മൂന്നാര്‍ തെന്മലയിൽ കാട്ടാന ആക്രമണം; വയോധികന്‍ മരിച്ചു

മൂന്നാര്‍: ഗുണ്ടുമലക്ക്​ സമീപം തെന്മലയില്‍ കാട്ടാന ആക്രമണത്തില്‍ തമിഴ്‌നാട് സ്വദേശി മരിച്ചു. കോയമ്പത്തൂര്‍ സ്വദേശി പാൽരാജാണ്​ (73) മരിച്ചത്.

ചൊവ്വാഴ്ച രാത്രി 9.45ഓടെ തെന്മല ലോവറിലുള്ള ക്ഷേത്രത്തിനു സമീപത്തെ വീട്ടില്‍ വിവാഹത്തിൽ പങ്കെടുക്കാന്‍ ബന്ധുക്കള്‍ക്കൊപ്പം എത്തിയതായിരുന്നു പാൽരാജ്.

മറ്റുള്ളവര്‍ ആനയെക്കണ്ട് ഓടി രക്ഷപ്പെട്ടെങ്കിലും പ്രായാധിക്യത്തില്‍ പാൽരാജിന് വേഗത്തില്‍ ഓടിമാറാനായില്ലെന്നാണ് വിവരം.