ആറളം ഫാമിൽ നടുറോഡിൽ കാട്ടാനക്ക് സുഖപ്രസവം; വലയം തീർത്ത് സുരക്ഷയൊരുക്കി ആനക്കൂട്ടം -VIDEO

കേളകം: നടുറോഡിൽ കാട്ടാന പ്രസവിച്ചു. കണ്ണൂർ കീഴ്പ്പള്ളി-പാലപ്പുഴ റൂട്ടിൽ നഴ്സറിക്ക് സമീപത്താണ് കാട്ടാന പ്രസവിച്ചത്. ബുധനാഴ്ച രാത്രിയായിരുന്നു സംഭവം. പ്രസവിക്കുന്ന ആനയ്ക്ക് ചുറ്റുമായി മറ്റ് കാട്ടാനകൾ വലയം തീർത്ത് സംരക്ഷിച്ചു. ഇതോടെ ഇതുവഴിയുള്ള ഗതാഗതവും തടസ്സപ്പെട്ടു.

റോഡിൽ കാട്ടാന പ്രസവിച്ചതോടെ കീഴ്പ്പള്ളി–പാലപ്പുഴ റോഡ് അടച്ചു. തള്ളയാനയും കുഞ്ഞും വനംവകുപ്പ് ആർ.ആർ.ടി സംഘത്തിന്‍റെ നിരീക്ഷണത്തിലാണ്. ആറളം ഫാം കാർഷിക മേഖലയിൽ നിരവധി കാട്ടാനകളുണ്ട്.