കു​ള​ത്തും നി​ര​വേ​ൽ ഭാ​ഗ​ത്ത്​ ഗ​ർ​ഭി​ണി പ​ശു​വി​നെ കൊ​ന്ന്​​ വന്യജീവി കി​ടാ​വി​നെ തി​ന്നു. ആ​ക്ര​മി​ച്ച​ത് പു​ലി​യോ ക​ടു​വ​യോ എ​ന്ന് സം​ശ​യി​ക്കു​ന്ന​താ​യി പ​ശു​വി​നെ പോ​സ്റ്റു​മോ​ർ​ട്ടം ചെ​യ്ത വെ​ച്ചൂ​ച്ചി​റ മൃ​ഗാ​ശു​പ​ത്രി​യി​ലെ വെ​റ്റ​റി​ന​റി സ​ർ​ജ​ൻ പ​റ​ഞ്ഞു. പെ​രു​നാ​ട് കാ​ർ​മ​ൽ എ​ൻ​ജി​നീ​യ​റി​ങ്​ കോ​ള​ജി​ന്​ സ​മീ​പം കു​ള​ത്തും നി​ര​വേ​ൽ വ​ള​വ​നാ​ൽ റെ​ജി തോ​മ​സി​ന്‍റെ നാ​ലു​മാ​സം ഗ​ർ​ഭി​ണി​യാ​യ പ​ശു​വാ​ണ് ഞാ​യ​റാ​ഴ്ച രാ​ത്രി കൊ​ല്ല​പ്പെ​ട്ട​ത്.

തൊ​ഴു​ത്തി​നോ​ടു ചേ​ർ​ന്ന് ഉ​ട​മ​യു​ടെ സ്വ​ന്തം റ​ബ​ർ തോ​ട്ട​ത്തി​ലാ​യി​രു​ന്നു പ​ശു​വി​നെ കെ​ട്ടി​യി​രു​ന്ന​ത്. പ​ല്ലി​ന്‍റെ വ​ലു​പ്പ​വും ആ​ക്ര​മ​ണ​ത്തി​ന്‍റെ രീ​തി​യും ​െവ​ച്ചു നോ​ക്കു​മ്പോ​ൾ ക​ടു​വ​യോ വ​ലി​യ പു​ലി​യോ ആ​ണ് പ​ശു​വി​നെ ആ​ക്ര​മി​ച്ച​തെ​ന്ന നി​ഗ​മ​ന​ത്തി​ലാ​ണ് ഡോ​ക്ട​ർ. നാ​ട്ടു​കാ​ർ സം​ഘ​ടി​ച്ച​തി​നെ​ത്തു​ട​ർ​ന്ന് രാ​ജാം പാ​റ ഫോ​റ​സ്റ്റ് സ്റ്റേ​ഷ​നി​ൽ​നി​ന്നും വ​ന​പാ​ല​ക​രെ​ത്തി​യെ​ങ്കി​ലും പോ​സ്റ്റു​മോ​ർ​ട്ടം ന​ട​പ​ടി​ക​ൾ​ക്ക് നേ​തൃ​ത്വം ന​ൽ​കി​യ​ശേ​ഷം മ​ട​ങ്ങി. ഇ​തി​നി​ടെ തി​ങ്ക​ളാ​ഴ്ച പ​ക​ൽ അ​ഞ്ച് മ​ണി​ക്ക് മ​റ്റൊ​രു പ​ശു​വി​ന് നേ​െ​ര​യും ആ​ക്ര​മ​ണം ന​ട​ന്നു. ഇ​ത്​ ക​ടു​വ​യാ​ണെ​ന്ന്​ നാ​ട്ടു​കാ​ർ പ​റ​യു​ന്നു.

നാ​ട്ടു​കാ​ർ​ക്കും വ​ള​ർ​ത്തു​മൃ​ഗ​ങ്ങ​ൾ​ക്കും വ​ന്യ​മൃ​ഗ ഭീ​ഷ​ണി നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ ഇ​വി​ടെ കൂ​ട് സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്​​ത​മാ​ണ്. എ​ന്നാ​ൽ, ​ഉ​ന്ന​ത വ​നം​വ​കു​പ്പ് അ​ധി​കൃ​ത​രു​ടെ​ അ​നു​മ​തി കി​ട്ടി​യാ​ൽ മാ​ത്ര​മെ കൂ​ടു സ്ഥാ​പി​ക്കാ​ൻ ക​ഴി​യൂ​വെ​ന്ന നി​ല​പാ​ടി​ലാ​ണ് വ​നം വ​കു​പ്പു​ദ്യോ​ഗ​സ്ഥ​ർ.